Lukas 23:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Lukas 23:34 Iomraidhean Croise

Panagnaan 50:17

Bay tugun na, ‘Baan bi si Yusup, junjung ku na niiya nohoꞌ na kam binuwanan kaampunan ni bay kalaatan bi bay makaat iya jaman looy.’ “Dari tugun kami pa mman si Yusup, paku kami na junjung niiya, buwanan na na kami kaampunan. Ndang-ndang sibuꞌ du Tuhan isbat kami ka Tuhan ma bay inisbat meꞌ Simmaꞌ.” Na lay jaꞌ siꞌ si Yusup kabaan meꞌ looy, ilooy ma lay ya kapanangis.

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 11:26

Kon nu nganggantaꞌ meꞌ naa sabap tud numan ni pamiki nu meꞌ looy.”

Matiyu 5:44

Sugaꞌ ituu jaꞌ meꞌ ku ka kaam: Kaasean bi sagannap ma manta kaam maka pakuhan bi duwaa sagannap ma ngalaugan kaam.

Malkus 15:24

Pag-anu, ilooy ma lay na ya llansang taꞌ tehang. Kuwan pakayan na, lay na pinagsarī-sarī meꞌ siga sundalu, boꞌ pinagkimbuan meꞌ da bong mamooy sukuꞌ ni dangan.

Lukas 22:42

Yuk na, “Maꞌ, bong siꞌ ko kuhi, hawasan nu na kamalasahiyan ma bay gantaꞌ nu njataꞌ ku. Sugaꞌ subay baw kahandak nu binean, saꞌ ga niyaku.”

Yahiya 17:9

“Batnaa pakuhan ku na sila duwaa ningkau. Yaꞌ na ku ngalapis jama sarī. Ituu jaꞌ pakuhan ku sagannap ma bay hinalap meꞌ nu niyaku sabap sila sukuꞌ nu.

Yahiya 19:11

Pag tampung si Isa, “Yaꞌ bina luu tapabuwat nu oy maka oy na niyaku bong siꞌ saꞌ Tuhan bay muwanan kau kapatut. Ni hāl aku pinakaat batnaa, saꞌ du kau bay bagaraꞌ. Sangkon siga jama ma bay ma-ntan aku pa mman nu, mas mehe gi dusa da man ningkau.”

Salsila siga Rasul 16:28

Kahapan lay ya hinowapan meꞌ si Pol, yuk na, “Daa ko ba mapatoy dī nu. Itu gi du kami ntuu sikamimon.”

Salsila siga Rasul 3:17

Yuk si Pitel lagi, “Siga mbuwaꞌ danganakan, katoonan ku du kaam ina ka ga pa-mmean bi bay mapatoy si Isa ni kaawam bi. Yaꞌ san bay taingat bi ga tud iya na Almasi, tukang nalamat bay pinapitu meꞌ Tuhan.

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

Suwat si Pol pa mman Baanan Sukuꞌ si Isa ndooy ni Rom 12:14

Na bila luu ngalaugan kaam, daa sumpaan bi, gam pin pakuhan bi gi sila supaat man Tuhan.

1 Korin 2:8

Sugaꞌ kuwan siga pa-mmean ma ngantanan kapatut ni junyaꞌ tuu, ndang awam sila ni garaꞌ Tuhan. Bong siꞌ ilay sila bay kasayu, yaꞌ bay sohoꞌ da nilansang taꞌ tehang Papuꞌ tabi ma yaꞌ luu sibuꞌ sabanding na.

1 Korin 4:12

Kami tu llum, dī kami mismu maghulas-sangsāꞌ. Bila kami sinumpaan meꞌ jama, gam pin pakuhan kami gi sila supaat. Bila kami nilaugan, tinatasan na jaꞌ meꞌ kami.

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.