Lukas 22:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Dari yuk si Isa ni ga si Pitel ka si Yahiya, “Duhuꞌ na doꞌ kam pilay manyap ni paballangan tabi supaya tahan tabi mangan kohap.”

Lukas 22:8 Iomraidhean Croise

Matiyu 3:15

Sugaꞌ tampung si Isa, “Pilayun na ba. Dari du sina ko mandi aku, batan subay bean ta mimon kahandak Tuhan ningkita.” Dari lay na kuhi si Yahiya mandi si Isa.

Lukas 1:6

Ga si Jakariya siꞌ tu ka nda na intong ni mata Tuhan. Mmeꞌ jaꞌ sila ni siga saraꞌ ka panohoan Tuhan labbasakayi maka yaꞌ luu sutsutan njataꞌ da.

Lukas 22:9

Yuk da, “Ohoꞌ, Tuwan. Sugaꞌ nnoy lay la man kami manyap?”

Salsila siga Rasul 3:1

Pag-anu, luu disu llaw, lay pilay si Pitel ka si Yahiya pa langga mehe ga lisag tallu kohap, yana disu waktu man jama pōꞌ maku duwaa pa Tuhan.

Salsila siga Rasul 3:11

Na lalla looy siꞌ masi nguwangkutan si Pitel ka si Yahiya ngabut sampay ni Sawrung Sultan Sulayman ni haman langga mehe. Dari siꞌ, bahuklud na jama sonse pilay ngandaꞌ iya ni kajayip da.

Salsila siga Rasul 3:3

Takita na jaꞌ siꞌ ga si Pitel ka si Yahiya song paasok, lay du sila pakuhan lalla looy.

Salsila siga Rasul 4:13

Pag ndaꞌ baanan siga pa-mmean agama ndooy nawakka ga si Pitel ka si Yahiya mitsala, tud bay jayip sila. Batan katoonan da yaꞌ san sila iskulan maka jama biyasa sadjaꞌ sila. Sugaꞌ hangat sila ngaliling, takila da na sila sikaduwa ndang bay lungbid ka si Isa.

Salsila siga Rasul 4:19

Sugaꞌ iya tampung si Pitel ka si Yahiya, “Pamikihan bi teꞌ ba bong mamooy numan ni kahandak Tuhan: Subay kaam binean atawa iya?

Salsila siga Rasul 8:14

Na pag kaakahan jaꞌ siꞌ siga rasul ndooy ni Jerusalem hinasi na umanat Tuhan ni Samariya, honaꞌ-honaꞌ da subay du sila luu song pilay ngandaꞌ-ngandaꞌ. Dari lay peneꞌ da si Pitel ka si Yahiya nohoꞌ patuhut pilay pa mman da.

Galatiya 2:9

Dari sila siꞌ tu ma ndang tanyag pa-mmean sukuꞌ si Isa, yana ga si Yaꞌkub, si Pitel, ka si Yahiya, tabista da na lay du ku pineneꞌ leꞌ Tuhan binuwat rasul si Isa. Sangkon gāk na sila ngaku kami ka si Balnabas limbang da. Batan magtaayun na pamiki kami ni hāl meꞌ kami masaplag. Dari pagsulutan kami, kuwan kami ka si Balnabas pa kabangsa-bangsahan ma saꞌ Yahudi. Kuwan sila, pa bangsa Yahudi.