Lukas 22:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ San baw meꞌ looy, amu-amu ya maku na pin duwaa sabap meꞌ lassa hansu na atay na. Ni kaehe susa atay na, nongot na ga ya sampay ngattap na ga taꞌ tanaꞌ subay ga kattap lahaꞌ pinaduwai.

Lukas 22:44 Iomraidhean Croise

Lukas 22:45

Pag lupus na maku duwaa, lay na ya nangge boꞌ na pabeleng pa mman ga mulit na. Pag ndaꞌ na, tuli jaꞌ sila batan lungay na ga anggawtaꞌ da ni kasusa da.

Yahiya 12:27

Pag-anu siꞌ yuk si Isa, “Tud susa atay ku batnaa sabapan kamalasahiyan ma song inawop meꞌ ku. Tud sobot pamiki ku bong oy subay halling ku ni Mmaꞌ ku. Bong ku nohoꞌ pinuwasan niiya, yaꞌ baw sikatuwaꞌ sabap ituu na situ ndang bay maksud ku pitu.”

Suwat si Pol pa mman Baanan Sukuꞌ si Isa ndooy ni Rom 8:32

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

Hibrani 5:7

Na jaman si Isa ntuu ni junyaꞌ, daran ya maku duwaa maka tamūd njawom duwaa na ngattap na ga boheꞌ mata na sambayan na killahap. Bbuwatan na nganjunjung pa Tuhan batan isu-isu Tuhan kasalamat iya man kapatoy na. Dari sabap iya jama lillaꞌ jaꞌ pa Tuhan, lay du bay pinaruli duwaa na.