Lukas 22:43 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴³ Pag-anu, luu na baw tulun malaikat man sulgaꞌ mabasagan iman na.

Lukas 22:43 Iomraidhean Croise

Matiyu 26:53

Yaꞌ kina tabista nu bong ku maku tabang man Mmaꞌ ku, mastiꞌ sarunduun du sohoꞌ na pūan libu malaikat pa mman ku?

Matiyu 4:11

Dari lay na lakka Ibilis. Pus meꞌ looy, luu na baw takka siga malaikat ngintu si Isa.

Matiyu 4:6

Yuk Ibilis niiya, “Bong ko bana-bana Anak Tuhan, kupa teꞌ ko pa diyoꞌ. Ndang-ndang yaꞌ du sina ko kongoy-kongoy, batan saꞌ ba, luu du bay sinuwatan njawom kitab, ‘Sohoꞌ Tuhan sa siga malaikat na nayak kau supaya yaꞌ san sumantuk battis nu ni batu.’ ”

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Salsila siga Rasul 18:23

Hallom-hallom jaꞌ siꞌ ya ndooy ni Antiyok, lay na baw ya pilay pabalik pa Galatiya ka Pirigiya. Ndooy siꞌ, lay na baw ya ngalataan lahat mataggu iman sukuꞌ si Isa sikamimon.

1 Timuti 3:16

Kabanahan ina ma kinapitsayaan meꞌ tabi, yaꞌ tapakilubaan, boꞌ tud kahaylan-haylan. Maruhuꞌ yaꞌ gi bay tahati meꞌ manusiyaꞌ. Pag batnaa, lay na pinalahil meꞌ Tuhan ningkitabi. Meꞌ tuu situ karuha na: Almasi ina bay dari manusiyaꞌ ntuu ni junyaꞌ. Maka iya ilay, luu na pin Rū Sutsiꞌ bay mōꞌ buktiꞌ bong soy ya. Boꞌ lay gi ya tinammuhan meꞌ siga malaikat. Awon na lay na pinasaplag pa kabangsa-bangsahan. Maka kinapitsayaan na ya meꞌ manusiyaꞌ ni sikaliput junyaꞌ. Boꞌ lay gi ya inangkat pa sulgaꞌ njawom kabantugan mehe.

Hibrani 1:14

Boꞌ siga malaikat ina sosohoan Tuhan sadjaꞌ sinohoꞌ ngayaran mimon manusiyaꞌ ma koleꞌ kasalamatan man Tuhan.

Hibrani 1:6

Lagiꞌ na, taabut Tuhan bay mapitu Anak Tungga na pa junyaꞌ, yuk na, “Mimon malaikat ku subay numba iya.”

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.