Lukas 22:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ Sugaꞌ kaam, daa kam ngakig sila. Arapun bong kam doman patingkat ni baanan bi, subay kam magpadiyoꞌ buwat dī bi siyali man sikamimon. Maka soysoy kam pa-mmean, subay ya buwat dī na tukang ngintu siga pagkahi na.

Lukas 22:26 Iomraidhean Croise

Matiyu 20:26

Sugaꞌ kaam, amay-amay daa kam ngakig meꞌ looy. Soysoy kam doman patingkat subay buwat dī na tindog siga pagkahi na.

Malkus 10:43

Sugaꞌ ningkaam, yaꞌ dari meꞌ looy. Arapun soysoy kam doman patingkat, subay buwat dī na tindog pagkahi na.

Malkus 9:35

Pag-anu siꞌ, ningkōꞌ na si Isa boꞌ na nohoꞌ ga mulit na sikasapu-duwa pa bihing na. Halling na ninsila, “Soysoy kam doman patingkat, subay magpadiyoꞌ, buwat dī na tindog sikamimon.”

Lukas 9:48

Pag-anu, yuk na ninsila, “Ngaddoꞌ kam matakaddam ni anak-anak tuu. Soysoy ina ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du sina ya ka ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku. Indanan bi, soysoy ina pinakadiyoꞌ pangatayan na ni baanan bi, iya na sina patingkat man sikamimon.”

Suwat si Pol pa mman Baanan Sukuꞌ si Isa ndooy ni Rom 12:2

Daa na kam mmeꞌ meꞌ uwahan jama ma yaꞌ pitsayaꞌ ni Almasi. Halinun bi na pamiki bi mari sikatuwaꞌ na ka pamiki Almasi. Meꞌ looy ilay, tapabahauwan na leꞌ Tuhan pangatayan bi supaya katoonan bi na kahandak na sampay tapabuwat bi na. Boꞌ inawnan kahandak Tuhan ina, mastiꞌ mahap jaꞌ, boꞌ kagak-gāk lagi maka yaꞌ luu salla na.

1 Pitel 5:3

Maka daa kam buwat sagannap ma njawman bi subay ga tindog bi, saula-ula kaam na papuꞌ da. Arapun subay kam makitahan sila kawul-piil ayad mari luu suntuan taakig da.

1 Pitel 5:5

Na kuwan kaam ma masi baddung, subay kam lillaꞌ ni siga matatoa ni baanan bi. Maka kitabi sikamimon subay magpadiyoꞌ saliꞌ-saliꞌ ni pagkahi tabi, batan yuk njawom kitab, “Kinuntra meꞌ Tuhan sagannap ma abbuhan, sugaꞌ tabangan na sagannap ma diyoꞌ pangatayan da.”