Lukas 22:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Pag-anu, lay na baw ya ngaddoꞌ dambatang tinapay boꞌ pinagsukuhan pa Tuhan. Pag lupus, pinong-pōng meꞌ na boꞌ sinongan ni siga mulit na sambayan na halling, “Atu, ngaddoꞌ kam boꞌ kakanun bi. Ingatun bi ituu baran ku ma song pinaglillaꞌ kalnaꞌ kaam. Buwat kam tabiat meꞌ tuu bilang pangintoman bi niyaku.”

Lukas 22:19 Iomraidhean Croise

Matiyu 14:19

Pag-anu siꞌ, lay sohoꞌ na ga baanan jama looy ningkōꞌ ni jataꞌ kuhun. Lay jaꞌ siꞌ sila ningkōꞌ, lay kaddoꞌ na tinapay looy sikalimam batang ka daying looy sikaduwa, boꞌ na pahangad pa taꞌ langit sambayan na muwan pagsukuhan pa Tuhan. Pag lupus, pinong-pōng na meꞌ na ga tinapay looy ka ga daying na, boꞌ lay songan na pa mman siga mulit na nohoꞌ ndean ga baanan jama looy.

Matiyu 15:36

Pag-anu, kinaddoꞌ na meꞌ na ga tinapay looy sikapitum batang maka daying na, boꞌ pinagsukuhan meꞌ na pa Tuhan. Pag lupus, pinong-pōng na meꞌ na, boꞌ sinongan pa mman ga mulit na nohoꞌ man makan ga baanan jama looy.

Lukas 22:17

Pag-anu siꞌ, lay si Isa ngaddoꞌ mbuwaꞌ sawan tubaꞌ anggul boꞌ pinagsukuhan pa Tuhan. Yuk na ni siga mulit na, “Atu, magsing-sīng kam nginum.

Lukas 22:20

Pag lupus da mangan, lay na baw ya ngaddoꞌ pabalik mbuwaꞌ sawan tubaꞌ anggul, boꞌ sinongan ni ga mulit na sambayan na halling, “Ingatun bi tubaꞌ anggul njawom sawan tuu yana lahaꞌ ku song tinumpahan kalnaꞌ kaam. Lahaꞌ ku ina, inaa na muwan kasāhan ni pagsulutan bahau antaraꞌ Tuhan ka manusiyaꞌ.

Lukas 24:30

Na pag tingkōꞌ da mangan, lay si Isa ngaddoꞌ tinapay boꞌ pinagsukuhan meꞌ na pa Tuhan. Pag lupus, pinong-pōng na baw meꞌ na boꞌ sinongan pa mman da.

Yahiya 6:23

Pag-anu siꞌ, luu na baw siga kumpit takka man Tiberias lay parungguꞌ tapit pa lahat looy man da bay mangan tinapay ma bay pinagsukuhan meꞌ Papuꞌ Isa.

Yahiya 6:51

Boꞌ aku na situ makanan looy ma luu na bay duwai man sulgaꞌ. Aku itu makanan llum. Bong jama bay kakakan, malaingkan llum sila saumu-umu ni okoman Tuhan. Makanan ma awnan ku tu yana isi baran ku ma pinaglillaꞌ meꞌ ku kalnaꞌ mimon manusiyaꞌ supaya sila koleꞌ kasampulnaan nyawa saumu-umu.”

1 Korin 10:16

Katoonan bi na du, tuktuk tabi nginum tubaꞌ anggul bilang pangintoman ni lahaꞌ Almasi, mangaku kitabi tibuuk ka iya. Maka muwan tabi pagsukuhan pa Tuhan. Damikiyan, tuktuk tabi mangan tinapay ma pinong-pōng meꞌ tabi, mangaku du kitabi dambuwaꞌ baran ka iya.

1 Korin 10:4

Sampay saliꞌ-saliꞌ sila lay kainum boheꞌ ma bay pinapōꞌ meꞌ Tuhan man jawom disu batu. Na batu looy ilay yana sipat ni Almasi ma bay ngunungan sila.

Galatiya 1:4

ma bay nongan umu na man muwasan dusa tabi. Maksud na supaya kitabi tapaddusan na man jawom sakup kalaatan ntuu ni junyaꞌ. Boꞌ ndang ituu na situ bay garaꞌ Mmaꞌ tabi Tuhan man maruhuꞌ-ruhuꞌ lagi.

Epesus 5:2

Subay kitabi wā maasean pagkahi tabi manusiyaꞌ meꞌ karuha Almasi bay maasean kitabi. Tandaꞌ aseꞌ na, lay na ga ya nongan umu na kalnaꞌ kitabi. Yana meꞌ jama bay numbaliꞌ bili-bili man ngulban maruhuꞌ, Almasi pun lay na du bay pinapatoy binuwat kulban kalnaꞌ kitabi. Bay pabuwatan Almasi ilay nulut ni kahandak Tuhan. Bong ibaratan bawu, tud kahamutan ya.

1 Tesaloneka 5:18

Maka mahap-maat kahalan bi, daa dohongan bi meꞌ bi muwanan Tuhan pagsukuhan. Batan ndang inaa sina kahandak Tuhan ningkitabi ma tibuuk na ka si Isa Almasi.

Taytus 2:14

Iya ilay, lay na ga bay nongan umu na kalnaꞌ kitabi supaya tapaddusan na na kitabi man tabiat tabi buwat dusa, maka supaya tapasutsiꞌ na kitabi. Batan kahandak na ina, luu na sukuꞌ na ma tinagi buwat mahap, ma pabiddaꞌ man kasohean manusiyaꞌ.

1 Pitel 2:24

Boꞌ lay gi paglillaꞌ na baran na llansang taꞌ tehang bong pin tatanggung na jaꞌ dusa tabi. Kon na buwat meꞌ looy supaya patagong na kitabi buwat dusa boꞌ tabi makutuꞌ meꞌ buwat kaintongan. Dari meꞌ halling njawom kitab, “Man sabapan siga bakat bisa ni baran na, kaulian na kitabi.”