Lukas 21:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

Lukas 21:8 Iomraidhean Croise

Matiyu 24:11

Meka sina mintu nabi palsu pōꞌ, boꞌ meka du takoleꞌ da binoo magsiꞌ.

Matiyu 3:2

Pamakoy na bay pinabuwat ka bū untaꞌ maka kambot na kuwit sapiꞌ. Makanan na tompang ka gowaꞌ buwani. Ndooy siꞌ, wā ya masaplag ni siga jama ma bay pilay pa mman na, yuk na, “Nawbat na kam sabap tapit na katakka pamarinta Tuhan.” Na sabapan pabuwatan si Yahiya ilay siꞌ, lay na binakbul bay tunaꞌ Nabi Isaya, ilooy ma yuk na, “Luu sina mintu jama takale ngahowap ni lahat lau-lau, yuk na, ‘Saddiyahun bi na lān ni katakka Papuꞌ. Paintongun bi na mari tahan na patiluꞌ pa mman bi.’ ”

Matiyu 4:17

Dari pag takka si Isa pa Kapelniyum, labba mandooy lay na ya nagnaꞌ masaplagan jama, yuk na, “Nawbat na kam sabap tapit na katakka pamarinta Tuhan.”

Lukas 17:23

Sangkon, san sabagay mintu luu māꞌ ningkaam, ‘Luu na Almasi takka ndooy,’ atawa ‘Luu na ntuu,’ daa kam hidjab maka daa kam mmeꞌ miha aku.

Lukas 21:7

Pag-anu siꞌ, nilaw na baw siga mulit na, yuk da, “Tuwan Guru, sumilan lay la mintu binakbul ilooy ma bay bitsala nu siꞌ? Maka oy lay la mintu ga sipat man jama mindoga tapit na?”

Lukas 21:9

Pag taabut bi mintu kaakahan luu na siga bonoꞌ ka ga jama hiluhalaꞌ, daa kam tawu. Ndang bay silay ginantaꞌ mastiꞌ subay magkadarihan doꞌ duhuꞌ meꞌ looy. Sugaꞌ yaꞌ gi baw lay ngabut katapusan.”

Yahiya 5:43

San ku bay pitu ni kapatut Mmaꞌ ku, yaꞌ du ku bay hinasi meꞌ bi. Sugaꞌ bong baw luu jama pitu noan kaam ni kapatut na dī na, iya ya hinasi meꞌ bi.

Yahiya 8:24

Sangkon meꞌ halling sambat ku na siꞌ, taboo bi jaꞌ sina dusa bi matoy. Batan bong kam yaꞌ pitsayaꞌ aku na Almasi, basta yaꞌ sina kuhi puwas dusa bi.”

Yahiya 8:28

Dari yuk si Isa ninsila, “Pag ina mintu taabut na Anak Manusiyaꞌ inangkat meꞌ bi taꞌ tehang, ndooy na sina mintu bohoꞌ tasayu bi aku na Almasi. Maka ndooy na du bohoꞌ tabista bi yaꞌ ku buwat oy maka oy na lakka man pamiki ku dī ku, arapun bean ku jaꞌ sohoꞌ Mmaꞌ ku. Damikiyan, iya du maan aku bong oy bitsala subay pōꞌ ku.

1 Korin 6:9

Yaꞌ kina katoonan bi, kinawnan jama buwat maat, yaꞌ luu kabigiꞌ-bigian da ni pamarinta Tuhan? Daa kam ngandupang dī bi. Intomun bi, basta ina sagannap ma buwat maat meꞌ sapantun kalalamaan yaꞌ halal kawin, atawa ma numba kajinisan sarī man Tuhan, ma magjina, ma sikameek-kameek lalla ka pagkahi da lalla, atawa danda ka pagkahi da danda, mastiꞌ yaꞌ sina luu sukuꞌ da ni pamarinta Tuhan.

Epesus 5:6

Daa kam kuhi ndupang meꞌ jama ma māꞌ yaꞌ du maat siga kalaatan meꞌ looy siꞌ. Basta mehe baw silay laat na. Batan siga kalaatan meꞌ looy ilay yana poonan man Tuhan mōꞌ mulkaꞌ na ni mimon ma amu-amu nulang kahandak na.

2 Tesaloneka 2:3

Daa kam mmeꞌ-mmeꞌ ninsila, batan inawnan llaw katakka Papuꞌ, yaꞌ sina takita ngkod-ngkoran yaꞌ gi luu duhuꞌ sakiyan manusiyaꞌ nuwak Tuhan. Maka subay luu doꞌ duhuꞌ pōꞌ disu pa-mmean ma tukang nulang saraꞌ Tuhan. Iya ilay sukuꞌ nalkaꞌ.

2 Timuti 3:13

Batan jama maat ina ka jama pangakka, magsasōng na pin sina mintu kalaatan da. Ngakkahan sila jama, sugaꞌ sila pun inakkahan du.

1 Yahiya 4:1

Siga kakasi ku, daa kam os-os pitsayaꞌ sukat jama mangaku bahasa tōꞌ na lakka man Rū Tuhan. Arapun pindogahan bi doꞌ duhuꞌ tōꞌ na mari katoonan bi bong mattan ya sosohoan Tuhan atawa niyaꞌ. Batan meka na sina guru palsu njawom junyaꞌ.

2 Yahiya 1:7

Batnaa tu, meka na guru palsu ni junyaꞌ magsian jama. Baꞌ-bāꞌ da, si Isa saꞌ Almasi bay pitu pa junyaꞌ magbaran manusiyaꞌ. Pangandustaꞌ sila maka tukang nguntra Almasi.

Siga Pakaradjaan bay Pinalahil 1:3

Njawom supaat sina soysoy matsa kitab tuu. Damikiyan, njawom supaat du sagannap ma pakale sampay nganna mimon isi na, batan yaꞌ na situ hallom binakbul na siga tunaꞌ ni suwat tuu.

Siga Pakaradjaan bay Pinalahil 12:9

Sampay lay na sila hiniyakan pa junyaꞌ. Na naga mehe looy ilay siꞌ, yana sō looy na ni awwal jaman ma pinag-awnan Ibilis atawa panghuluꞌ seytan. Iya ilay tukang magsian manusiyaꞌ ni sikaliput junyaꞌ.