Lukas 21:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Sangkon, subay kam wā saddiya. Maka maku na pin kam duwaa mari taggu iman bi natasan mimon katiksaan ma bay sabbut ku siꞌ. Maka maku na pin kam duwaa, kamura-murahan yaꞌ du luu meꞌ bi hinaꞌ pag taabut bi ngawpan aku, yana Anak Manusiyaꞌ, bbos-bbos.”

Lukas 21:36 Iomraidhean Croise

Matiyu 24:42

Sangkon, iyakin kam mari kam sakap batan yaꞌ tatunaꞌ bi llaw mamooy man Papuꞌ bi takka.

Matiyu 24:43

“Indanan bi ituu: Bong ina katoonan jama ma dapu lumaꞌ bong lisag dangoy jama panangkaw takka, yaꞌ sina ya tuli, gam pin jaga ya paayad mari yaꞌ katangkawan lumaꞌ na.

Matiyu 24:44

Damikiyan kaam pun, subay du kam saddiya batan yaꞌ katoonan bi bong sumilan ku, yana Anak Manusiyaꞌ, pabeleng.

Matiyu 25:13

“Sangkon,” yuk si Isa, “subay ndang saddiya na kam, batan yaꞌ tatunaꞌ bi bong llaw oy atawa lisag dangoy katakka ku ni sinōng.”

Matiyu 26:41

Daa kam ba tuli, arapun maku na pin kam duwaa pa Tuhan mari yaꞌ tungkas iman bi. Batan san ina njawom atay bi doman kam buwat kahandak Tuhan, yaꞌ baw takaya bi ni dī bi.”

Matiyu 8:20

Tampung si Isa, “Mamiki doꞌ ko ba paayad. Gam gi ina ga sattuwa tawun, luu gi katattogan man da patannaꞌ sangom-sangom. Minsan ga manuk-manuk, luu du ka sāng da. Boꞌ aku, Anak Manusiyaꞌ, yaꞌ san luu patulihan ku.”

Malkus 13:33

Sangkon iyakin kam. Subay ndang saddiya na kam, batan yaꞌ tatunaꞌ bi bong sumilan katakka ku ni sinōng.

Malkus 13:37

Sangkon batnaa ndang baan ta na kam sampay na sikamimon, basta subay kam iyakin.”

Lukas 1:19

Tampung malaikat looy, “Aku itu Jibrail. Wā ku ni awpan Tuhan ngagad-ngagad sohoꞌ na. Iya silay siꞌ bay nohoꞌ aku pitu masampay umanat mahap tuu siꞌ pa mman nu.

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Lukas 20:35

Sugaꞌ pag taabut ahirat, sarī na. Sagannap ma initung meꞌ Tuhan tawop pinatabeꞌ ni okoman na, pag taabut da pinakallum, niyaꞌ na sina handa atawa halla.

Lukas 21:35

meꞌ karuha manuk-manuk tuwaꞌ lappas. Batan talkadjut jaꞌ sina mintu katakka ku pa mman mimon manusiyaꞌ taꞌ babaw junyaꞌ.

Salsila siga Rasul 10:2

Iya ilay siꞌ sampay na mimon jama lumaꞌ na ngisbat Tuhan maka luu du tawu da niiya. Sarī gi, daran ya narakahan jama miskin sampay basag ya maku duwaa pa Tuhan.

1 Korin 16:13

Na katapusan bitsala ku, daa kam kuhi usik man umanat mahap ma kinapitsayaan meꞌ tabi. Iyakin kam mari kam yaꞌ taboo magsiꞌ. Subay kam bahani mōꞌ kabanahan. Maka patagguhun bi iman bi.

2 Korin 4:14

Dari masaplag na pin kami san gi man kami matoy. Batan katoonan kami pagka Tuhan lay makallum Papuꞌ Isa, mastiꞌ pakallum na du kami sabap tibuuk na kami ka iya. Sarī man kami, sampay ina kaam, pinakallum du sina mintu supaya kam tabeꞌ na ningkami binoo meꞌ Tuhan pa awpan na.

Kolossa 4:2

Na kaam sikamimon, maku na pin kam duwaa pa Tuhan. Maka bila kam maku duwaa, jagahan bi niyat atay bi maka muwan kam pagsukuhan pa Tuhan.

1 Tesaloneka 5:17

Wā tiggohan bi maku duwaa pa Tuhan.

2 Timuti 4:5

Na kuwan kau Timuti, subay ko wā ngagak dī nu ni mimon kahalan nu. Bong ko tumabbaꞌ njawom kamalasahiyan kalnaꞌ Papuꞌ, tatasan nu jaꞌ. Pagbuli-bulihan nu masaplag umanat mahap pasal si Isa. Pajatuhun na mimon ma bay hinalap meꞌ Tuhan ningkau.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.

1 Pitel 5:8

Iyakin kam maka papatong kam mamiki sabap Ibilis ina, yana banta bi, doman jaꞌ nasat supaya kam patatak man si Isa. Sibuꞌ du sina karuha Ibilis ka halimaw ngallong, parampong-parampong miha sabbatan na.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 11:4

Na ga sosohoan looy ilay mintu sikaduwa, ndang lay na tinunaꞌ njawom kitab kanabi-nabihan. Njawom kitab ginalla sila duwam poon jaytun ma ndang luu na pin ni awpan Tuhan sabanna ma magbayaan sikamimon taꞌ babaw junyaꞌ. Maka sikaduwa sila ginalla du pananggehan palitaan.

Siga Pakaradjaan bay Pinalahil 6:17

Batan saꞌ ga bitu oy, ituu na llaw man da mupusan mulkaꞌ da! Soy katatas meꞌ tuu?”

Siga Pakaradjaan bay Pinalahil 7:9

Pus meꞌ looy, ngita na baw ku sakiyan manusiyaꞌ nangge ni awpan ilooy ma ningkōꞌ taꞌ paningkoan mehe looy ka ni awpan Bili-bili looy. Ni kaeka da, yaꞌ na taitung. Luu na ndooy manusiyaꞌ lakka man mimon kalahat-lahatan ka mimon kabangsa-bangsahan, kaniya-kaniya ka jinisan pallun da. Boꞌ saliꞌ-saliꞌ sila jubahan poteꞌ maka saliꞌ-saliꞌ sila ngalabad-labaran pappaꞌ kalapaꞌ-sawit ni kagāk da.

Siga Pakaradjaan bay Pinalahil 8:2

Pag-anu siꞌ, ngita na baw ku pituꞌ malaikat, yana sikapituꞌ malaikat ma ndang luu nangge ni awpan Tuhan. Boꞌ lay gi sila binuwanan tabuliꞌ saliꞌ-saliꞌ.