Lukas 21:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Pag mintu taabut meꞌ looy, bong kam lay ni Yahudiya, daa na kam paagak sonse pa kapunu-punuhan. Bong hati kam masi njawom Jerusalem, lahi na kam deꞌ-dēꞌ. Maka bong kam ndang bay na ni huma, amay-amay daa na kam pabeleng pa Jerusalem.

Lukas 21:21 Iomraidhean Croise

Panagnaan 19:17

Luu jaꞌ siꞌ sila ni poan daira, yuk malaikat looy disu ninsila, “Sonse kam patangkas mari kam llum! Daa na san kam pateleꞌ! Maka daa na kam patagong ni kapantayan tuu. Sonse kam pilay pa kapunu-punuhan looy.”

Panagnaan 19:26

Sampay nda si Lut, lay na du bay talapay meꞌ balaꞌ looy sabap yaꞌ ya bay ngasip san lay na ya binandaan yaꞌ nohoꞌ pateleꞌ. Dari pagka ya bay pateleꞌ, lay na ya dari timus batu meꞌ bantuk jama-jama.

Matiyu 2:1

Na si Isa ilay bay pinamaddihan ni Betlehem ndooy ni Yahudiya jaman Sultan Herod marinta. Ni waktu looy du siꞌ, luu na baw takka pa Jerusalem siga lalla halul-akka lakka man lahat huwin pa mataallaw. Sila ilay tukang ngadjian potean.

Matiyu 24:16

Pag mintu kam ngita meꞌ looy, kuwan sagannap ma maglahat ni Yahudiya, subay magti lahi deꞌ-dēꞌ pa kapunu-punuhan.

Malkus 13:15

Maka soysoy lay ni taꞌ pantān lumaꞌ, daa na san paasok pa jawom ngaddoꞌ oy maka oy na.

Siga Pakaradjaan bay Pinalahil 18:4

Pus meꞌ looy, kale na baw ku suwara pōꞌ man sulgaꞌ, yuk na, “Kaam, siga sukuꞌ ku, palawak na kam man Babilon supaya kam yaꞌ kalakkotan meꞌ dusa na maka supaya kam yaꞌ talapay ni siga balaꞌ ma song takka pa jataꞌ na.