Lukas 21:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Kinalammisan sina kam mintu meꞌ jama sikamimon sabap meꞌ bi mmeꞌ niyaku.

Lukas 21:17 Iomraidhean Croise

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 24:9

“Masa looy ilay mintu, kuwan kaam, kinagigitan meꞌ sikamimon bangsa sabapan ku. Sinungkuban du sina kam boꞌ bi pina-ntan ni jama supaya kam bininsanaꞌ sampay pinapatoy.

Matiyu 5:11

“Njawom supaat sina kaam ma pinadiyoꞌ, nilaugan sampay pinitnahan sabap meꞌ bi mmeꞌ niyaku.

Malkus 13:13

Kaam ina kinalammisan jaꞌ sina mintu meꞌ jama sikamimon sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.”

Lukas 21:16

“Baan ta kam banahan, sampay sina mintu ga induꞌ-mmaꞌ bi, ga danganakan bi, kampung bi maka kabagayan bi, taaku da du sina kam nohoꞌ sinungkuban boꞌ pina-ntan ni saraꞌ. Kuwan kasohean kam, sampay pinapatoy lagi.

Lukas 21:18

Sugaꞌ san sawpama lay kam pinapatoy, yaꞌ du sina kongoy-kongoy nyawa bi batan salamat du sina kam ni okoman Tuhan.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Yahiya 15:19

Bong siꞌ baw kam ina masi dambuwaꞌ mukalnaꞌ ka sila, malaingkan kinaasean kam meꞌ da. Sugaꞌ pagka lay na kam pasakkat sabap meꞌ bi bay pineneꞌ meꞌ ku binuwat sukuꞌ ku, inaa na poonan man da lammis ningkaam.

Yahiya 15:21

Boꞌ na, ngkon da ilay mintu ngalaugan kaam sabap sukuꞌ ta kam maka yaꞌ katoonan da ilooy ma bay mapitu aku.

Yahiya 17:14

Umanat nu lay na pasampay ku ninsila. Dari batnaa, kinalammisan na sila meꞌ sagannap ma yaꞌ pitsayaꞌ niyaku. Kon meꞌ looy batan meꞌ aku na du sila, saꞌ sukuꞌ junyaꞌ tuu.

Yahiya 7:7

sabap yaꞌ kam kinalammisan. Boꞌ aku tu, kinalammisan meꞌ mimon ma mandang hāl junyaꞌ sabap mungka ku kalaatan da.

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

2 Korin 12:10

Sangkon, magsuku na du ku san yaꞌ luu kawasa ku ni dī ku, san ku pinadiyoꞌ, nilaugan, sampay njawom katiksaan kalnaꞌ Almasi. Batan mangkin yaꞌ luu kawasa ku, mangkin na takka kawasa Almasi njataꞌ ku.

2 Korin 4:5

Na kami tu masaplag, saꞌ ga man kami maehe dī kami, arapun man kami maehe si Isa Almasi. Sangkon pinasaplag meꞌ kami iya yana Papuꞌ. Maka kami tu, tukang ngintu kaam sadjaꞌ sabapan aseꞌ kami ni si Isa.

Pilipi 1:29

Daa kam tawu batan lay na sina kam sinupaatan meꞌ Tuhan. Boꞌ supaat ma awnan ku ina saꞌ sat pangando bi ni Almasi, arapun sampay hāl meꞌ bi bay pineneꞌ meꞌ Tuhan natasan kabinsanaan kalnaꞌ Almasi.

1 Pitel 4:14

Bila kam pinadiyoꞌ-diyoꞌ sabap meꞌ bi pitsayaꞌ ni Almasi, njawom supaat kam sabap luu na pin Rū Sangat Kawasa nabangan kaam, yana Rū Tuhan ma bay pinatannaꞌ ningkaam.

Siga Pakaradjaan bay Pinalahil 2:3

Damikiyan, katoonan ku du basag kam natasan jinisan laug kalnaꞌ awon ku. Maka ndaꞌ ku, yaꞌ kam jamu nanggehan aku.