Lukas 2:51 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵¹ Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Lukas 2:51 Iomraidhean Croise

Panagnaan 37:11

Dari siꞌ, yaꞌ na kuhi banti dangkiꞌ siga danganakan na niiya. Sugaꞌ kuwan mmaꞌ da baw siꞌ tu, papiha-piha na pin bong oy kamaatunan bay upihan si Yusup.

Matiyu 12:46

Sasang si Isa masi na pin mitsala ni jama njawom disu lumaꞌ, takka na baw nneꞌ na ka ga danganakan na. Ngagad na pin sila ni poan batan doman sila magbitsala ka iya.

Matiyu 3:15

Sugaꞌ tampung si Isa, “Pilayun na ba. Dari du sina ko mandi aku, batan subay bean ta mimon kahandak Tuhan ningkita.” Dari lay na kuhi si Yahiya mandi si Isa.

Malkus 1:9

Na luu disu llaw, sasang si Yahiya masi mandi jama, luu na baw takka si Isa pa Sōng Juldan lakka man Nasaret ndooy ni Jalil. Pag-anu siꞌ, lay ya nohoꞌ pinandi ni si Yahiya.

Malkus 6:3

Tukang kayu jaꞌ bina ya. Saꞌ ba, anak si Mariyam ya? Maka saꞌ ba, danganakan na yana ga si Yaꞌkub, si Joses, si Judas ka si Saymon? Sampay ga danganakan na ma danda, dambuwaꞌ du tabi lahat.” Dari yaꞌ sila kuhi pitsayaꞌ niiya.

Lukas 18:37

Pag bāꞌ jama, “Si Isa bilay pingkaꞌ, lalla looy man Nasaret.”

Lukas 2:19

Kuwan si Mariyam baw siꞌ tu, kinanna na pin meꞌ na mimon pakaradjaan looy siꞌ. Tud yaꞌ na lakka-lakka man jawom pamiki na.

Lukas 2:39

Pag lupus si Yusup ka si Mariyam bay magtaat mean saraꞌ Tuhan, lay na sila moleꞌ pa Nasaret ndooy ni Jalil.

Lukas 4:16

Song hallom, lay na si Isa takka pa Nasaret, yana kawum man na bay sulig. Pag taabut Llaw Pahali, lay ya pa langga meꞌ ndang tabiat na man sibuwa. Taabut magbatsa kitab, iya bay nangge matsahan sila.

Lukas 4:23

Pag-anu, yuk si Isa ninsila, “Tatantu ku yuk bi ina mintu niyaku, ‘Bong ko bana-bana panganguliꞌ, subay du ulian nu jama ntuu ni kawum nu mismu meꞌ karuha taaka kami bay pabuwat nu ndooy ni Kapelniyum.’

Epesus 5:21

Maka magpadiyoꞌ kam saliꞌ-saliꞌ ni pagkahi bi man bi ngisbat Almasi.

1 Pitel 2:21

Batan lay na kam bay lliyun meꞌ Tuhan pa jawom okoman na supaya kam buwat kaayaran san gi man bi bininsanaꞌ. Sangkon tusun bi na limpaꞌ Almasi ma bay natasan kabinsanaan kalnaꞌ kitabi.