Lukas 2:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ Dari mimon siꞌ tu raayat saliꞌ-saliꞌ na patiluꞌ pa lahat kabboꞌ-bboan da magrejistel.

Lukas 2:3 Iomraidhean Croise

Panagnaan 23:10

Na si Epron siꞌ tu, ndang luu na du ndooy ningkōꞌ ni baanan ga pa-mmean bangsa Hīt looy ni bihing behe lawang kutaꞌ daira looy. Dari iya na mismu bay nampung sampay lay na takale meꞌ mimon ndooy, yuk na ni si Ibrahim,

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Lukas 2:2

Na ilooy ilay siꞌ yana sinsus sibuwa ni kalahat-lahatan looy. Maka ilooy na du silay masa man Gubnul Kiriniyus marinta ndooy ni Siriya.

Lukas 2:4

Si Yusup pun ka tunang na si Mariyam, lai na du lakka man Nasaret ndooy ni Jalil magrejistel pilay pa Betlehem ndooy ni Yahudiya. Waktu looy ilay siꞌ ndang battong na si Mariyam. Ngkon da bay magrejistel pilay batan si Yusup disu panubuꞌ Sultan Daud. Boꞌ ndooy na silay man Sultan Daud bay pinamaddihan.