Lukas 2:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Na ilooy ilay siꞌ yana sinsus sibuwa ni kalahat-lahatan looy. Maka ilooy na du silay masa man Gubnul Kiriniyus marinta ndooy ni Siriya.

Lukas 2:2 Iomraidhean Croise

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Lukas 2:3

Dari mimon siꞌ tu raayat saliꞌ-saliꞌ na patiluꞌ pa lahat kabboꞌ-bboan da magrejistel.

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Salsila siga Rasul 13:7

Si Bal-isa ilay disu bagay gubnul lahat looy yana Gubnul Selgus Paulus, jama halul-akka. Na disu llaw, lay tawag gubnul ga si Balnabas ka si Sol sabap doman ya kale umanat Tuhan.

Salsila siga Rasul 18:12

Na kuwan siga Yahudi ndooy ni Korin ma yaꞌ pitsayaꞌ ni si Isa, lay isun naggaꞌ si Pol. Dari lay na baw ya sungkuban da boꞌ na binoo pa mman si Galliyo pinalkalaꞌ. Si Galliyo ilay maggubnul ndooy ni Akaya jaman looy.

Salsila siga Rasul 23:26

“Ituu itu aku, yana Komandel Kalawdiyus Laysiyas. Itu suwat ku pa mman nu Tuwan Gubnul Pilik. Salam duwaa ningkau.

Salsila siga Rasul 26:30

Pus meꞌ looy, lay na nangge sultan ka gubnul sampay si Belnisa ka ga soheꞌ da,

Salsila siga Rasul 5:37

“Damikiyan, meꞌ looy du silay bay katuwaꞌ ni lalla looy man Jalil, yana si Judas bay jaman sinsus bohoꞌ tinagnaan meꞌ parinta Rom. Meka du jama bay taboo na mmeꞌ niiya. Sugaꞌ damikiyan, lay du ya pinapatoy sampay lay na du magkanatan raayat na.