Lukas 19:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Yuk si Isa ni si Zakiyus, “Batnaa tu, salamat na ko sampay ga jama lumaꞌ bi sabap lay na ko mōꞌ buktiꞌ sabana-bana kau panubuꞌ Boꞌ Ibrahim.

Lukas 19:9 Iomraidhean Croise

Lukas 13:16

Na bong sapiꞌ atawa kuraꞌ dari pinaddusan ni Llaw Pahali, labi na baw danda tuu saꞌ pataꞌ pinaddusan man kamalasahiyan. Boꞌ pagkahi tabi lagi ya panubuꞌ Nabi Ibrahim. Bistahun bi doꞌ, luu na sapu-wawun taun halloman na bay taingkot meꞌ Ibilis. Sangkon subay ya pinaddusan san gi magsabtan ka Llaw Pahali.”

Lukas 13:30

“Indanan bi. Meka sina jama ma ni dambulihan batnaa, pag taabut mintu ni ahirat, lay na sila ni duhuan. Damikiyan, meka du sina jama ma ni duhuan batnaa, pag ndooy mintu, lay na ni dambulihan.”

Lukas 16:24

Dari magti ya ngingan, yuk na, ‘Ū Boꞌ Ibrahim, panimbangan doꞌ ku! Sōn doꞌ tinalloban ni boheꞌ san lasa tōng timbōꞌ si Lasarus, boꞌ sōn doꞌ kinattapan dallaꞌ ku pin patanne jaꞌ dangkitiꞌ. Tud malasahi na ku la njawom api tuu.’

Lukas 16:30

“Yuk sawraga looy, ‘Sugaꞌ yaꞌ du bilay paruli da. Sugaꞌ kira ku, bong luu jama lay na matoy bbeleng na baw pilay mandaan sila, mastiꞌ tawbatan da na silay mimon dusa da.’

Lukas 2:30

Itu na manyatakan ni mata ku ma duwa tukang nalamat

Lukas 3:8

Bong bana-bana hilas meꞌ bi nawbat, subay paayarun bi kawul-piil bi. Daa kam mista sukat kam panubuꞌ Nabi Ibrahim salamat na kam pa Tuhan. Saꞌ sina inaa katabang ningkaam. Baan ta kam, minsan ina ga buran batu naa tapadari du meꞌ Tuhan panubuꞌ Nabi Ibrahim bong siꞌ tud inaa puntukan niiya.

Suwat si Pol pa mman Baanan Sukuꞌ si Isa ndooy ni Rom 4:16

Sangkon, man gantaan Tuhan, isu-isu sila ma pitsayaꞌ niiya koleꞌ siga supaat ma bay njanjiꞌ meꞌ na. Siga supaat looy ilay ndean meꞌ Tuhan ni kaehe aseꞌ na ni sikamimon ma binilang meꞌ na siga anak Nabi Ibrahim. Na siga anak ma awnan ku ilay siꞌ, saꞌ silay sat siga Yahudi ma pitsayaꞌ, arapun sampay mimon bangsa ma pitsayaꞌ ni janjiꞌ Tuhan meꞌ bay jaman Nabi Ibrahim. Sangkon Nabi Ibrahim ilay binilang na mmaꞌ sikamimon manusiyaꞌ ma pitsayaꞌ.

Galatiya 3:14

Na si Isa Almasi ilay bay maglillaꞌ pinapatoy supaya takoleꞌ meꞌ mimon kabangsa-bangsahan supaat ma bay njanjiꞌ ni Nabi Ibrahim, maka supaya kitabi ma pitsayaꞌ, pinaasokan na Rū Sutsiꞌ ma bay njanjiꞌ meꞌ Tuhan.

Galatiya 3:29

Maka pagka sukuꞌ Almasi na kam, malaingkan initung na sina kam anak Nabi Ibrahim. Boꞌ na, kapakaam na mimon ma bay njanjiꞌ meꞌ Tuhan.

Galatiya 3:7

Sangkon pahamun bi banahan, sagannap ma pitsayaꞌ ni janjiꞌ Tuhan meꞌ karuha Nabi Ibrahim, sila na sina initung meꞌ Tuhan siga anak Nabi Ibrahim.

1 Pitel 2:10

Sibuwa ilay, saꞌ gi kam sukuꞌ Tuhan, pag batnaa sukuꞌ na na kam. Maka sibuwa ilay, yaꞌ gi bay takissa bi aseꞌ Tuhan, pag batnaa lai na.