Lukas 19:12 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹² yuk na, “Luu disu lalla balbangsa manyap man na pilay pa disu lahat lawak ngaddoꞌ kapatut man na magsultan. Garaꞌ na, pag poleꞌ na, iya na marinta ni paglahat na.

Lukas 19:12 Iomraidhean Croise

Matiyu 21:38

Sugaꞌ pag takita leꞌ ga panungguꞌ kabbun looy, gam pin lay sila isun, yuk da, ‘Inaa na sina lalla kapusakahan kabbun tuu. Tu kam, papatoy tabi na mari kapakitabi na kabbun tuu.’

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Malkus 12:1

Pag-anu, lay na baw si Isa ngandalil, yuk na, “Luu disu jama bay ngabbun anggul. Pag lupus, lay pinaga, boꞌ na lay buwat tapaggaꞌ buwaꞌ anggul man maggaan boheꞌ na. Maka lay gi ya buwat lumaꞌ-lumaꞌ langkaw man nganjaga. Pag-anu, boꞌ lay sohoꞌ na tinungguan ni jama boꞌ na lay lome pa lahat disu.

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Lukas 20:9

Pag-anu siꞌ, lay na baw si Isa ngandalil ni baanan jama ndooy, yuk na, “Luu disu jama bay ngabbun poon anggul, boꞌ lay nohoꞌ tinungguan ni jama. Pag-anu, lay ya lome pa lahat disu, boꞌ hallom na ya ndooy.

Lukas 24:51

Sasang na masi nupaatan sila, lay na ya inangkat pa sulgaꞌ.

Yahiya 18:37

Yuk Gubnul Pilatu baw siꞌ tu, “Bong meꞌ naa, tud sultan du bina hati ko!” Pag halling si Isa, “Kau na du baw bina bay māꞌ aku sultan. Kon ku itu bay pitu pa junyaꞌ ka pinamaddihan supaya ku kapasaplag kabanahan ni manusiyaꞌ. Soysoy doman toon kabanahan, mastiꞌ pakale sina niyaku.”

Salsila siga Rasul 17:31

Batan luu du sina mintu disu llaw bay ginantaꞌ meꞌ Tuhan man mimon manusiyaꞌ hinukum meꞌ disu lalla bay pineneꞌ meꞌ na. Hukuman na ilay mintu intong jaꞌ. Lalla looy ilay siꞌ bay na matoy. Sugaꞌ lay na du ya pinakallum meꞌ Tuhan mari tumatandaꞌ na ni manusiyaꞌ sikamimon iya na bay pineneꞌ ngahukum sila.”

1 Korin 15:25

Batan ndang bay ginantaꞌ meꞌ Tuhan subay Almasi marinta ngkod-ngkoran yaꞌ gi katis inannaꞌ mimon banta na ndiyoꞌ pāt battis na.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

1 Pitel 3:22

Na si Isa ilay, lay na inangkat pa sulgaꞌ sampay luu na ya ni bihing Tuhan huwin pa kawnan. Ndooy ilay, iya magbayaan mimon malaikat ka mimon ma ngantanan kawasa-kapatut mahap-maat.

Siga Pakaradjaan bay Pinalahil 1:7

Indanan bi sa. Takka jaꞌ sina mintu si Isa Almasi liput leꞌ tayiꞌ baliyu sampay takita meꞌ mimon manusiyaꞌ. Minsan sagannap ma bay ngalansang iya taꞌ tehang, ngita iya du sina bbos-bbos. Maka manusiyaꞌ ina mintu man mimon kabangsa-bangsahan magkarukkaan na ni kasasso da bay nuwak iya. Na ilooy ilay siꞌ ma bay sabbut ku, tattap binakbul jaꞌ sina mintu. Amin.