Lukas 17:6 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶ Yuk si Isa ninsila, “Bong siꞌ ina luu jaꞌ dangkitiꞌ pangando bi pa Tuhan, san lasa bateheꞌ-teheꞌ bigi mustard, takaya bi jaꞌ sina minsan pabuwatan tunmanūn pa manusiyaꞌ. San gi ina sohoꞌ bi poon kayu naa pungkad boꞌ nohoꞌ nanom dī na ni dilawut, mastiꞌ inasip jaꞌ du kam.”

Lukas 17:6 Iomraidhean Croise

Matiyu 14:29

Tampung si Isa, “Tu na ko.” Pag-anu, duwai na si Pitel boꞌ na lumān taꞌ kuwit boheꞌ tiluꞌ pa mman si Isa.

Matiyu 17:20

Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 21:21

Yuk si Isa, “Baan ta kam banahan, bong ina luu pangando bi pa Tuhan maka yaꞌ kam hawal-hawalan, tapabuwat bi du sina meꞌ ilooy ma bay pabuwat ku siꞌ ni poon igira looy. Maka san labi gi man ilooy siꞌ. Nduwan jaꞌ sina kam san gi sohoꞌ bi punu naa pungkad boꞌ na nohoꞌ ngahiyakan dī na pa dilawut.

Malkus 4:31

pa bigi mustard bay tinanom njawom huma. Minsan lannik bigi looy man sikamimon,

Malkus 9:23

Yuk si Isa niiya, “Ongoy lay yuk nu, ‘bong siꞌ’ lagi? Yaꞌ bina luu tunmanūn basta ko pitsayaꞌ jaꞌ niyaku.”

Lukas 13:19

Sibuꞌ du sina karuha na ka bigi mustard bay tinanom njawom huma. Pag sulig na, lay na dari kayu mehe sampay pinagsangan na meꞌ siga manuk-manuk engas na.”

Lukas 17:7

Pag-anu, yuk si Isa lagi, “Bong sabagay luu ata bi bohoꞌ takka moleꞌ bay madjaꞌ ni huma atawa bay makan bili-bili, yaꞌ sina ya sohoꞌ bi duhuꞌ mangan.

Lukas 19:4

Dari lay ya sonse pa duhuan baanan ga jama looy, boꞌ na ngandāg taꞌ kayu sikamol ni bihing lān bong pin takita na jaꞌ si Isa pag pingkaꞌ na.

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Lukas 7:19

yuk na, “Pilay doꞌ kam pa mman si Isa. Tilawun bi teꞌ bong tud iya na tukang nalamat ma bay njanjiꞌ meꞌ Tuhan pinapitu, atawa luu gi ka sarī subay agad tabi.”

1 Korin 13:2

Damikiyan, san sawpama kita lay kaladjikian masampay siga umanat Tuhan, boꞌ katoonan ta lagi mimon ilmuꞌ ma yaꞌ gi bay pinalahil ni manusiyaꞌ, bong yaꞌ du luu aseꞌ ta ni jama, yaꞌ du luu pūs ta. Damikiyan, san sawpama yaꞌ luu kulang pangahati ta ni mimon-mimon, boꞌ sukup lagi pangando ta pa Tuhan sampay takaya ta nohoꞌ punu paenseg, bong yaꞌ du luu aseꞌ ta ni jama, yaꞌ du luu pūs ta.