Lukas 17:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Pag takka na ina, yaꞌ luu jama halling, ‘Atu na ntuu!’ atawa ‘Alay na ndooy!’ Batan pamarinta Tuhan ina, man na patannaꞌ, njawom atay jama.”

Lukas 17:21 Iomraidhean Croise

Matiyu 12:28

Na sabap Rū Tuhan bay muwanan aku kawasa-kapatut man ku mapōꞌ siga seytan, tumatandaꞌ luu na takka pamarinta Tuhan pa mman bi.

Malkus 13:21

Maka yuk si Isa, “Ni waktu looy ilay mintu, bong luu maan kaam, ‘Ndaun ba, atu na Almasi,’ atawa ‘Alay na ndooy,’ amay-amay daa kam pitsayaꞌ.

Lukas 17:23

Sangkon, san sabagay mintu luu māꞌ ningkaam, ‘Luu na Almasi takka ndooy,’ atawa ‘Luu na ntuu,’ daa kam hidjab maka daa kam mmeꞌ miha aku.

Lukas 21:8

Tampung si Isa, “Iyakin kam mari kam yaꞌ takoleꞌ binoo magsiꞌ. Batan bbos-bbos, meka sina mintu pasunuꞌ bahasa sila na Almasi ma bay sinohoꞌ meꞌ Tuhan nalamat manusiyaꞌ. Maka yuk da ina, ‘Taabut na waktu.’ Sugaꞌ daa kam hidjab. Daa kam mmeꞌ ninsila.

Yahiya 1:26

Iya tampung si Yahiya, “Ngkon ku itu mandi jama ka boheꞌ supaya sila saddiya ni katakka ilooy ma pasunuꞌ niyaku. Boꞌ sabana na, luu na situ ya ntuu lamud ka kaam, sugaꞌ yaꞌ tasayu bi bong soy ya. Iya ilay, yaꞌ luu pangabut-ngabut ku niiya. Yaꞌ san ku tawop makkasan ingkot tumpaꞌ na.”

Yahiya 18:36

Pag tampung si Isa, “Pagkasultan ku bitu yaꞌ sibuꞌ ka pagkasultan ni junyaꞌ tuu. Bong siꞌ ilay bay sibuꞌ, mastiꞌ ngatu na siga raayat ku supaya ku yaꞌ na tasungkub meꞌ siga pa-mmean Yahudi. Sugaꞌ niyaꞌ sibuꞌ, batan pagkasultan ku tu saꞌ lakka man junyaꞌ tuu.”

Suwat si Pol pa mman Baanan Sukuꞌ si Isa ndooy ni Rom 14:17

Kamasaꞌ ni sabana na, bong hāl meꞌ nginum-mangan, yaꞌ du sina luu kabigiꞌ-bigian na ni pamarinta Tuhan. Ilooy ya hagaan ni pamarinta na yana kaintongan, kasalassayan ka kagakan njawom atay tabi lakka man Rū Sutsiꞌ.

Kolossa 1:27

Umanat Tuhan ina, yana pasal garaꞌ na matabeꞌ kaam ma saꞌ Yahudi ni ladjikiꞌ lakka man iya. Ladjikiꞌ looy ilay yana Almasi patannaꞌ njawom baran bi. Boꞌ iya na sina poonan bi ngaholat ngabut arat-tabiat na.