Lukas 16:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ “Sangkon ituu jaꞌ meꞌ ku maka kaam: Pakoyun bi na altaꞌ bi ni junyaꞌ tuu man bi nulung pagkahi bi manusiyaꞌ. Ndang-ndang ina yaꞌ du taboo bi pa ahirat. Dari pag patoy bi, hinasi jaꞌ sina kam paayad ndooy ni sulgaꞌ.

Lukas 16:9 Iomraidhean Croise

Matiyu 19:21

Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Matiyu 6:19

Pag-anu, yuk si Isa lagi, “Daa kam ngumpohan dī bi altaꞌ ntuu ni junyaꞌ, batan altaꞌ ni junyaꞌ ina tapakaat lagi meꞌ mananap maka ginahaꞌ, boꞌ tatangkaw lagi.

Matiyu 6:24

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaruli meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.

Lukas 11:41

Naraka kam ni jama miskin ni kahilas atay bi. Meꞌ looy ilay, luu na sipat sutsiꞌ na atay bi.

Lukas 12:33

Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 16:11

Bong ina kam yaꞌ magkanaalla ngantan altaꞌ junyaꞌ tuu, mastiꞌ yaꞌ du hinalap meꞌ Tuhan ningkaam altaꞌ sabanna man sulgaꞌ.

Lukas 16:13

Yuk si Isa lagi, “Yaꞌ sina luu ata kaintu duwa papuꞌ, batan disu kaasean na, kuwan ilooy disu, niyaꞌ. Atawa disu pinaduhuꞌ meꞌ na, kuwan ilooy disu, pabiya na jaꞌ. Damikiyan, yaꞌ du sina kam kaisbat Tuhan haboy ka altaꞌ.”

Lukas 16:4

Dari yuk na ni dī na, ‘Ā, bohoꞌ tabista ku bong oy tapabuwat ku supaya ku hinasi meꞌ jama sampay binoo gi magdambuwaꞌ lumaꞌ ka sila pus ku lliksad.’

Salsila siga Rasul 10:31

Yuk na, ‘Ū Kolniliyus, siga duwaa nu ilay ka ga saraka nu ni jama miskin lay na du inindanan meꞌ Tuhan.’ Maka yuk na,

Salsila siga Rasul 10:4

Na si Kolniliyus siꞌ tu tud bay tawu njawom na matong malaikat looy. Yuk na, “Oy lay siꞌ Tuwan?” Pag tampung malaikat looy, “Siga duwaa nu ilay sampay na siga saraka nu ni jama miskin lay na du inindanan meꞌ Tuhan.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

Suwat Lakka man si Jūd 1:21

Maka subay kam sēng ni aseꞌ Tuhan ningkaam sasang bi ngagad timbang Papuꞌ tabi si Isa Almasi moo kaam pa jawom kasampulnaan nyawa ma yaꞌ luu katapusan na.