Lukas 16:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ “Dari pag tasayu bōs looy bong oy bay pabuwat manijel looy, yuk na, ‘Tud akkahan la lalla looy. Tud alistu ya ngulihal bintaha na.’ ” Dari yuk si Isa lagi, “Ndang mas akkahan sina jama ma mandang jaꞌ hāl junyaꞌ ngulihal bintaha para dī da man sagannap ma ngisbat Tuhan.

Lukas 16:8 Iomraidhean Croise

Panagnaan 3:1

Na ni mimon sattuwa tawun ma bay pinapayak meꞌ Tuhan, yaꞌ luu bay akkahan labi man sō. Dari disu llaw, lai sō looy pa mman danda looy, yuk na, “Bana kilay lay kam binandaan leꞌ Tuhan yaꞌ nohoꞌ mangan buwaꞌ oy-oy jaꞌ kayu ni tinanom tuu?”

Matiyu 12:32

Damikiyan, soysoy ina mitsala pangka ni kapasal Anak Manusiyaꞌ, taampun gi du meꞌ Tuhan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan saumu-umu.”

Matiyu 17:26

Yuk si Pitel, “Jama sarī bilay.” “Bong meꞌ looy,” yuk si Isa, “sagannap anak Tuhan san yaꞌ na mayaran sukay ni lumaꞌ Mmaꞌ da.

Lukas 16:10

Indanan bi. Soysoy ina tapangandohan ni pabuwatan dikiꞌ, malaingkan tapangandohan du ya ni pabuwatan mehe. Sugaꞌ soysoy ina yaꞌ bonto ni pabuwatan dikiꞌ, mastiꞌ yaꞌ du ya bonto ni pabuwatan mehe.

Lukas 16:4

Dari yuk na ni dī na, ‘Ā, bohoꞌ tabista ku bong oy tapabuwat ku supaya ku hinasi meꞌ jama sampay binoo gi magdambuwaꞌ lumaꞌ ka sila pus ku lliksad.’

Lukas 16:7

“Paddus jama looy siꞌ, yuk manijel ni ilooy disu, ‘Ningkau baw, dangoy?’ Yuk na, ‘Dahatus karut bohas.’ Yuk manijel, ‘Pitu ko. Atu na suwat utang nu. Nnaun jaꞌ pa umpūꞌ karut sadjaꞌ.’

Lukas 18:6

Pag-anu, yuk Papuꞌ Isa ninsila, “Mamintang jaꞌ kam ni huwis looy. San ya yaꞌ intong, lay gi ya nabangan bawu looy.

Lukas 20:34

Pag tampung si Isa, “Halloman manusiyaꞌ ina masi llum ni junyaꞌ tuu, ndang nabiat sila handa atawa halla.

Lukas 20:35

Sugaꞌ pag taabut ahirat, sarī na. Sagannap ma initung meꞌ Tuhan tawop pinatabeꞌ ni okoman na, pag taabut da pinakallum, niyaꞌ na sina handa atawa halla.

Yahiya 12:36

Sangkon, padpad masi luu mman bi sūꞌ looy, pitsayaꞌ na kam niiya supaya kaam pun dari siga sūꞌ meꞌ iya du.” Lupus si Isa siꞌ bay mitsala meꞌ looy, lay na baw ya palakka boꞌ yaꞌ na ya bay magpakita ni baanan jama ndooy.

1 Korin 3:18

Na bong luu kam nnaa mista halul-akka kam ni hāl junyaꞌ, boꞌ masi gi kam awam ni hāl Tuhan, ngandupang jaꞌ kam dī bi bong kam manganna halul-akka kam. Gam na kam milang dī bi dupang supaya kam pinabuwat halul-akka meꞌ Tuhan.

Epesus 5:8

Bana na, maruhuꞌ sibuꞌ du kam ka sila njawom kalindoman, boꞌ batnaa luu na kam njawom karantaan sabap tibuuk na kam ka Papuꞌ Isa. Sangkon subay sikatuwaꞌ tangge-tingkōꞌ bi ka jama ma tattap njawom karantaan.

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

1 Tesaloneka 5:5

Meꞌ kaam ina sukuꞌ si Isa, lay na pinadantaan pamiki bi. Sangkon pataꞌ kam ginalla siga sukuꞌ dantaꞌ atawa siga sukuꞌ llaw. Yaꞌ na kam meꞌ sagannap ma yaꞌ toon Tuhan ma pataꞌ ginalla sukuꞌ lindom atawa sukuꞌ sangom.

1 Pitel 2:9

Boꞌ kaam ina ma pitsayaꞌ ni Almasi, lay na kam pineneꞌ meꞌ Tuhan binuwat baanan siga imam ka sultan njawman pamarinta na. Boꞌ lay gi kam pabuwat Tuhan bangsa sutsiꞌ ma inaku leꞌ na sukuꞌ na. Kahandak na masaplag na kam kaayaran na. Batan lay na kam pinōꞌ meꞌ na man jawom kalindoman, sampay lay na kam lliyun pa jawom karantaan na ma yaꞌ luu sibuꞌ sabanding na.

1 Yahiya 3:10

Na meꞌ tabi ngila bong soy siga anak Tuhan maka soy siga anak Ibilis meꞌ tuu: Soysoy yaꞌ buwat kaintongan maka yaꞌ maasean siga pagkahi na manusiyaꞌ, saꞌ ya anak Tuhan.