Lukas 16:3 - Sabahagiꞌ Kitab Tawrat: Panagnaan ni Awwal Jaman maka Kitab Injil

³ “Na honaꞌ-honaꞌ manijel looy baw, ‘Pooy na tu, la? Oy sa mintu man ku llum taabut ku lliksad? Yaꞌ takaya baran ku bong inawnan ngusaha pa tanaꞌ. Maka iyaꞌ ku magpamaku saraka ni jama.’

Lukas 16:3 Iomraidhean Croise

Matiyu 20:8

“Pag sangom, yuk lalla looy ma dapu kabbun ni pa-mmean siga tindog na, ‘Sōn na pitu sila ma bay buwat. Gadjihan nu na. Sugaꞌ ilooy doꞌ ma dambuli paruhuun ginadjihan.’

Malkus 10:46

Pag-anu siꞌ, takka na baw si Isa ka ga mulit na pa Jeriko. Lān da siꞌ pōꞌ man daira looy, meka na baw jama patuhut. Maka luu gi disu lalla buta ningkōꞌ ni bihing lān maku saraka. Awon na siꞌ si Baltimeyus, anak si Timeyus.

Lukas 12:17

Honaꞌ-honaꞌ na, ‘Oy tu la man ku ngannaꞌ kattoman ku? Yaꞌ na bitu tabuwat.’

Lukas 16:2

Dari siꞌ lay na ya tinawag meꞌ bōs na. Luu jaꞌ siꞌ, yuk bōs na niiya, ‘Sumbung njataꞌ nu, bbuwatan nu konoꞌ makaat sīn ku. Pagka meꞌ naa, listahun na mimon altaꞌ ku. Maka boonun na pitu listahan sīn pōꞌ-paasok. Labba man batnaa, saꞌ na kau manijel ku.’

Lukas 16:20

Ndooy siꞌ, luu disu lalla miskin inawnan si Lasarus. Lapat na baran na meꞌ kato. Iya siꞌ tu lay jaꞌ pinabāk ni bihing lawang lumaꞌ sawraga looy.

Lukas 16:22

“Na song hallom, lay na matoy si Lasarus sampay lay na ya binoo meꞌ siga malaikat magdambuwaꞌ ka Nabi Ibrahim ndooy ni ahirat. Yaꞌ hallom, lay na du matoy sawraga looy sampay lay na kinubu.

Lukas 16:4

Dari yuk na ni dī na, ‘Ā, bohoꞌ tabista ku bong oy tapabuwat ku supaya ku hinasi meꞌ jama sampay binoo gi magdambuwaꞌ lumaꞌ ka sila pus ku lliksad.’

Lukas 18:4

Sugaꞌ hallom na ya pinabiya jaꞌ meꞌ huwis looy. San meꞌ looy, pagka bawu looy sigi-sigi pilay na pin maku tabang, honaꞌ-honaꞌ huwis looy, ‘San itu ku yaꞌ tawu pa Tuhan maka yaꞌ maruli parasahan jama,

Yahiya 9:8

Pag lay jaꞌ ya takita meꞌ siga jama ni bihing lumaꞌ da sampay ga kasohean ma bay pingkaꞌ ngita iya magpamaku sīn, ilooy ma yuk da, “Saꞌ gi kina inaa lalla looy ma wā ningkōꞌ-ningkōꞌ magpamaku sīn?”

Salsila siga Rasul 3:2

Na ndooy ni behe lawang paga haman langga looy, yana lawang pinag-awnan “Lawang Lingkatan,” luu disu lalla magpamaku sīn. Yaꞌ ya kapalān man jom kūn induꞌ na lagi. Sangkon llaw-llaw llanggung ya pilay supaya ya kapaku saraka ni jama ma paasok.

Salsila siga Rasul 9:6

Nangge na ko, boꞌ nu pawus na pa daira looy. Ndooy sa mintu, boꞌ nu binaan bong oy subay pabuwat nu.”

2 Tesaloneka 3:11

Kon bi itu paintoman kami meꞌ tuu, batan luu sina nnaa taaka kami ni baanan bi hūk buwat. Bbuwatan da bong saꞌ ningkōꞌ-ningkōꞌ, maglanyawan ngusiat kahalan jama padisu-padisu lumaꞌ.