Lukas 16:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Sugaꞌ yaꞌ baw tu sukat ku bay halling meꞌ tuu ga pinalungay na hagaꞌ saraꞌ Nabi Musa. Mas mura gi lungay gumi ka langit man disu batang suwat saraꞌ binaluba.

Lukas 16:17 Iomraidhean Croise

Matiyu 5:18

Baan ta kam banahan, halloman itu luu gi gumi ka langit, bong inawnan saraꞌ Tuhan, yaꞌ sina luu tabaluba. San disu tumbuk atawa pun disu batang suwat siga saraꞌ, yaꞌ sina lungay ngkod-ngkoran yaꞌ gi bay magjatu garaꞌ Tuhan labbasakayi.

Lukas 21:33

Lanyap jaꞌ sina mintu gumi ka langit. Sugaꞌ bong inawnan bitsala ku, basta yaꞌ baw sina baluba saumu, mastiꞌ binakbul jaꞌ sikamimon.

Suwat si Pol pa mman Baanan Sukuꞌ si Isa ndooy ni Rom 3:31

Sugaꞌ minsan itu lay na kitabi initung intong sabap meꞌ tabi pitsayaꞌ ni si Isa, saꞌ baw ina ga subay takupan tabi na saraꞌ Nabi Musa, gam pin tanggehan tabi lagi.

1 Pitel 1:25

Sugaꞌ bong palman Tuhan, natas saumu-umu.” Boꞌ na, palman ina yana umanat mahap ma bay pinasaplag ningkaam.

2 Pitel 3:10

Sugaꞌ lantan yaꞌ lantan, mastiꞌ luu jaꞌ sina mintu llaw Papuꞌ pabeleng. Boꞌ kakuratan jaꞌ sina mintu jama ni katakka na meꞌ karuha jama kakuratan meꞌ sugaru. Ni llaw looy ilay mintu, luu gi ngallub boꞌ magti ampud mimon-mimon taꞌ langit sampay lanyap na du langit. Damikiyan gumi pun sampay na mimon-mimon taꞌ babaw junyaꞌ ampud na du sina leꞌ api.

Siga Pakaradjaan bay Pinalahil 20:11

Pag-anu siꞌ, ngita na baw ku disu paningkoan sultan, tud mehe ka poteꞌ. Maka luu na du takita ku ilooy ma ningkōꞌ ndooy. Kuwan junyaꞌ ka langit, lay na lanyap man pag-awpan na sampay yaꞌ na takita pabalik.

Siga Pakaradjaan bay Pinalahil 21:1

Pag-anu siꞌ, luu na baw takita ku langit bahau ka junyaꞌ bahau, batan langit maruhuꞌ ka junyaꞌ maruhuꞌ lay na lanyap. Dilawut pun, yaꞌ na du luu.

Siga Pakaradjaan bay Pinalahil 21:4

Sagannap ma tumabeꞌ njawom daira looy, pinuusan na sina meꞌ Tuhan mimon boheꞌ mata da. Yaꞌ na luu kinasusahan ndooy. Kapatoy pun, ya na du luu. Damikiyan dukka maka tangis sampay paddi, yaꞌ na du luu ndooy, batan siga pakaradjaan maruhuꞌ meꞌ looy lay na lanyap.”