Lukas 15:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Na baan ta kam, meꞌ naa du sina kagakan ni sulgaꞌ luu-luu disu baldusa ntuu ni junyaꞌ nawbat. Mas mehe kagakan ndooy ni disu jama meꞌ looy man siyampuꞌ-siyam jama intong ma yaꞌ gunahan ninsila nawbat.”

Lukas 15:7 Iomraidhean Croise

Matiyu 18:13

Bong mintu lay na tatammu na, baan ta kam, tud gāk silay ya banahan. Gāk gi ya ni ilooy disu man ni ilooy ma siyampuꞌ-siyam ma yaꞌ bay lungay.

Matiyu 3:8

Bong bana tawbatan bi na dusa bi, subay kam mōꞌ buktiꞌ ni kawul-piil bi.

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 15:29

Sugaꞌ yaꞌ ya kuhi. Yuk na ni mmaꞌ na, ‘Uy, yaꞌ bina Maꞌ sikatuwaꞌ! Anak nu bilay, bay jaꞌ makaat altaꞌ nu man na magdanda. Meꞌ looy na bay karupangan na, pag takka na, lay gi sumbaliꞌ nu niiya sapiꞌ looy ma bay pinalammok! Boꞌ niyaku, san lasa disu kambing, yaꞌ bay luu dean nu aku man kami maglami-lami ka ga kabagayan ku. Yaꞌ sina sikatuwaꞌ, batan daka dangon taun na ku bay ngintu kau sampay ngasip ni oy-oy jaꞌ panohoan nu!’

Lukas 15:32

Pasal ariꞌ nu ina, pataꞌ subay paglami-lamihan ta ka ballang mehe sabap iya ina, sibuꞌ du kadari na ka jama bay na matoy llum na pabalik. Bay na ya lungay, pag batnaa luu na tatammu.’ ”

Lukas 15:6

Pag takka bi pa lumaꞌ, saꞌ ba, bbuwatan bi ngaddoꞌ ga kabagayan bi sampay jama bihing lumaꞌ bi binoo nginum-mangan? Yuk bi, ‘Maglami-lami doꞌ kitabi sabap luu na tatammu ku bili-bili ku ma bay lungay!’

Lukas 15:8

Yuk si Isa lagi, “Damikiyan, bong sawpama luu danda magdublun sapū ma pilak porol, boꞌ bay lungay disu, saꞌ ba, magti du ya nantikan palitaan, boꞌ na ngoheyan lumaꞌ na labbasakayi supaya tatammu na?

Lukas 16:15

Sugaꞌ yuk si Isa ninsila, “Kaam itu, tud alistu baw kam magpakita-kita intong ni mata manusiyaꞌ. Sugaꞌ yaꞌ san tabista bi katoonan Tuhan du kalaatan njawom atay bi. Indanan bi. Meka sina pakaradjaan ma meꞌ punu njawom atay manusiyaꞌ sinukang meꞌ Tuhan.”

Lukas 5:32

Intong na, aku itu bay pitu, saꞌ ga maksud ku ngaliyun jama ma mista dī da intong. Arapun aku itu bay pitu ngaliyun sagannap ma mangaku baldusa supaya nawbat na sila.”

Suwat si Pol pa mman Baanan Sukuꞌ si Isa ndooy ni Rom 7:9

Jaman yaꞌ gi bay katoonan ku saraꞌ, sangka ku jama mahap na ku. Sugaꞌ pag katoonan ku jaꞌ saraꞌ, mangkin takka na dawom ku ngalangga. Dari man sabapan bay dusa ku ngalangga saraꞌ, sibuꞌ du karuha ku ka jama matoy pa Tuhan.