Lukas 15:21 - Sabahagiꞌ Kitab Tawrat: Panagnaan ni Awwal Jaman maka Kitab Injil

²¹ Yuk anak na niiya, ‘Maꞌ, tud mehe la dusa ku pa Tuhan sampay ningkau. Yaꞌ na san ku pataꞌ inawnan anak nu.’

Lukas 15:21 Iomraidhean Croise

Lukas 15:20

“Dari lay na ya pabeleng moleꞌ pa mman mmaꞌ na. Sasang na ni tangngaꞌ lān, lawak-lawak gi man lumaꞌ, takita na ya meꞌ mmaꞌ na. Dari kapaluuy na mmaꞌ na sampay magti sonse pa mman na, boꞌ na ngakkop sambayan na ngūk iya.

Lukas 15:22

“Sugaꞌ ni kagāk mmaꞌ na, lay linganan na siga tindog na, yuk na, ‘Kaddoun bi deꞌ-dēꞌ juba looy ma ayad banahan boꞌ papatukan bi anak ku. Pasim-siman bi ya maka patumpaan bi.

Suwat si Pol pa mman Baanan Sukuꞌ si Isa ndooy ni Rom 2:4

Sangka bi mareꞌ sukat mehe aseꞌ Tuhan maka tahaꞌ pasensiya na ningkaam, ga yaꞌ dari oy na niiya san kam amu-amu buwat kalaatan. Maka yaꞌ gi mareꞌ tabista bi ngkon na amu-amu manimbang ningkaam, kawu-kawu tawbatan bi na dusa bi.

1 Korin 8:12

Sangkon subay tasayu bi, bong ina kaam poonan danganakan bi ma kulang pangahati buwat ilooy ma kanna na tagga pa Tuhan, saꞌ silay sat danganakan bi man bi ndusa, arapun sampay ni Almasi.