Lukas 14:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Pag takale meꞌ disu ma paharung mangan ndooy bay bitsala si Isa, yuk na, “Tuwan, kira ku, tud sinupaatan la soysoy mintu bay tumabeꞌ ni paballangan njawom okoman pamarinta Tuhan.”

Lukas 14:15 Iomraidhean Croise

Matiyu 25:10

“Na likutan da siꞌ bay malli insallan, ilooy ma takka na pangantin ma lalla. Kuwan ilooy sikalima ma ndang sakap na, lay na pahaboy ni pangantin ma lalla paasok pa lumaꞌ pangawinan. Lay jaꞌ siꞌ sila njawom, lay na tinambo lawang.

Matiyu 8:11

Maka yuk si Isa, “Bbos-bbos, meka sina jama pōꞌ man sika-mpat pidju alam siharung-harung mangan ka ga Nabi Ibrahim, Nabi Isahak ka Nabi Yaꞌkub ni pamarinta Tuhan.

Lukas 12:37

Bong ina siga ata ndang saddiya na ni katakka papuꞌ da, mastiꞌ sinupaatan jaꞌ sila. Tandaꞌ papuꞌ da kasulutan ninsila, saynan na na sina badjuꞌ na, boꞌ na matingkōꞌ ga ata na ni lamisahan na. Pag-anu, boꞌ iya na ya motangan sila.

Lukas 13:29

Boꞌ meka gi sina mintu jama saꞌ Yahudi takita bi pōꞌ man sika-mpat pidju alam mmeꞌ siharung-harung mangan ni paballangan jawom okoman pamarinta Tuhan.

Lukas 22:16

Baan ta kam banahan, ituu na situ katapusan ku mangan meꞌ tuu ni paballangan Ngalingkaꞌ ngkod-ngkoran yaꞌ gi binakbul kamaatunan na. Sakayi ku itu mangan ka kaam meꞌ tuu balik, noy mintu sarī na kahalan tabi njawom pamarinta Tuhan.”

Lukas 22:30

Dari kaam ina mintu siharung-harung na du nginum-mangan ka aku njawom pamarinta ku. Maka pinatingkōꞌ na du sina kam mintu ni siga tingkoan sultan marintahan siga panubuꞌ lakka man siga anak si Israil sikasapu-duwa.”

Siga Pakaradjaan bay Pinalahil 19:9

Pag-anu siꞌ, yuk disu malaikat niyaku, “Suwatan nu ituu: Njawom supaat sina soysoy bay kinaddoꞌ nohoꞌ ngaluruk pangawinan Bili-bili looy.” Maka yuk na lagi, “Bitsala tuu itu siꞌ, mastiꞌ bana jaꞌ batan lakka man Tuhan.”