Lukas 14:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Arapun, bong ko ngaddoꞌ jama, patabeun sagannap ma miskin, ma pengkol, ma tongkaꞌ atawa buta.

Lukas 14:13 Iomraidhean Croise

Matiyu 15:30

Sasang da ndooy, sakiyan na baw jama patiluꞌ pa mman na moo ga jama tongkaꞌ, ka jama buta, jama pengkol ka jama umaw, sampay jama saki leꞌ kajinisan. Pag takka da pa mman si Isa, lay nnaꞌ da sagannap ma saki ni awpan na. Dari siꞌ lay du ulian si Isa sikamimon.

Matiyu 22:10

Dari lai na siꞌ tu ga tindog na ngalataan lahat boꞌ da ngaddoꞌ mimon ma takita da mahap-maat. Sampay pannoꞌ na pangawinan looy meꞌ jama.

Lukas 11:41

Naraka kam ni jama miskin ni kahilas atay bi. Meꞌ looy ilay, luu na sipat sutsiꞌ na atay bi.

Lukas 14:12

Pag-anu siꞌ, yuk si Isa ni Parisi looy ma bay moo iya mangan, “Bong ko ngaddoꞌ jama mangan-mangan ni lumaꞌ nu, daa sat ga bagay nu jaꞌ atawa siga danganakan nu kaddoꞌ nu. Damikiyan, daa sat ga lūng-kampung nu atawa jama bihing lumaꞌ nu ma dayahan kaddoꞌ nu. Bong ina meꞌ sila jaꞌ kaddoꞌ nu, yaꞌ du luu tungbas Tuhan ningkau batan ga jama meꞌ looy ilay siꞌ, ndang luu na du dapat da nungbasan kau.

Lukas 14:14

Bong siꞌ ina ko buwat meꞌ naa, mastiꞌ sinupaatan sina ko. Batan minsan gantaan yaꞌ tatungbasan da buddi nu njataꞌ da, Tuhan sa nungbasan kau ni llaw man na makallum sagannap ma intong ni mata na.”

Lukas 14:21

“Dari lay na pabeleng tindog looy siꞌ maan bōs na bong oy bay tampung ga jama looy siꞌ ma bay kinaddoꞌ. Pag-anu, tud bay lasu bōs na. Dari yuk na ni tindog na, ‘Pilay ko deꞌ-dēꞌ. Lataan nu mimon lān. Ambatun sampay siga look-look daira tuu. Boonun pitu pa paballangan tuu sagannap ma miskin, ma pengkol, ma tongkaꞌ atawa buta.’

Salsila siga Rasul 9:39

Dari lay na du si Pitel mmeꞌ ninsila. Takka jaꞌ siꞌ, lay na ya binoo pa jataꞌ pa jawom bilik man mayat looy. Ndooy siꞌ, meka bawu danda nangis sambayan da makitahan si Pitel jinisan pakayan ma bay tinahiꞌ meꞌ si Dolkas ninsila jaman na llum lagi.

1 Timuti 3:2

Sangkon, bila kam meneꞌ pa-mmean, subay ya jama ma yaꞌ luu sutsutan njataꞌ na maka subay disu du nda na. Boꞌ na, subay ya jama pandoy ngagak dī na. Maka subay ya patong mamiki maka hatu. Subay ya pangahulmat maka alistu noan jama.

1 Timuti 5:10

Lagiꞌ na, subay sila bay tamasa nabiat buwat mahap. Hati na, subay mahap meꞌ da bay nganad anak da maka ndang nabiat ngahulmat jama. Maka subay sila biyasa magpangintu siga pagkahi da sukuꞌ si Isa. Maka subay sila biyasa magpanulung jama njawom kasusahan. Hantak bitsala ku ilay siꞌ, subay sila bay tamasa buwat jinisan kaayaran.

Taytus 1:8

Iya pataꞌ ninsila, subay sila pangahulmat ka tigiꞌ buwat mahap ni jama. Subay patong mamiki maka subay sila intong. Subay sutsiꞌ kawul-piil da ka subay sila pandoy ngagak dī da.

Pilimun 1:7

Tud gāk ku danganakan, maka hayang na situ pamiki ku sabapan aseꞌ nu ni siga pagkahi nu sukuꞌ Tuhan nnaa. Dari man sabapan aseꞌ nu ina, mehe na meꞌ da gāk.

Hibrani 13:2

Daa kam lupa. Minsan jama yaꞌ takila bi, bong pilu pa mman bi, subay hulmatun bi. Batan luu silay bay pingkaꞌ ngahulmat jama, yaꞌ san tasayu da ga malaikat hati bisita da.