Lukas 13:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Maka njawom tallu ngallaw tuu du, subay du lanjahan ku luꞌ pilay pa Jerusalem. Ndang-ndang inaa du daira tanyag man kanabi-nabihan pinapatoy. Yaꞌ sina pataꞌ bong ku matoy ni daira sarī.”

Lukas 13:33 Iomraidhean Croise

Matiyu 20:18

Yuk na ninsila, “Pakale kam. Batnaa pilay na kitabi pa Jerusalem. Ndooy ilay mintu, sinungkuban na ku, Anak Manusiyaꞌ, boꞌ ku pina-ntan ni siga imam langkaw ka ga guru saraꞌ agama. Pus meꞌ looy, boꞌ ku binotangan hukuman kapatoy.

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Lukas 9:53

Sugaꞌ jama lahat looy baw siꞌ tu, yaꞌ luu kuhi sabap katoonan da ga si Isa bangsa Yahudi song pilay pa Jerusalem.

Yahiya 11:54

Sangkon yaꞌ na si Isa pōꞌ pa jawom mayran palamud ni siga Yahudi. Gam pin yaꞌ jaꞌ hallom, lay na ya lakka ka ga mulit na pilay pa disu kawum inawnan Epraim tapit pa lahat lau-lau yaꞌ maglumaꞌ. Sampay ndooy na doꞌ sila bay pahantiꞌ.

Yahiya 11:9

Pag tampung si Isa, lay ya makoy sumping bitsala, yuk na, “Mataallaw ina, bong pasilak na, yaꞌ sumaddop bong yaꞌ gi taabut sapu-duwan jām. Basta ina jama lumān sasang llaw, yaꞌ ya sumantuk sabap ngita na pin ya meꞌ dantaꞌ mataallaw.

Yahiya 12:35

Pag tampung si Isa, lay jaꞌ ya ngandalil dī na pa sūꞌ, yuk na, “Dangkitiꞌ lasa situ waktu sūꞌ ninag. Sangkon, padpad masi ninag, tusun bi na lān ma sinūꞌ meꞌ dantaꞌ na, taggahaꞌ lay na baw kam mintu kalindoman. Batan jama ina ma lumān njawom lindom, yaꞌ katoonan da bong luꞌ paninggai sila.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 9:4

Batnaa tu, padpad luu gi dapat tabi, subay pabuwat tabi na pabuwatan ma bay sohoꞌ ilooy ma bay mapitu aku. Bong nnaꞌ ta pa disu llaw, huwas-huwasan tabi na buwat padpad masi ninag mataallaw, batan pag taabut sangom na, yaꞌ na luu tapabuwat tabi.

Salsila siga Rasul 13:27

Sugaꞌ kuwan kaekahan jama ndooy ni Jerusalem ka ga pa-mmean da, yaꞌ bay tasayu da ga si Isa na yana Almasi, tukang nalamat bay pinapitu meꞌ Tuhan. Subay siꞌ katoonan da na batan sila ngantanan kitab man siga tunaꞌ pasal iya bay sinuwatan meꞌ kanabi-nabihan. Boꞌ ilooy na silay siꞌ pinagbatsa ni siga langga da tuktuk Llaw Pahali. Sangkon sapatut na, subay ya bay hinasi meꞌ da, sugaꞌ gam pin lay gi ya sohoꞌ da binotangan hukuman kapatoy. Dari sabapan pabuwatan da, lay na binakbul siga tunaꞌ njawom kitab.