Lukas 13:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Sugaꞌ iya tampung si Isa, “Pilay na kam pa mman Gubnul Herod. Baan bi doꞌ pangakka looy, llaw tuu ka sumawung masi na pin ku malakka siga seytan man siga baran jama sampay ngulian jinisan saki. Pag ni katallu ngallaw na, lupus na ku.

Lukas 13:32 Iomraidhean Croise

Malkus 6:14

Na yaꞌ gi siꞌ hallom, lay na baw kaakahan Gubnul Herod pasal si Isa batan song patanyag na pin awon na. Habal takka pa mman na, baꞌ-bāꞌ kasohean, “Iya na wapat si Yahiya ma Tukang Mandi llum na baw pabalik. Ilooy na silay kon na luu kawasa na mōꞌ pabuwatan kahaylan-haylan.”

Yahiya 10:32

Sugaꞌ yuk si Isa ninsila, “Meka na bilay pabuwatan mahap bay pinōꞌ meꞌ ku ningkaam. Boꞌ labbasakayi man panohoan Mmaꞌ ku niyaku. Dari mamooy baw lay siꞌ siga pabuwatan mahap looy poonan man bi doman ngahiyak aku?”

Yahiya 19:30

Lay jaꞌ siꞌ ya nassop, yuk na, “Lupus na.” Pag-anu, ilooy ma lay na palonyok kōk na sampay lay na ya makkat.

Hibrani 2:10

Na Tuhan ina bay mapayak mimon-mimon maka iya dapu mimon-mimon. Boꞌ na, iya du bay bagaraꞌ subay meka manusiyaꞌ dari anak na hampit ni ehe kabantugan na. Pag-anu, man na majatu garaꞌ na, bay ya mapitu Anak na. Boꞌ lay gi bay ginantaꞌ meꞌ Tuhan subay Anak na ngalingkaan kabinsanaan supaya ya tawop binuwat pa-mmean tabi ka poonan kasalamatan tabi.

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.

Hibrani 7:28

Boꞌ sagannap ma bay inuwakilan magpanghuluꞌ imam njawman saraꞌ Nabi Musa, saliꞌ-saliꞌ sila manusiyaꞌ sadjaꞌ ma ndang dusahan pa Tuhan. Kahapan, hallom maka hallom na, lay na baw Tuhan napa subay Anak na inuwakilan magpanghuluꞌ imam saumu. Boꞌ Anak na ina yaꞌ luu dusa na atawa salla na samasakali.