Lukas 13:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Boꞌ meka gi sina mintu jama saꞌ Yahudi takita bi pōꞌ man sika-mpat pidju alam mmeꞌ siharung-harung mangan ni paballangan jawom okoman pamarinta Tuhan.

Lukas 13:29 Iomraidhean Croise

Panagnaan 28:14

Ga panubuꞌ nu ina mintu, mas mura gi initung momok tanaꞌ man sila tandaꞌ ni kaeka da. Maka ngalelet na pin sina mintu sila pa sikaliput pidju alam. Bbos-bbos ina mimon kabangsa-bangsahan sinupaatan na man sabapan nu ka panubuꞌ nu.

Matiyu 8:11

Maka yuk si Isa, “Bbos-bbos, meka sina jama pōꞌ man sika-mpat pidju alam siharung-harung mangan ka ga Nabi Ibrahim, Nabi Isahak ka Nabi Yaꞌkub ni pamarinta Tuhan.

Malkus 13:27

Pag-anu, boꞌ na magpanohoꞌ ni siga malaikat na mumpung sagannap ma bay peneꞌ na sukuꞌ na man sika-mpat pidju alam.”

Lukas 13:30

“Indanan bi. Meka sina jama ma ni dambulihan batnaa, pag taabut mintu ni ahirat, lay na sila ni duhuan. Damikiyan, meka du sina jama ma ni duhuan batnaa, pag ndooy mintu, lay na ni dambulihan.”

Salsila siga Rasul 28:28

Yuk si Pol lagi, “Na, mbuwaꞌ danganakan, pagka kaekahan Yahudi yaꞌ kuhi pitsayaꞌ ni umanat Tuhan pasal kasalamatan njataꞌ si Isa, baan ta kam banahan, pinasaplag na du sina ni kabangsa-bangsahan saꞌ Yahudi. Boꞌ tatantu ku, mastiꞌ hinasi jaꞌ sina meꞌ da.”

Kolossa 1:23

basta kam tattap jaꞌ pitsayaꞌ ni umanat mahap pasal si Isa. Sangkon daa na kam kuhi pinagsian man kabanahan njawom umanat mahap ma bay takale bi. Maka daa kam jamu ngaholat Tuhan numan mimon janjiꞌ na njawom umanat mahap. Umanat mahap ina, liput na junyaꞌ man na pinasaplag. Na ni sagannap ma bay pineneꞌ masaplag, kuwan disu, yana aku na situ.

Kolossa 1:6

Umanat mahap ina, liput na junyaꞌ man na pinasaplag sampay meka na jama pitsayaꞌ. Dari magsasōng na pin hāp kawul-piil da meꞌ karuha kaam na du. Batan saliꞌ-saliꞌ na du kam lay kale sampay kahati kabanahan pasal aseꞌ Tuhan.