Lukas 13:11 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹¹ luu ndooy danda kokoꞌ na man sabapan disu seytan. Luu na sapu-wawun taun halloman na yaꞌ na san kapa-nnat.

Lukas 13:11 Iomraidhean Croise

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 9:21

Tilaw si Isa ni mmaꞌ na, “Meꞌ noy na tu hallom anak nu meꞌ tuu?” Tampung na, “Man kadikiꞌ na gi sina Tuwan.

Lukas 13:12

Pag takita meꞌ si Isa, lay linganan na danda looy nohoꞌ pa mman na. Luu jaꞌ siꞌ, lay na tappak si Isa baran na sambayan na halling, “Daꞌ, kaulian na sina ko.” Dari sarunduun du ya katangge intong sampay lay na ya mudji Tuhan.

Lukas 13:16

Na bong sapiꞌ atawa kuraꞌ dari pinaddusan ni Llaw Pahali, labi na baw danda tuu saꞌ pataꞌ pinaddusan man kamalasahiyan. Boꞌ pagkahi tabi lagi ya panubuꞌ Nabi Ibrahim. Bistahun bi doꞌ, luu na sapu-wawun taun halloman na bay taingkot meꞌ Ibilis. Sangkon subay ya pinaddusan san gi magsabtan ka Llaw Pahali.”

Lukas 21:28

Na pag mintu nagnaꞌ na binakbul ilooy ma bay sabbut ku siꞌ, pagakun bi na atay bi, batan tapit na sina kasalamatan bi.”

Lukas 8:2

Maka luu gi karandahan mmeꞌ ninsila ma lay na kaulian meꞌ si Isa jinisan saki da. Maka luu gi kasohean ninsila bay sineytan lay na du kaulian. Disu ninsila yana si Mariyam, danda man Magdala. Iya ilay bay pingkaꞌ luu pituꞌ seytan njawom baran na lay na pinalakka.

Lukas 8:27

Pag lay jaꞌ duwai si Isa ndooy, luu na baw pasōng pa mman na disu lalla sineytan. Hallom na ya nantang na sadjaꞌ. Yaꞌ na luu meꞌ na taꞌ lumaꞌ. Ndooy na jaꞌ ya ni kakubuhan.

Lukas 8:43

Njawom baanan ga jama looy siꞌ, luu disu danda sapu-duwan taun na halloman na daran katumpahan lahaꞌ. Minsan meka na duktul man na bay nguliꞌ, yaꞌ du ya bay kaulian. Sampay lay na ga katis altaꞌ na hangat man na nguliꞌ padisu-padisu.

Salsila siga Rasul 3:2

Na ndooy ni behe lawang paga haman langga looy, yana lawang pinag-awnan “Lawang Lingkatan,” luu disu lalla magpamaku sīn. Yaꞌ ya kapalān man jom kūn induꞌ na lagi. Sangkon llaw-llaw llanggung ya pilay supaya ya kapaku saraka ni jama ma paasok.

Salsila siga Rasul 4:22

Bistahun doꞌ, labi na mpatpūꞌ taun halloman lalla looy yaꞌ bay kapalān, taggahaꞌ lay gi ya kaulian.