Lukas 12:9 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁹ Sugaꞌ soysoy ina yaꞌ mangaku ni awpan jama mmeꞌ ya niyaku, malaingkan yaꞌ du sina ku mintu mangaku ga sukuꞌ ku ya ni awpan ga malaikat Tuhan.

Lukas 12:9 Iomraidhean Croise

Matiyu 10:33

Sugaꞌ soysoy māꞌ ni awpan manusiyaꞌ niyaꞌ ya mmeꞌ niyaku, malaingkan māꞌ du sina ku mintu ni awpan Mmaꞌ ku ni sulgaꞌ, saꞌ ya sukuꞌ ku.

Matiyu 25:12

“Sugaꞌ tampung pangantin ma lalla, ‘Yaꞌ dari batan yaꞌ kam takila ku.’

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Matiyu 7:23

Sugaꞌ pagka wā sila ngalangga kahandak Tuhan, pag halling ku ina mintu ninsila, ‘Yaꞌ bina kam takila ku. Lakka na kam man awpan ku. Kaam ina amu-amu buwat kalaatan.’

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Lukas 15:10

Na baan ta kam, meꞌ naa du sina kagakan siga malaikat Tuhan pag takita da disu baldusa nawbat.”

Lukas 22:57

Sugaꞌ lay jaꞌ maylu si Pitel, yuk na, “Uy, yaꞌ san bilay ya takila ku!”

Lukas 9:26

“Soysoy ina iyaꞌ mangaku mmeꞌ niyaku ka tōꞌ ku, malaingkan aku, yana Anak Manusiyaꞌ, iyaꞌ du ku mangaku iya sukuꞌ ku pag beleng ku pa junyaꞌ ddas ka kawasa lakka man kami ka Mmaꞌ ku sampay ga malaikat na.

2 Timuti 2:12

Bong itu kitabi natas na pin njawom kamalasahiyan kalnaꞌ iya, mastiꞌ kapatabeꞌ du kitabi niiya magsultan ni sinōng. Sugaꞌ bong kitabi yaꞌ kuhi mangaku sukuꞌ na kitabi, malaingkan yaꞌ du kitabi aku na sukuꞌ na.

1 Yahiya 2:23

Maka soysoy māꞌ yaꞌ ya pitsayaꞌ Almasi yana Anak Tuhan, lawak ya man Mmaꞌ Almasi. Sugaꞌ soysoy mangaku Almasi yana Anak Tuhan, mastiꞌ lungbid ya ka Mmaꞌ Almasi.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

Siga Pakaradjaan bay Pinalahil 3:8

“Kaam ina, katoonan ku du yaꞌ meꞌ noy gaos bi, sugaꞌ masi gi du kam tattap ngasip ni bitsala ku. Maka tuktuk jama māꞌ sukuꞌ ta kam, yaꞌ du kam bay maylu. Sangkon lay na sina kam bukisan ku lawang ma yaꞌ luu katambo.