Lukas 12:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Honaꞌ-honaꞌ na, ‘Pag lupus jaꞌ mintu ga buriga ku, tud sannang na ku. Oy-oy gunahan niyaku, tahan ku ngaddoꞌ, taun pa taun. Maglami-lami na jaꞌ ku sampay nginum-mangan jaꞌ, boꞌ tuli.’

Lukas 12:19 Iomraidhean Croise

Lukas 12:18

Pag-anu, talangga piki na na baw ngalangkat siga buriga na boꞌ buwat siga buriga mehe banahan man na ngannaꞌ kattoman na ka ga altaꞌ na.

Lukas 16:19

Pag-anu, lay na baw si Isa muwanan sila pamintangan, yuk na, “Luu disu sawraga ma tigiꞌ matuk pamakoy ayad ka hagaan. Bbuwatan na llaw-llaw maglami-lami jaꞌ sampay nginum-mangan jinisan makanan ma numbul satu.

Lukas 21:34

“Iyakin kam taggahaꞌ lay na baw kam mintu mmeꞌ meꞌ uwahan sagannap ma maabak jaꞌ meꞌ da maglami-lami sampay maglangohan. Maka ilagan bi man pamiki bi pannoꞌ leꞌ hanggaw ni hāl meꞌ bi llum. Bong ina kam yaꞌ saddiya, takurat na baw sina kam mintu ni llaw katakka ku

1 Korin 15:32

Ntuu tu ni Epesus, tandaꞌ ehe duga jama niyaku, subay ga sila baanan sattuwa tawun meꞌ da bay magkanaman aku. Na bong mattan yaꞌ du luu masa jama pinakallum pabalik, oy tud ku amu-amu masaplag? Gam na tagongan ku, boꞌ ku mmeꞌ ni sagannap ma magsambatan, “Tu kam. Nginum-mangan jaꞌ kitabi maglami-lami, taggahaꞌ matoy na kitabi sumawung.”

Pilipi 3:19

Ga jama meꞌ looy ilay, sibogan da katiksaan njawom nalkaꞌ sabap tuhan da yana napsu da. Bila sila buwat kalaatan, yaꞌ gi sila iyaꞌ, gam pin pinag-abbu gi meꞌ da. Ilooy du njawom pamiki da hāl junyaꞌ.

1 Timuti 5:6

Sugaꞌ kuwan siga bawu danda ma yaꞌ luu kainagon da sarī man nganduwan dī da ka oy-oy kinanapsuhan meꞌ da, san daa na tulungun bi. Ga bawu danda meꞌ looy ilay, minsan sila llum, sibuꞌ du sila ka matoy bong ni bandingan Tuhan.

1 Timuti 6:17

Na ni kapasal sukuꞌ si Isa ma dayahan meꞌ altaꞌ junyaꞌ, daa sila sohoun langkaw atay da. Maka daa sila sohoun mangasa ni altaꞌ batan bosbos ina luu, bosbos lungay. Ilooy ya subay asahan da yana Tuhan, batan iya sina muwanan kitabi mimon-mimon para ni kagakan tabi.

2 Timuti 3:4

Meka na sina mintu panipu ka os-os buwat karupangan ni kapondok pamiki da sampay takabbu lagi. Ilooy du ina mintu hagaan ninsila meꞌ da nganduwan jaꞌ oy-oy kinanapsuhan meꞌ da. Sugaꞌ bong aseꞌ pa Tuhan, yaꞌ luu ninsila.

Yaꞌkub 5:5

Kaam ina, lay jaꞌ ngumpohan dī bi altaꞌ ka nganduwan oy-oy jaꞌ ma kinanapsuhan meꞌ bi ntuu ni junyaꞌ. Sibuꞌ du karuha bi ka sapiꞌ pinalammok yaꞌ san tabista na song sinumbaliꞌ na ya.

1 Pitel 4:3

Sangkon kuwan kaam, ddong na kam malātan waktu bi ngakig uwahan jama ma yaꞌ ngisbat Tuhan. Sila ina maabak jinisan kalaatan meꞌ sapantun magjina, maka nganduwan oy-oy napsu ma maat sampay maglangohan. Boꞌ mmeꞌ gi sila ni baanan danda ka lalla buwat kasabuhan. Maka luu gi sarī pabuwat da ma tagga pa Tuhan meꞌ sapantun numba siga tuhan-tuhan.

Siga Pakaradjaan bay Pinalahil 18:7

Babilon, kau ma induꞌ siga puta, bay jaꞌ ko ngumpohan dī nu altaꞌ sakiyan, boꞌ tud abbuhan lagi ko. Dari pooy-pooy eka altaꞌ nu ka ehe abbu nu, mastiꞌ meꞌ naa du eka kamalasahiyan ka ehe dukka labuꞌ pa jataꞌ nu. Batan ni kabasag abbu nu, halling njawom atay nu, ‘Aku bitu disu danda ma magpanghuluꞌ ngantanan kawasa mehe. Basta yaꞌ na bitu luu masa ku malasahi atawa maglindu meꞌ kadari bawu.’