Lukas 11:42 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴² “Siya-siya kam la siga Parisi! Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma puntukan banahan, yana buwat kaintongan ni pagkahi bi maka maaseꞌ pa Tuhan. Subay siꞌ inaa na doꞌ paruhuun bi, boꞌ bi mogbogan siga saraꞌ ilooy kasohean meꞌ sapantun muwan sabahagiꞌ sapū.

Lukas 11:42 Iomraidhean Croise

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 23:23

“Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Pandoy baw kam nong sabahagiꞌ sapū ni sikamimon altaꞌ bi pa Tuhan sampay na ni mimon lampa-lampahan bi. Sugaꞌ yaꞌ san baw paruli bi ilooy ma hagaan banahan ni saraꞌ, yana buwat kaintongan, manimbang ni manusiyaꞌ, maka magkanaalla mmeꞌ ni lapa bi. Subay siꞌ inaa doꞌ duhuꞌ pakutuun bi, boꞌ bi mogbogan siga saraꞌ dikiꞌ meꞌ sapantun muwan sabahagiꞌ sapū.

Matiyu 23:27

“Siya-siya kam, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Kaam ina meꞌ sapantun kubu bay inari-arihan, lingkatan inandaꞌ, sugaꞌ ni jawom na pannoꞌ meꞌ towang jama matoy maka kajinisan kalalamaan.

Lukas 18:12

Aku itu puwasa min duwa njawom sakayi pituꞌ, maka nganjakat ku sabahagiꞌ sapū ni mimon ma bay tausaha ku.’

Yahiya 5:42

Sugaꞌ san sawpama miha ku sanglit, yaꞌ du ku ngaholat lakka mman bi, batan katoonan ku yaꞌ luu njawom atay bi aseꞌ pa Tuhan.

1 Yahiya 4:20

Bong luu halling, “Maaseꞌ ku pa Tuhan,” boꞌ lammis baw ni pagkahi na manusiyaꞌ, malaingkan ngandustaꞌ ya. Batan bong ina ya yaꞌ pandoy maasean pagkahi na ma takita, labi na Tuhan saꞌ niyaꞌ kaasean na ma yaꞌ san takita.