Lukas 11:36 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁶ Sugaꞌ bong ina kam mandang jaꞌ meꞌ bi nulut kahandak Tuhan, malaingkan tud pinadantaan pamiki bi. Dari ko ngawon, mimon baran bi meꞌ sapantun pannoꞌ meꞌ dantaꞌ. Yaꞌ na kam njawom lindom samasakali batan meꞌ karuha luu na sūꞌ ninag njataꞌ bi paninggai-paninggai jaꞌ kam.”

Lukas 11:36 Iomraidhean Croise

Matiyu 13:52

Pag-anu, yuk si Isa, “Soysoy ina guru lahal ni kitab kanabi-nabihan, boꞌ isbat na lagi tōꞌ ku pasal pamarinta Tuhan, sibuꞌ du ya ka jama dayahan. Bila ya magnasihat, dansusun du ya ka jama makitahan siga pagkahi na altaꞌ na ma bahau ka altaꞌ na man maruhuꞌ-ruhuꞌ lagi.”

Matiyu 5:15

Kaam ina, katoonan bi na kabanahan. Sangkon daa na tapukun bi. Bong dalil ta pa palitaan, yaꞌ sina luu jama pus na nantikan palitaan, tinangkopan na baw ka undam. Mastiꞌ gowet na jaꞌ sina pa jataꞌ supaya karantaan mimon njawom lumaꞌ.

Lukas 11:35

Sangkon paayad-ayad kam taggahaꞌ kanna bi lay na pinadantaan pamiki bi, boꞌ ko, masi kam njawom lindom.

Lukas 11:37

Pag lupus si Isa mitsala, lay na baw ya binoo mangan meꞌ disu Parisi pa lumaꞌ da. Dari siꞌ lay na ya mmeꞌ. Maka lay na ya paharung mangan.

2 Korin 4:6

Na jaman junyaꞌ ilay bay pinapayak, lay Tuhan nohoꞌ dantaꞌ ninag njawom lindom. Pag batnaa, sibuꞌ du ka lay balikan na batan lay na baw ya marantaan pamiki tabi. Dari tahati tabi na ehe kaayaran na man sabapan pabuwatan na bay mapitu si Isa Almasi pa junyaꞌ.

Epesus 4:14

Bong ina kitabi sukup iman na, yaꞌ na kitabi meꞌ anak-anak os-os pitsayaꞌ ni oy-oy bitsala jama. Yaꞌ na kitabi meꞌ sapantun kumpit umatung kuhi jaꞌ tinuran leꞌ lamba ka baliyu. Intong na, yaꞌ na kitabi takoleꞌ llingu meꞌ siga guru palsu ma alistu moo-moo jama magsiꞌ.

Kolossa 3:16

Kannahun bi banahan mimon tōꞌ Almasi. Maka pakoyun bi na pangahati ma bay dean Tuhan ningkaam man bi sitoꞌ-tōꞌ atawa pun sipaintom-paintom. Maka ngalang kam siga kalangan pudji pa Tuhan meꞌ sapantun kalangan man jawom Kitab Jabul atawa kalangan sarī ma kasulut ni Tuhan tandaꞌ mehe meꞌ bi magsuku niiya.

Hibrani 5:14

Boꞌ jama ma nganna sampay tattap mean kabanahan, malaingkan biyasa na sila nilang tōꞌ ma mahap ka tōꞌ palsu. Sila ilay meꞌ sapantun jama mehe na ma takaya da na mangan sumbalian.

Yaꞌkub 1:25

Sugaꞌ soysoy ina maliksaꞌ palman Tuhan paayad sampay tattap mean iya, malaingkan mehe supaat njataꞌ na. Batan palman Tuhan ina, yaꞌ luu salla na samasakali. Boꞌ na, kaboo jama lagi pa jawom kasumunsayaan soysoy ngasip. Daa jaꞌ kita meꞌ kasohean, pus da bay kale palman Tuhan, magti lay du takupan.

2 Pitel 3:18

Katapusan bitsala ku: Duhunan bi na pin meꞌ bi ngikut arat-tabiat Papuꞌ tabi si Isa Almasi, yana tukang nalamat kitabi. Maka mangasa na pin kam ni aseꞌ-tabang na ningkaam. Songan bi lagi meꞌ bi lungbid ka iya. Kamura-murahan pinudji na pin ya labba man batnaa sampay saumu-umu! Amin. Wassalam