Lukas 11:34 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁴ Yuk si Isa lagi, “Bong ina kam mandang jaꞌ meꞌ bi nulut kahandak Tuhan, sibuꞌ du kam ka jama mahap sambuhan mata na. Yaꞌ kam magsiꞌ sabap pamiki bi lay na pinadantaan. Sugaꞌ bong ina kam mandang jaꞌ meꞌ bi nulut dī bi, sibuꞌ du kam ka jama sakihan mata na. Yaꞌ tumampak meꞌ bi ngandaꞌ. Sibuꞌ du karuha bi ka jama bagagap jaꞌ njawom lindom.

Lukas 11:34 Iomraidhean Croise

Panagnaan 19:11

Pag-anu, ilooy ma lay pinabuta meꞌ da kalallahan looy siꞌ ni poan. Dari yaꞌ na san ga tatammu da lawang lumaꞌ looy.

Malkus 4:12

Jama meꞌ sila ina, tuwaꞌ pa sila na bay halling njawom kitab, ilooy ma yuk na, ‘San ina sila ngandaꞌ, yaꞌ du sila kakila. San sila pakale, yaꞌ du sila kuhi kahati. Bong siꞌ ilay saꞌ meꞌ looy, mastiꞌ lay na bay tawbatan da dusa da boꞌ da inampun na meꞌ Tuhan.’ ”

Malkus 7:22

magjina ka magnapsu mulakab. Damikiyan, luu du pōꞌ man jawom atay jama ngandahulakaꞌ, nipu, magkamuklahan, ngandangkiꞌ, mitna, ngabbu sampay buwat jinisan karupangan.

Malkus 8:18

Ndaꞌ ku, luu baw mata bi, sugaꞌ yaꞌ du kam ngita. Luu baw tinga bi, sugaꞌ yaꞌ du kam kale. Yaꞌ na kilay taintom bi

Lukas 11:35

Sangkon paayad-ayad kam taggahaꞌ kanna bi lay na pinadantaan pamiki bi, boꞌ ko, masi kam njawom lindom.

Salsila siga Rasul 13:11

Batnaa, kissahan nu na mulkaꞌ Tuhan njataꞌ nu. Buta na sina ko. Yaꞌ na sina takita nu sinag mataallaw njawom daka dangoy ngallaw.” Dari siꞌ, sarunduun du ngalindom pangandaan si Elimas sampay bagagap na ga ya miha jama nohoꞌ nondaꞌ iya.

Salsila siga Rasul 2:46

Llaw-llaw kumpo sila numba ni langga mehe. Ni kahilas atay da, gāk sila sipahampit-pahampit kinakan da maka tigiꞌ sila siharung-harung mangan ni siga lumaꞌ da.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

2 Korin 1:12

Siga danganakan, ituu itu kagakan kami: Tatantu kami sutsiꞌ jaꞌ niyat atay kami ni mata Tuhan. Maka katoonan kami yaꞌ luu pabuwat kami man kami taawnan yaꞌ bonto ni mimon jama, awla na ningkaam. Ni mimon pabuwatan kami, yaꞌ kami mangasa ni akka kami dī kami. Ilooy ya asahan kami yana aseꞌ-tabang Tuhan.

2 Korin 11:3

Ilooy kahanggawan ku, taggahaꞌ lay na baw kam mintu inakkahan meꞌ karuha jaman Sitti Hawa bay takoleꞌ inakkahan meꞌ sō mattoꞌ. Hanggaw ku taggahaꞌ takoleꞌ na baw kam pinagsian sampay man lungay na kasutsian bi ka hilas atay bi ngisbat Almasi.

2 Korin 4:4

Yaꞌ sila pitsayaꞌ sabap pikilan da lay na tinambunan meꞌ Ibilis ma buwat dī na tuhan ni junyaꞌ tuu. Sangkon yaꞌ tapadantaan pamiki da meꞌ umanat mahap pasal ehe kaayaran ilooy ma pulnaꞌ limbagan Tuhan, yana Almasi.

Epesus 1:17

Maku na pin situ ku duwaa pa Mmaꞌ tabi ma yaꞌ luu sibuꞌ sabanding na, yana Tuhan Papuꞌ tabi si Isa Almasi. Kamura-murahan binuwanan du kam pangahati lawom ni hāl Tuhan supaya magsasōng na pin meꞌ bi lungbid ka iya.

Epesus 6:5

Na kuwan kaam ma ata, asipun bi siga papuꞌ bi. Mag-arat kam ni kaloman bi ninsila. Ni mimon pabuwatan bi ninsila, subay kam magtuyuꞌ buwat ni kahilas atay bi. Meꞌ bi ngingat, sibuꞌ du kam ka maghulas-sangsāꞌ kalnaꞌ Papuꞌ Isa.

Kolossa 3:22

Kaam pun baw siga ata, subay du kam wā ngasip ni siga papuꞌ bi ntuu ni junyaꞌ. Daa subay na pin luu papuꞌ bi nganjaga boꞌ bi magtuyuꞌ buwat. Jama meꞌ looy ilay, muhung jaꞌ sanglit ni manusiyaꞌ. Saꞌ ga sanglit man Tuhan puhung da. Arapun luu-yaꞌ luu papuꞌ bi nganjaga, subay kam kanaalla buwat paayad pagka kaam jama ma ngisbat Papuꞌ Isa.