Lukas 11:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Na sasang pasampun boꞌ pasampun na pin eka manusiyaꞌ kumpo ndooy, yuk si Isa ninsila, “Maat la angkat-angkatan batnaa! Yaꞌ sila kuhi pitsayaꞌ aku bay pinapitu meꞌ Tuhan bong sila yaꞌ bay pinakitahan sipat kawasa. Sugaꞌ yaꞌ du situ sila pinakitahan sipat sarī man meꞌ ilooy ma bay katuwaꞌ ni Nabi Yunus mattoꞌ.

Lukas 11:29 Iomraidhean Croise

Matiyu 3:7

Maka meka du kapakihan bay pilay man ga palhimpunan Parisi ka Saddusi maimanan si Yahiya mandi jama. Pag takita sila meꞌ si Yahiya, yuk na ninsila, “Kaam bina, subay ga kam baanan sō latsunan! Ongoy subay na pin kam mahusaan dī bi pitu? Bong yaꞌ du tawbatan bi dusa bi, daa kam mista tailagan bi mulkaꞌ Tuhan ma takka bbos-bbos.

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Lukas 11:16

Na ndooy siꞌ, luu du kasohean ma doman nuway-nuwayan si Isa. Dari lay sila nohoꞌ pinakitahan sipat kawasa sarī bong bana-bana du ya bay lakka man Tuhan.

Lukas 11:50

Yuk si Isa lagi, “Sabapan kadarihan bi angkat-angkatan batnaa, bbos-bbos talapay du sina kam ni hisab Tuhan ni bay kapatoy mimon kanabi-nabihan labba man jaman junyaꞌ bay pinapayak ngabut sampay batnaa.

Lukas 12:1

Na jaman looy siꞌ, libu-libuhan na manusiyaꞌ lay kumpo ni awpan si Isa. Magdogsog-dogsog na sila sampay sikagiok-kagiok battis na ga. Na pag nagnaꞌ si Isa mitsala, duhuꞌ-duhuꞌ yuk na ni ga mulit na, “Iyakin kam mari kam yaꞌ kalakkotan meꞌ arat siga Parisi. Sila ina magbawuꞌ-bawuꞌ jaꞌ sutsiꞌ. Kalaatan da ina meꞌ karuha pasulig njawom addunan taligu. Batan tabiat pasulig ina, san dangkitiꞌ du inannaꞌ, pag ngassob na, kalakkotan mimon addunan na.

Lukas 9:41

Tampung si Isa, “Uy la, angkat-angkatan batnaa, tud kulang pangando da pa Tuhan maka tud bingkok pamiki da. Meꞌ noy na pin doꞌ tu hallom ku dambuwaꞌ ka kaam natasan arat bi?” Pus meꞌ looy, yuk si Isa ni lalla looy siꞌ, “Bōn na pitu anak nu.”

Yahiya 2:18

Pus meꞌ looy, yuk kasohean Yahudi, “Ntan oy doꞌ tu meꞌ kau taggahaꞌ ilu na ga ko buwat meꞌ naa? Bong bana-bana luu kapatut nu man Tuhan, pakitahan teꞌ kami sipat kawasa na.”

Yahiya 6:30

Dari tilaw da, “Bong meꞌ naa, oy baw tu sipat kawasa Tuhan tapōꞌ nu? Noy mintu kami lay na ngita, boꞌ kami pitsayaꞌ kau bay pinapitu meꞌ Tuhan. Luu kina tapōꞌ nu sipat kawasa

Yahiya 8:44

Kaam ina, Ibilis mmaꞌ bi. Dari ilooy karomanan bi pinabuwat, siga pabuwatan ma nulut ni kahandak na. Ibilis ina ndang tukang mapatoy labba man tagnaꞌ. Bong inawnan hāl kabanahan, yaꞌ ya doman palamud sabap yaꞌ luu niiya kabanahan. Bong ya mitsala, dustaꞌ jaꞌ, batan ndang pangandustaꞌ ya. Lagiꞌ na, ndang iya poonan dustaꞌ.

1 Korin 1:22

Kuwan siga Yahudi, yaꞌ kuhi pitsayaꞌ bong sila yaꞌ bay ngita sipat kawasa Tuhan. Kuwan bangsa Greek baw, ilooy du piha da ilmuꞌ lawom.