Lukas 11:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ “Boꞌ na, bong siꞌ ina bana bitsala bi Belsibul bay muwanan aku kawasa man ku mapōꞌ siga seytan, soy baw lay bay muwanan siga mulit bi kawasa man da mapōꞌ seytan? Bong bina meꞌ naa akka bi, san sina siga mulit bi mismu, tabanding da du tud magsāꞌ kam.

Lukas 11:19 Iomraidhean Croise

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 4:24

Dari siꞌ habal pasal si Isa lay na magkanatan ni sikaliput lahat ngabut sampay pa Siriya. Sangkon, meka na jama bay moo soheꞌ da ma sakihan pa mman na. San gi oy saki da, minsan jama sineytan, jama binilaw-bawi, jama matoy baran da, lay jaꞌ du kaulian meꞌ na sikamimon.

Lukas 19:22

“Dari yuk sultan niiya, ‘Behe nu na bina mismu bay mōꞌ buktiꞌ kau tindog maat. Tatammu nu ga māꞌ, aku jama adil banahan. Maka baꞌ-bāꞌ nu, biyasa ku ngaddoꞌ untung lakka man hulas-sangsāꞌ jama. Maka yuk nu, ngaddoꞌ jaꞌ ku kattoman san saꞌ aku bay tanom.

Lukas 9:49

Pag-anu siꞌ, yuk si Yahiya ni si Isa, “Tuwan, lay kami la ngita disu lalla malakka siga seytan makoy awon nu. Sugaꞌ lay bay saggong kami sabap yaꞌ ya tabeꞌ ni baanan tabi.”

Salsila siga Rasul 19:13

Na jaman looy du siꞌ, luu du ndooy baanan Yahudi ma tukang nawa jama sineytan padisu-padisu kawum. Ni baanan da siꞌ, luu pituꞌ lalla yana anak disu imam langkaw inawnan si Eskeba. Pag taaka ga lalla looy siꞌ mehe kawasa awon Papuꞌ Isa, lay suwayan da ngakig si Pol. Dari yuk dangan ni seytan jom baran disu lalla, “Ni kawasa awon si Isa ma pinasaplag meꞌ si Pol, sohoꞌ ta na ko pōꞌ man jawom baran lalla tuu.”

Suwat si Pol pa mman Baanan Sukuꞌ si Isa ndooy ni Rom 3:19

Na hantak bitsala looy ilay siꞌ njawom kitab, tumatandaꞌ na mimon manusiyaꞌ dusahan pa Tuhan. Tud yaꞌ luu san disu nammu daawa man da nangkisan hukuman Tuhan, awla na bangsa Yahudi ma bay pina-ntanan saraꞌ, boꞌ langga da lagi. Sangkon mimon manusiyaꞌ pataꞌ kalabuan hukuman.