Lukas 11:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Na bong kaam manusiyaꞌ pandoy muwan pakaradjaan ayad ni anak bi san meka kalaatan bi, labi na Mmaꞌ bi Tuhan ni sulgaꞌ saꞌ pandoy muwanan kaam pakaradjaan ayad. Sampay Rū Sutsiꞌ, dean na du sina soysoy maku.”

Lukas 11:13 Iomraidhean Croise

Panagnaan 8:21

Pag taūk leꞌ Tuhan, kasulutan ya ni bangngi na. Dari njawom atay na, “Yaꞌ na situ balikan ku numpaan tanaꞌ sabapan kalaatan manusiyaꞌ. Manusiyaꞌ ina ndang baldusa sikamimon maka maat pamiki da labba man kadikiꞌ da. Sugaꞌ yaꞌ na baw situ balikan ku ngatisan sagannap balnyawa meꞌ bay hallang-hallangan tuu.

Matiyu 5:16

Kaam pun ina, subay du kam yaꞌ napuk dantaꞌ bi ni manusiyaꞌ. Hati na, subay kam makitahan jama kawul-piil ayad supaya mudji na sila Mmaꞌ bi Tuhan ni sulgaꞌ sabapan bi.

Matiyu 5:45

Bong siꞌ ina kam maaseꞌ jaꞌ meꞌ naa, tumatandaꞌ na nutu kam Mmaꞌ bi Tuhan ni sulgaꞌ. Batan tabiat Tuhan ina buwat mahap ni mimon manusiyaꞌ. Mindoga jaꞌ kam ni mataallaw. Saꞌ ba, bila pinasilak na meꞌ Tuhan, sibuꞌ du jama karantaan ma mahap ka jama maat? Damikiyan, hāl uwan, saꞌ sat jama mahap buwanan na uwan, arapun sampay jama maat, buwanan na du.

Matiyu 6:14

Pag-anu, yuk si Isa lagi, “Bong ina kam ngampun jama ma dusahan ningkaam, inampun du sina kam meꞌ Mmaꞌ bi ni sulgaꞌ.

Matiyu 6:30

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Matiyu 6:32

Na siga jama ma yaꞌ toon Tuhan ina, ndang kinahanggawan meꞌ da bong pooy meꞌ da koleꞌ pakaradjaan meꞌ looy siꞌ. Boꞌ kaam ina, san kam yaꞌ na hanggaw. Ndang-ndang kinatoonan du sina meꞌ Mmaꞌ bi ni sulgaꞌ gunahan ningkaam mimon inaa siꞌ.

Matiyu 7:11

Na bong kaam manusiyaꞌ ma ndang dusahan pandoy muwan pabuwatan ayad ni anak bi, labi na Mmaꞌ bi Tuhan ni sulgaꞌ saꞌ pandoy muwan ga pakaradjaan ayad ni sagannap ma maku niiya.

Lukas 11:12

Damikiyan, bong anak bi maku intallo, yaꞌ du sina kam muwanan sila patikāꞌ.

Lukas 11:2

Yuk si Isa ninsila, “Bila kam maku duwaa pa Tuhan, meꞌ tuu hantang na, yuk bi, ‘Maꞌ, kamura-murahan pinaehe na pin awon nu meꞌ jama sikamimon. Kamura-murahan lillaꞌ na jaꞌ mimon manusiyaꞌ ni pamarinta nu.

Lukas 18:7

Labi na bong Tuhan saꞌ nabangan siga sukuꞌ na ma maku duwaa pa mman na sangom-llaw. Mastiꞌ tanggehan na jaꞌ sina kaintongan da. Yaꞌ sina ya mabiya sila.

Yahiya 4:10

Pag tampung si Isa baw siꞌ tu niiya, “Bong siꞌ ina bay tasayu nu ladjikiꞌ ma pamuwan Tuhan, maka bong siꞌ tasayu nu bong soy tu ituu ma nohoꞌ pinainuman ningkau, gam pin kau gi siꞌ bay duhuꞌ maku inuman mman ku, boꞌ nu buwanan ku boheꞌ ma llum.”

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Suwat si Pol pa mman Baanan Sukuꞌ si Isa ndooy ni Rom 5:17

Sangkon, sabasag-basag hukuman kapatoy ni manusiyaꞌ sabapan dusa Boꞌ Adam, mas basag gi ehe aseꞌ-tabang ka kaintongan ma pamuwan Tuhan sabapan pabuwatan si Isa Almasi. Boꞌ aseꞌ-tabang na ina, inaa na poonan sagannap ma tibuuk ka si Isa ngantanan kawasa man da tumanjataꞌ ni oy-oy katuwaꞌ ninsila.

Suwat si Pol pa mman Baanan Sukuꞌ si Isa ndooy ni Rom 7:18

Sangkon, katoonan ku bong kinawnan tabiat pagkajama ku, yaꞌ luu kaayaran ku samasakali. Batan san ku doman buwat kaintongan, yaꞌ luu gaos ku ni dī ku buwat mahap.

Suwat si Pol pa mman Baanan Sukuꞌ si Isa ndooy ni Rom 8:32

Maka pagka Tuhan bay mangatas nongan umu Anak na kalnaꞌ kitabi sikamimon, mastiꞌ dean na du sina mintu ningkitabi mimon supaat ma bay njanjiꞌ meꞌ na.

Taytus 3:3

Ndang subay yaꞌ langkaw atay tabi batan jaman tabi ilay yaꞌ gi bay pitsayaꞌ ni si Isa, kitabi pun awam du ni kabanahan. Yaꞌ du tabi bay ngasip ni kahandak Tuhan. Bay du kitabi lingu. Bay jaꞌ kitabi maabak meꞌ tabi koleꞌ parasahan ayad para ni dī tabi. Sibuꞌ du kitabi ka bay pinahata meꞌ jinisan napsu ma maat. Llaw pa dangallaw, maat jaꞌ pamiki tabi ni pagkahi tabi manusiyaꞌ. Tud yaꞌ bay kuhi lakka man jawom atay tabi meꞌ tabi bay sikadangkiꞌ-kadangkiꞌ ka sikalammis-kalammis.