Lukas 10:7 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷ Nnoy-nnoy lumaꞌ mman bi pahantiꞌ, patattog na jaꞌ kam ndooy. Daa na kam maghalin-halin. Maka oy-oy binotang ningkaam, daa na kam alang-kapalang mmeꞌ nginum mangan, batan ilooy ilay mintu tabilang na hasil bi. Ndang-ndang soysoy ina maghulas-sangsāꞌ, tawop du binuwanan oy-oy kulang niiya meꞌ sagannap ma bay tabangan na.

Lukas 10:7 Iomraidhean Croise

Malkus 6:10

“Na bong mintu kam bay hinasi leꞌ jama nohoꞌ pahantiꞌ ni lumaꞌ da, ndooy na jaꞌ mman bi halloman bi yaꞌ gi palakka man daira da.

Lukas 10:6

Na bong ina sabana-bana luu du dawom da ni kasannangan ma bay paku bi, malaingkan takoleꞌ da jaꞌ sina. Bong ina niyaꞌ, malaingkan yaꞌ du luu takoleꞌ da oy maka oy na.

Lukas 9:4

Bong kam bay kinaddoꞌ meꞌ jama nohoꞌ pahantiꞌ ni lumaꞌ da, ndooy na jaꞌ mman bi halloman bi yaꞌ gi palakka man daira da.

Salsila siga Rasul 16:15

Dari lay na ya pinandi sampay na siga jama lumaꞌ da. Pag lupus, lay gi kami pogos na binoo pa lumaꞌ da, yuk na, “Bong gantaꞌ ni bandingan bi tud hilas du meꞌ ku pitsayaꞌ ni Papuꞌ Isa, mmeꞌ doꞌ kam pa lumaꞌ kami. Ndooy na doꞌ kam pahantiꞌ.” Dari sabap sigi-sigi ya mogos, lay du kami mmeꞌ.

Salsila siga Rasul 16:40

Pag lakka ga si Pol man jawom jīl, lay sila pahās ni lumaꞌ si Lidiya. Ndooy siꞌ, lay sila sitammu ka baanan danganakan da sukuꞌ si Isa. Maka lay gi sila muwansangan sila mari pahallot na pin pangando da ni si Isa. Pag lupus, lay na sila palakka.

Galatiya 6:6

Kaam ma tinoan kitab, sapatut na subay kam nulung guru bi sampay ngahampitan sila balanjaꞌ bi.

1 Timuti 5:13

Lagiꞌ na, bong ina patabeꞌ bi sila ni listahan, adakala ngahūk na baw sila buwat. Ilooy ilagan ta taggahaꞌ maglanyawan na jaꞌ sila padisu-padisu lumaꞌ ngusiat kahalan jama atawa ngalimut sampay mōꞌ jinisan bitsala ma yaꞌ pataꞌ sinabbut.

2 Timuti 2:6

Damikiyan ngaddoꞌ du ko suntuan njataꞌ tukang huma. Pagka iya bay maghulas-sangsāꞌ tanom, sapatut na iya du sina duhuꞌ mangan buwaꞌ tinanom na.