Lukas 10:1 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹ Pus meꞌ looy, lay na baw Papuꞌ Isa meneꞌ pitumpuꞌ-duwa jama ni baanan ma mmeꞌ niiya. Pag-anu, boꞌ da sohoꞌ na lumān masaplag pa siga daira ka ga kakawum-kawman ma song tiniluꞌ meꞌ na. Meꞌ na bay nohoꞌ sila lumān, duwa-duwa maglimbang paninggai-paninggai jaꞌ tiluꞌ da.

Lukas 10:1 Iomraidhean Croise

Lukas 1:17

Luu na pin sina mintu kawasa Rū Sutsiꞌ njataꞌ na meꞌ bay karuha kawasa njataꞌ Nabi Eliyas. Maka anak nu ina mintu paruhuꞌ man Papuꞌ manyap ni katakka na. Man sabapan tōꞌ anak nu, pinagsidambuwaꞌ atay na sina mintu siga mmaꞌ ka ga anak da. Maka sabapan tōꞌ anak nu ina mintu, meka na jama ma yaꞌ kuhi ngasip ni kahandak Tuhan, taboo na na ngikut pamiki jama intong tawhid da. Dari meka na jama saddiya ni katakka Papuꞌ.”

Lukas 1:76

Pag-anu siꞌ, yuk si Jakariya ni anak na, “Kau ina Toꞌ, bbos-bbos inawnan sina ko nabi Tuhan Mahatinggi. Duhuꞌ gi sina ko man Papuꞌ naddiya pangatayan manusiyaꞌ supaya pitsayaꞌ na sila niiya pag takka na.

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Lukas 7:19

yuk na, “Pilay doꞌ kam pa mman si Isa. Tilawun bi teꞌ bong tud iya na tukang nalamat ma bay njanjiꞌ meꞌ Tuhan pinapitu, atawa luu gi ka sarī subay agad tabi.”

Lukas 9:52

Dari lān ga si Isa siꞌ pilay, luu ni duhuan da disu kawum bangsa Samariya. Dari lay doꞌ si Isa maruhuꞌ siga jama pa kawum looy nohoꞌ miha man da pahantiꞌ.