Lukas 1:77 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷⁷ Kau na sina mintu mahati jama bong pooy meꞌ da koleꞌ kaampunan man Tuhan ni mimon dusa da supaya sila paddus man hukuman na.

Lukas 1:77 Iomraidhean Croise

Lukas 3:3

Dari poonan bay umanat Tuhan siꞌ ni si Yahiya, lay na ya ngalataan lahat ni sikaduwambilaꞌ Sōng Juldan masaplag. Halling na ni jama, “Tawbatan bi na mimon dusa bi, boꞌ bi pinandi mari kam inampun na meꞌ Tuhan.”

Lukas 3:6

Pag lupus, takita na sina meꞌ mimon manusiyaꞌ kasalamatan lakka man Tuhan.’ ”

Yahiya 1:29

Pag meꞌ sumawung, takita si Yahiya na si Isa pasōng pa mman na. Dari yuk na ni baanan jama ndooy, “Alu na lalla ma ginalla Bili-bili Tuhan ma muwasan dusa manusiyaꞌ.

Yahiya 1:34

Boꞌ na, pagka tud lay na du bay takita ku meꞌ looy, ituu situ man ku kabāꞌ na basta tud mawjud du lalla looy Anak Tuhan.”

Salsila siga Rasul 10:43

Iya ilay ndang bay na tasabbut meꞌ mimon kanabi-nabihan njawom kitab. Man sabapan bitsala da, tahati tabi na sagannap ma pitsayaꞌ niiya koleꞌ na kaampunan ni mimon dusa da.”

Salsila siga Rasul 19:4

Pag halling si Pol, “Pandihan si Yahiya ilay yana sipat sadjaꞌ lay na tawbatan jama dusa da. Sugaꞌ si Yahiya ilay, lay gi du baw māꞌ subay jama pitsayaꞌ ni ilooy ma pasunuꞌ niiya. Ilooy ilay siꞌ ma awnan na yana si Isa na. Dari pagka luu na du si Isa bay pitu pa junyaꞌ, sapatut na, soysoy pitsayaꞌ niiya subay du pinandi ka pandihan na.”

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 3:19

Sangkon, nawbat na kam boꞌ bi lillaꞌ na pa Tuhan supaya pinuwasan na dusa bi.

Salsila siga Rasul 5:31

Pag batnaa, lay na ya pinatingkōꞌ meꞌ Tuhan pa bihing na huwin pa kawnan njawom kabantugan mehe. Maka lay na ya binuwat panghuluꞌ maka tukang nalamat. Kon meꞌ looy, supaya tabuwanan na na kitabi bangsa Israil lawang man tabi nawbatan mimon dusa tabi, boꞌ tabi koleꞌ na kaampunan.

Suwat si Pol pa mman Baanan Sukuꞌ si Isa ndooy ni Rom 3:25

Si Isa ilay bay pinapitu meꞌ Tuhan nongan umu na supaya tatanggung na dusa tabi. Dari sabapan lahaꞌ na bay tinumpahan kalnaꞌ kitabi, inaa na man tabi bay koleꞌ kaampunan basta kitabi pitsayaꞌ sadjaꞌ. Njataꞌ kapatoy si Isa, ndooy na man Tuhan bay makitahan manusiyaꞌ kaintongan hukuman na. Batan bong ilay Tuhan bay mabiya manusiyaꞌ madara dusa da, boꞌ yaꞌ san luu pidjalaꞌ ni bay dusa da, malaingkan yaꞌ intong hukuman na. Maruhuꞌ, ni katahaꞌ pasensiya Tuhan, bantuk lay jaꞌ ya mabiya manusiyaꞌ sigi-sigi buwat dusa.

Epesus 1:7

Sabapan lahaꞌ Almasi bay tumpa, ilooy na silay bay maddusan kitabi man pidjalaꞌ ni dusa tabi. Sangkon luu na kaampunan ningkitabi tandaꞌ landuꞌ ehe aseꞌ Tuhan ningkitabi.