Lukas 1:66 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶⁶ Dari sagannap ma bay kaakahan meꞌ looy siꞌ, papiha-piha na pin bong oy na ilay mintu kadarihan anak-anak looy pag mehe na. Batan tumatandaꞌ na ninsila, mastiꞌ luu jaꞌ Tuhan ngunungan iya.

Lukas 1:66 Iomraidhean Croise

Panagnaan 37:11

Dari siꞌ, yaꞌ na kuhi banti dangkiꞌ siga danganakan na niiya. Sugaꞌ kuwan mmaꞌ da baw siꞌ tu, papiha-piha na pin bong oy kamaatunan bay upihan si Yusup.

Panagnaan 39:2

Dari lay na siꞌ si Yusup binuwat ata ni lumaꞌ si Potipal, bangsa Ejip looy. San meꞌ looy, luu na pin baw Tuhan ngunungan iya, nampulnaꞌ mimon pabuwatan na.

Lukas 1:80

Na anak si Jakariya siꞌ tu, song paehe song pataggu na pin iman na. Pag mehe na, ndooy na jaꞌ ya maglahat ni lahat lau-lau yaꞌ maglumaꞌ ngkod-ngkoran yaꞌ gi bay taabut masa man na nagnaꞌ masaplag ni bangsa Israil.

Lukas 2:19

Kuwan si Mariyam baw siꞌ tu, kinanna na pin meꞌ na mimon pakaradjaan looy siꞌ. Tud yaꞌ na lakka-lakka man jawom pamiki na.

Lukas 2:40

Kuwan anak-anak looy siꞌ, song paehe song pataggu na pin iman na, boꞌ song palawom na pin pangahati na. Maka luu na pin supaat Tuhan ni jataꞌ na.

Lukas 2:51

Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Lukas 9:44

“Indanan bi bitsala ku. Yaꞌ na hallom, pina-ntan na situ ku, yana Anak Manusiyaꞌ, pa jawom komkoman siga jama ma manta aku.”

Salsila siga Rasul 11:21

Njawom da masaplag, luu na pin Papuꞌ magpandoyan sila. Dari tud bay meka jama Antiyok pitsayaꞌ sampay lay na mmeꞌ ni Papuꞌ Isa.

Kolossa 1:5

Sabapan kabanahan bay takale bi, yana umanat mahap pasal si Isa, ilooy na poonan bi ngaholat koleꞌ mimon supaat ma bay hinallian kaam ni sulgaꞌ. Maka ilooy na kon bi mangando ni si Isa ka maasean pagkahi bi manusiyaꞌ.