Lukas 1:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Anak nu ina mintu jama langkaw banahan ntan na sampay ginalla lagi Anak Tuhan Mahatinggi. Maka ndean iya na sina mintu meꞌ Tuhan pagkasultan bboꞌ na mattoꞌ yana Sultan Daud.

Lukas 1:32 Iomraidhean Croise

Matiyu 1:1

Ituu tu usuwan siga pangkatan kabboꞌ-bboan si Isa Almasi, panubuꞌ Sultan Daud, yana disu panubuꞌ Nabi Ibrahim.

Matiyu 12:42

Maka ni llaw hukuman ina, luu gi sina mintu danda mattoꞌ, yana bay panghuluꞌ ni lahat Seba naksi angkat-angkatan batnaa du. Kon na ilay mintu naksi sila batan iya, atas na bay palintas luꞌ pitu pa Israil lakka man dambilaꞌ junyaꞌ bong pin ya kale jaꞌ tōꞌ Sultan Sulayman. Boꞌ angkat-angkatan batnaa itu, luu na batnaa ni awpan da patingkat labi man Sultan Sulayman, sugaꞌ yaꞌ san paruli da bitsala na.”

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Matiyu 3:11

Maka yuk si Yahiya lagi, “Luu gi sina pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ tandaꞌ lay na kam nawbat. Boꞌ iya ina mintu, man na mandi kaam, Rū Sutsiꞌ ka api.

Malkus 14:61

Sugaꞌ yaꞌ san ya bay nampung. Dari lay tinilaw balik meꞌ panghuluꞌ imam, yuk na, “Bana kina kau Almasi, Anak Tuhan Mahatinggi?”

Malkus 5:7

Dari lay sohoꞌ si Isa seytan na pōꞌ man jawom baran na. Pag-anu, magti ngahowap seytan looy, yuk na, “Batōy nu itu ku, Isa? Katoonan ku du bina kau Anak Tuhan Mahatinggi! Junjung ku na ningkau ni awon Tuhan, baan nu na ku yaꞌ ko midjalaꞌ aku.”

Lukas 1:15

Iya ina mintu mehe hagaꞌ na ni bandingan Tuhan. Ndang ssob na ya meꞌ Rū Sutsiꞌ labba man kūn induꞌ na lagi. Subay ya yaꞌ nginum tubaꞌ anggul atawa oy-oy na pin inuman makalango.

Lukas 1:35

Pag tampung malaikat looy, “Luu du sina mintu Rū Sutsiꞌ takka pitu pa mman nu. Maka liput du sina ko meꞌ kawasa Tuhan Mahatinggi nganggaosan kau mari ko battong na. Sangkon anak nu ina mintu sutsiꞌ maka ginalla Anak Tuhan.

Lukas 1:76

Pag-anu siꞌ, yuk si Jakariya ni anak na, “Kau ina Toꞌ, bbos-bbos inawnan sina ko nabi Tuhan Mahatinggi. Duhuꞌ gi sina ko man Papuꞌ naddiya pangatayan manusiyaꞌ supaya pitsayaꞌ na sila niiya pag takka na.

Lukas 3:16

Sugaꞌ yuk si Yahiya, “Luu gi sina mintu pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ. Boꞌ iya ina mintu, man na mandi kaam, Rū Sutsiꞌ ka api.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Yahiya 12:34

Pag-anu siꞌ, tilaw kasohean ni baanan jama ndooy, yuk da, “Tuwan, pasal bay halling nu siꞌ talpaksaꞌ Anak Manusiyaꞌ inangkat taꞌ tehang, soy lay la Anak Manusiyaꞌ looy ma bay awnan nu siꞌ? Bong iya na Almasi, pooy meꞌ nu kabāꞌ pinapatoy ya inangkat taꞌ tehang? Batan pamāꞌ kitab, inawnan Almasi, llum saumu-umu.”

Yahiya 6:69

Kami itu pitsayaꞌ jaꞌ ningkau maka katoonan kami kau na ilooy ma bay tinunaꞌ Mahasutsiꞌ lakka man Tuhan.”

Salsila siga Rasul 16:17

Na ni llaw looy du siꞌ, lay patuhut danda looy ningkami. Bbuwatan na ngahowap, yuk na, “Ga lalla naa ina yana ata Tuhan Mahatinggi! Buwatan da ina masaplag jalan man bi salamat.”

Salsila siga Rasul 2:30

“Na maruhuꞌ ilay, sasang Nabi Daud masi magsultan ni Israil, lay ya njanjian meꞌ Tuhan binuwanan disu panubuꞌ ma magsultan saumu-umu. Boꞌ lay gi sinapahan meꞌ Tuhan. Dari, lay na du kinanna meꞌ Nabi Daud. Maka taabut na bay nuwat bitsala looy siꞌ, ilooy ma yuk na, ‘Yaꞌ du ku pabiya nu ni tahanan jama matoy,’ maka ‘Yaꞌ du ku pabiya nu ngahaluꞌ njawom kubu,’ ndang katoonan Nabi Daud saꞌ du tuwaꞌ pa dī na. Arapun, meꞌ iya disu nabi, bay jaꞌ ya mōꞌ tunaꞌ pasal kadarihan panubuꞌ na ma bay bāꞌ Tuhan magsultan saumu-umu. Dari, sabapan tunaꞌ looy, tahati tabi na hantak bitsala Nabi Daud pinakallum du Almasi pabalik.

Salsila siga Rasul 2:36

“Sangkon,” yuk si Pitel, “subay katoonan bi na sampay mimon pagkahi tabi bangsa Israil, inawnan si Isa ma bay lansang bi taꞌ tehang, iya na silay bay pineneꞌ meꞌ Tuhan binuwat Papuꞌ tabi ka Tukang Nalamat tabi.”

Salsila siga Rasul 7:48

Mingkan ilay, bong inawnan Tuhan Mahatinggi, mastiꞌ yaꞌ du patannaꞌ ni siga langga pinatangge meꞌ manusiyaꞌ. Batan saꞌ ba, luu palman bay sinuwatan meꞌ disu nabi, ilooy ma yuk Tuhan,

Siga Pakaradjaan bay Pinalahil 3:7

Pasunuꞌ, yuk Papuꞌ Isa niyaku, “Nuwat gi ko pilay pa mman pa-mmean looy ma ngantanan baanan sukuꞌ ku ndooy ni Piladelpiya. Bong ko nuwat, yuk nu meꞌ tuu, “Bitsala tuu lakka man iya, ilooy ma Mahasutsiꞌ ka intong saꞌ alang-alang. Iya ilay ngantanan kunsiꞌ lawang pa jawom pamarinta Tuhan meꞌ karuha kawasa-kapatut Sultan Daud bay ngantanan pamarinta na. Bong iya bay mukisan lawang looy, yaꞌ luu soy maka soy na katambo. Damikiyan bong ya bay nambo, yaꞌ du luu kabukis. Yuk na meꞌ tuu,