Lukas 1:13 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹³ Sugaꞌ yuk malaikat looy niiya, “Daa ko ba tawu Jakariya. Aku itu bay sinohoꞌ mahati kau kinabbul na meꞌ Tuhan bay duwaa nu maku anak. Battong na sina mintu nda nu. Pag maddi na, lalla anak na. Awnan bi sa ya si Yahiya.

Lukas 1:13 Iomraidhean Croise

Panagnaan 17:19

“Ohoꞌ ba,” yuk Tuhan, “sugaꞌ meꞌ halling ku na siꞌ, luu du sina mintu anak bi ka si Sara. Pag pōꞌ na, awnan nu si Isahak. Iya na sina mintu sampay na ga panubuꞌ na ma pasunuꞌ ngantanan pagsulutan ta ma yaꞌ tabaluba saumu.

Panagnaan 18:14

Ongoy kanna bi, luu kina tunmanūn pa Tuhan? Baan ta kam banahan, pag beleng ku ina pitu ni taun tuu ma sinōng, ni buwan tuu du, ndang anakan na sina si Sara lalla.”

Panagnaan 25:21

Na sabap yaꞌ hanak si Ribeka, lay ya pakuhan si Isahak duwaa pa Tuhan. Boꞌ lay du ya bay nduwan batan yaꞌ hallom, lay na battong si Ribeka boꞌ kamba lagi anak da.

Matiyu 1:21

Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Matiyu 14:27

Sugaꞌ magti ya mitsala, yuk na, “Daa na kam ba tawu. Aku bitu. Njawom iman kam.”

Matiyu 28:5

Yuk malaikat looy ni ga danda looy, “Daa kam ba tawu. Katoonan ku du miha kam si Isa ma bay llansang taꞌ tehang.

Malkus 16:6

Sugaꞌ yuk lalla looy, “Daa kam ba kinoblaꞌ. Si Isa ilay, jama Nasaret looy ma piha bi, ma bay llansang taꞌ tehang, yaꞌ na luu ntuu. Lay na ya pinakallum. Ndaun bi na limpaꞌ man na bay pinabāk.

Lukas 1:14

Gāk na sina kam mintu sabapan na. Jama pun, meka na du sina mintu gāk man sabapan na bay pinamaddihan.

Lukas 1:30

Pag-anu yuk Jibrail, “Daa ko ba tawu Mariyam. Kau ina lay pineneꞌ meꞌ Tuhan sinupaatan.

Lukas 2:21

Na ngabut jaꞌ siꞌ wawuꞌ ngallaw umu anak-anak looy, lay na inislam. Maka lai na du inawnan si Isa, yana awon ma bay ndean leꞌ malaikat looy waktuhan na yaꞌ gi bay pinabattongan meꞌ nneꞌ na.

Salsila siga Rasul 10:31

Yuk na, ‘Ū Kolniliyus, siga duwaa nu ilay ka ga saraka nu ni jama miskin lay na du inindanan meꞌ Tuhan.’ Maka yuk na,