SƖPAALAARAA 17:5 - WƖA TENIŊ

⁵ Mɩka fa kɛŋ lee nɛ a kpʋkpaarɛ vʋɩyaa. Ŋɩɩ nɛ ʋ yɛrɛ gɛrɩ-laala-daŋɩŋ, a mɛ tɔŋŋɔɔ a lɩɩsɛ ʋ bie dɔŋɔ ʋ kpʋkpaarɛ tɔmɔ-la.

SƖPAALAARAA 17:5 Iomraidhean Croise

SƖPAALAARAA 18:14

Ŋɩɩ nɛ nɩalɩŋ banɔŋ fa sɩ mʋ lʋara beŋ Las tintee-la bʋla pɩ ba naambiiri-la sɩ nyɩgɩla dɩ ba yuo laalɩŋ, “Dɩɩsɩŋ deemba dɔŋɔ lɛ, gɛrɩ-laala-daŋɩŋ hɛ nɩmɛ, arɩ tɔmʋŋ ba sɩ kɛŋ daaŋ saa a kɛŋ hɔpʋla taara tɔ a pɛ tɔŋŋɔɔ dɔnsʋŋ lɛ. Lɛɛlɛ ma jɩŋ ŋɩɩ ma sɩ jaŋ ŋaa.”

SƖPAALAARAA 8:27

Gɩdɩɔŋ kɛŋ sɛlɩmɛ-la libi gɛrɩ-laala-daŋɩŋ, ʋ ŋaa vene, a bil ʋ jaŋ Ɔpɩra lɛ. Iziral tɩŋŋaa kala suomo kpʋkpaarʋ nɩmɛ. Ʋ ŋɩɩ ŋaa bɛrɛ a pɩ Gɩdɩɔŋ arɩ ʋ dɩa nɩaa kala.

WƖAA DƖ-SUOMUŊ 31:19

Labaŋ sɩ mʋa dɩ ʋ kɛ ʋ piesee pʋnaa, Rakɛl jʋʋ gaa paa ʋ nyɩmma tɔŋŋɔɔ.

SƖPAALAARAA 18:24

Ʋ bʋl, “Bɛɛ nɛ tɩɩ ma pɩɛsɛmɛ ŋɩɩ? Ma paa mɩ tɔmɔ-la mɩ sɩ mɛ nɛ, a pɛ kɛŋ nɩɩ-la ma sɩɩ kpaarɛba viviiri. Mɩ bɩra bɩ kʋŋkala kɛnɛ.”

WƖAA DƖ-SUOMUŊ 31:30

Lɛɛlɛ ŋ cho dɩ ŋ viiri nɛ, bɛɛ wɩaa ŋ nyɩmma dɩa hɩɛnɩŋ kɛnɩŋ nɛ. Bɛɛ nɛ saa tɩɩ ŋ pɛ gaa paa mɩ tɔŋŋɔɔ?”

HOSIA 3:4

Ŋɩɩ tɩtɩa nɛ Iziral tɩŋŋaa jaŋ hɛ nɩmɛ tapʋl-daŋ a bɩ jaŋ kɛŋ kuoro koo sɩpaa-laarʋ, a bɩ pʋsʋŋ ma jaŋ kpʋ ŋaa Wɩɩsʋlʋŋ koo a kpaarɛ tabɩa-la sɩ ŋaa vesiŋ, a bɩ jaŋ kɛŋ gɛrɩ-laala-daŋɩɩ-la ba sɩ kaa chɛ na wɩaa koo tɔŋ.

MOSIS KƐŊ IZIRAL TƖŊŊAA LƖƖ 29:9

a paa nyunchuuluŋ chuba, aŋ paa gɛrɩpɛlɩɛɛ biisiŋ a vɔɔ Arɔŋ arɩ ʋ hambolibiisiŋ tɩnsɩŋ. Dɩ ŋ nɛ ŋaa ŋɩɩ mɩ sɩ dagɩŋ, ŋ joŋ Arɔŋ arɩ ʋ hambolibiisiŋ hɛ mɩ-na Wɩa nɩsɩŋ lɛ nɛ. Ba dɩ ba doho nɩaa nɛ jaŋ ŋaa Wɩɩsʋllɩ sɩpaalaaraa a kaa mʋ wuu.

MOSIS KƐŊ IZIRAL TƖŊŊAA LƖƖ 28:15

Kɛŋ gɛrɩpɛyɛ-la tɩtɩa ŋ sɩ kaa yɛrɛ gɛrɩ-laala-daŋɩɩ-la a yɛrɛ bɔɩ-tɔɔrɩ gɛrɩŋ ma, dɩ ba kaa jɩŋ wɩalɩŋ Wɩa sɩɩ chɛ. Leŋ dɩ gɔgɔ nɛ yɛrɛ.

Hiburu TƖŊŊAA 5:4

Nʋʋkala bɩ jaŋ wuo lɩɩsɛ ʋ tɩtɩa a tɩtɩŋ tɩntɩmɩŋ deeŋ. Wɩa nɛ yie lɩɩsɛ tɩɩna, arɩ ʋ fa sɩ lɩɩsɛ Arɔŋ ŋɩɩ.

HOSIA 8:14

Iziral tɩŋŋaa saa kuoru dɩɩsɩŋ nɛ, Juda nɩaa ma saa kɛrɩsɩŋ golli tabalaa yʋgɛ. Ama ba yʋ mɩ-na Nɩɩ-la sɩ ŋaaba wɩaa nɛ, ŋɩɩ wɩaa mɩ jaŋ joŋ nyiniŋ hɛ tabala-la lɛ, dɩ ʋ joŋ ba dɩ-duoruŋ dii.”

ƐZƖRA 1:7

Ŋɩɩ nɛ kuoro Siirus leŋ ba paa La TƖƖNA dɩɩ-bal-la kɩalɩŋ kuoro Nebukadineza fa sɩ paa Jerusalɛm lɛ a kaa mʋ bil ʋ vesiŋ dɩa lɛ a kaa kʋ lɩɩ.

1 KUOROO 12:31

Jerobuam ha bɩra saa vesiŋ dɩ-kpaaraa nɛ a lɩɩsɛ nɩaa sɩ bɩ Levi doho nɩaa ŋaa ba kpʋkpaarɛ vesi-la.

1 SAMƲƐL 23:6

(Bʋa-la lɛ Ahɩmɛlɛk nanʋala Abɩata sɩ fá mʋ Devit teeŋ ŋɩɩ Kɛɛla lɛ, ʋ to joŋ gɛrɩ-laala-daŋɩɩ-la ma mʋ nɛ, dɩ ʋ wuo kaa chɛ nɩna wɩaa La TƖƖNA teeŋ.)

MOSIS KƐŊ IZIRAL TƖŊŊAA LƖƖ 28:4

Gɛnnɩ-la ba sɩ jaŋ yɛrɛ nɛ ŋ-la: Bɔɩ-tɔɔrɩ gɛrɩŋ, gɛrɩ-laala-daŋɩŋ, gɛrɩ-duduoŋ sɩ nagɛ diibelimbine a tuu magɛ naasolluŋ, gɛrɩ-pʋl-duduoŋ sɩ tuu magɛ naachɩgɩsɩŋ, nyu-bɛlɛ arɩ gɛrɩ-laala-daŋɩɩ-la gɛrɩpɛlɩɛɛ-bie, dɩ ŋ naambie Arɔŋ arɩ ʋ hambolibiisiŋ laalɛ a ŋaa mɩ Wɩɩsʋllɩ sɩpaalaaraa.

MOSIS KƐŊ IZIRAL TƖŊŊAA LƖƖ 24:5

Ŋɩɩ nɛ ʋ lɩɩsɛ bapʋɔsaa Iziral tɩŋŋaa tʋɔŋ, a leŋ ba ŋaa kʋnyɩgaa Wɩɩsʋlʋŋ aŋ kpʋ nɛ-bel-pɔrʋŋ ma a ŋaa nii-magɛ dɔŋɔ Wɩɩsʋlʋŋ a pɩ La TƖƖNA.

NAMBABA 3:10

Lɩɩsɛ Arɔŋ arɩ ʋ hambolibiisiŋ dɩ ba nɛ tɩtɩŋ Wɩɩsʋllɩ sɩpaalaaraa tɩntɩŋŋaa. Dɩ nɩwogo nɛ chɛbɛ a chɩchɛ ʋ tɩŋ tɩntɩmɩa-la ba sɩɩ tɩŋ, ʋ maga dɩ ma kpʋʋ nɛ.”

SƖPAALAARAA 17:4

Ŋɩɩ nɛ bile bɩra joŋ warɩpʋla-la a pɩ ʋ naaŋ. Ʋ laa a lɩɩsɛ zɔɔ-balɩa a pɩ libire ʋ kɛŋ daaŋ saa tɔmʋŋ a kɛŋ hɔpʋla taara tɔ. Ba kaa jʋʋ bil Mɩka dɩa lɛ.

SƖPAALAARAA 18:30

Daŋ doho nɩalɩŋ joŋ tɔmɔ-la bil nɩmɛ a kpʋkpaarɛ. Levi doho nɩɩ-la nɛ faa kpaarɛ ba tɔmɔ-la. Ʋ yɩrɩŋ nɛ Jonataŋ. Jonataŋ nyɩmma nɛ fa Gesom. Gesom ma nyɩmma nɛ fa Mosis. Jonataŋ arɩ ʋ doho nɩaa nɛ fa ŋaa Wɩɩsʋllɩ sɩpaalaaraa Daŋ doho nɩaa tʋɔŋ, a kaa kɔ bʋa-la lɛ ba dʋndɔŋŋɔɔ sɩ kʋ yuo kɛsɛba viiri.

AZAAYA 44:13

Kapɩnta ma yie kɛŋ kʋŋ nɛ a magɩsɛ daaŋ a kɛŋ ʋ tɩntɩnnɩ kɩaa kere lɩɩsɛ, a kɛŋ wogu a lɔsɔ lɩɩsɛ ʋ zɔŋ a nagɛ nuhuobiine, ʋ joŋo bil ʋ dɩa lɛ.

ƐZƖKƖƐL 21:21

Babɩlɔŋ kuoro jaŋ kʋ chɩŋ magɩla-la sɩ hɛ wɛŋ-chɛŋŋɛ-la lɛ, aŋ bee joŋ wombii-la ʋ sɩ jaŋ to. Ʋ jaŋ kɛŋ ʋ to-hɛŋŋɛɛ vʋgɛ, a pɩɛsɛ ʋ tɔŋŋɔɔ, aŋ beŋ vʋɩŋ pʋna chʋɩŋ lɛ a jɩŋ wɩɩ-la ʋ sɩ jaŋ ŋaa.

1 SAMƲƐL 19:13

ka ʋ mɩɩra joŋ tɔmʋŋ a jʋʋ bil Devit kʋpɩnaa nyuŋ a kɛŋ gɛrɩŋ tɔ, a paa bʋ-pʋnaa a mɛrɛ tɔŋ-la nyuŋ.

1 KUOROO 12:32

Ʋ bil gbiele a pɩ nɩalɩŋ ba gbigbieli jɩna tʋɔŋ chɛŋ chori tapʋlaa fii arɩ banɔŋ chɛɛŋ, a nagɛ gbiele-la ba sɩ yie gbieli Juda lɛ a kpʋ pʋsʋŋ a sʋl Wɩɩsʋllɩ koruŋ lɛ. Bɛtɛl lɛ, ʋ kpʋ pʋsʋŋ a sʋl Wɩɩsʋlʋŋ kɩalɩŋ ʋ sɩ libe ba nagɛ nɛ-biisiŋ lɛ, aŋ bɩra lɩɩsɛ nɩaa ba ŋaa veŋ-kpaaraa lee-la.

ƐZƖKƖƐL 21:26

Wɩɩ-la mɩ-na ma TƖƖNA Wɩɩjarɩbakɔ sɩɩ bʋl nɛ ŋ-la: Puri ŋ nyu-bɛlɛ aŋ suri ŋ kuoru nyunchuulo. Wɩaa bɩra bɩ jaŋ nagɛ ŋɩɩ ba fa sɩ naga. Nɩbiisiŋ jaŋ bɩrɩmɛ nɩbalaa aŋ ka dɩ nɩbalaa ma bɩrɩmɛ nɩbiisiŋ.