Jɔɔŋ Wʋnaalaa 8:2 - WƖA TENIŊ

² Ŋɩɩ nɛ aŋ ka mɩ na Wɩa tɩndaaraa balɩpɛ-la sɩ yie chɩŋ Wɩa sɩpaaŋ. Ba pɩba nyilliŋ balɩpɛ.

Jɔɔŋ Wʋnaalaa 8:2 Iomraidhean Croise

Jɔɔŋ Wʋnaalaa 11:15

Ŋɩɩ nɛ Wɩa tɩndaarɩ-pɛɩ-la ŋmʋʋ ʋ nyile. Mɩ nɩɩ yikori-balaa dɩ baa bʋl wɩaa, Wɩa-jaŋ lɛ. Ba sɩ, “Dʋnɩa kuorii-la lɛɛlɛ ŋaa La Tɩɩna Wɩa arɩ Kirisito, Nɩɩ-la ʋ sɩ lɩɩsa kʋa nɛ. Wɩa jaŋ dii kuoruŋ a kaa mʋ wuu.”

Luuk 1:19

Ŋɩɩ nɛ Wɩa tɩndaarʋ-la bʋla pʋ, “Mɩ yɩrɩŋ nɛ Gebiral a hɔŋ Wɩa sɛmɛ. Ʋ nɛ tɩmmɛ dɩ mɩ kʋ bʋl wʋzɔmʋŋ deeŋ a pɩŋ.

Jɔɔŋ Wʋnaalaa 8:6

Ŋɩɩ nɛ Wɩa tɩndaaraa balɩpɛ-la sɩ kɛŋ banyilliŋ balɩpɛ-la kɛŋ ba tɩtɩa dɩ ba ŋmʋʋ.

Matiu 18:10

Ŋɩɩ nɛ Yesu bɩra sɩ, “Má fɩɛlɛ ma sɩaa a sɩ́ bee gʋʋnɛ hambiisiŋ deemba kʋŋkala. Mɩ bʋlaa pɩma, Wɩa ta ʋ tɩndaaraa nɛ dɩ ba bibemba. Ba hɛ Wɩa-jaŋ bʋa na-kala lɛ, mɩ Nyɩmma sɩ hɛ lee-la. [

Jɔɔŋ Wʋnaalaa 16:1

Ŋɩɩ nɛ mɩ nɩɩ nʋʋ yikoru-balɩŋ dɩ ʋ lɩɩ Wɩa dɩɩ-bal-la tʋɔŋ a bʋla pɩ Wɩa tɩndaara-la balɩpɛ, “Má kɛŋ gbansɩ-la balɩpɛ lɛ Wɩa baanɩŋ sɩ hɛ a kaa mʋ bɩsa hɛ dʋnɩa lɛ.”

Jɔɔŋ Wʋnaalaa 15:1

Ŋɩɩ nɛ mɩ bɩra na ku-kpuŋkperi-bal ma dɔŋ wɩa-nyuŋ. Ʋ kɛmmɛ fawʋllʋŋ. Mɩ na Wɩa tɩndaaraa balɩpɛ dɩ ba kori nyanyal-bɔŋ dosunuŋ balɩpɛ sɩ ŋaa dɩdɛrɩŋ kɩaa, bɛɛ wɩaa dɩ ba nɛ kʋ ŋaa dɛrɛ, Wɩa baanɩŋ jaŋ fɩɛlɛ.

ZƐKARƖYA 4:10

Má sɩ́ bee gʋʋnɛ wɩaa dɩ-suomuŋ sɩ muuro. Nɩaa tʋɔŋ jaŋ tɔrɛ dɩ ba nɛ na Zerubabɛl kori dɩɩsaarɩ-ŋmɛnɩŋ. Chaaŋ ŋmɛsɩ-la balɩpɛ nɛ ŋaa mɩ-na Wɩa sɩaa mɩ kaa bibeŋ dʋnɩa kala.”

Matiu 24:31

Ŋɩɩ nɛ ba jaŋ ŋmʋʋ nyil-balɩŋ, a tɩŋ Wɩa tɩndaaraa dɩ ba mʋ dʋnɩa sɛmɛ-na kala a kɛŋ nɩalɩŋ kala Wɩa sɩ lɩɩsa ba tutou a hilimi.

Luuk 21:36

Má pɔ a chʋchʋɔlɛ Wɩa bʋa na-kala lɛ. Dɩ ma nɛ ŋaa ŋɩɩ, ma jaŋ kɛŋ doluŋ a lɩɩ wɩalɩŋ kala sɩ jaŋ ŋaa lɛ arɩ yarɩfɩɛlaa a wuo chɩŋ mɩ-na Nuhuobiine Bie sɩpaaŋ.”

1 Kɔrɩntɩ Nɩaa 15:52

Wɩɩŋ deeŋ jaŋ guu ŋaa a nagɛ duonuŋ sɩ lɩgɩsa. Dɩ bʋa-la nɛ yie, Wɩa tɩndaara jaŋ ŋmʋʋ ʋ nyile. Dɩ ʋ nɛ ŋmʋʋ nyile-la, nɩalɩŋ kala sɩ laa Yesu wɩaa dii aŋ sʋʋ jaŋ sii a wei. Ba bɩra bɩ jaŋ sʋʋ. La nɩalɩŋ sɩ hɛ la mɩɩsɩŋ deeŋ lɛ aŋ bɩ sʋba ma, Wɩa jaŋ kɛŋ la yaraa bɩrɩmɛ dɩ ba sɩ pʋa.

1 Tɛsalonaaka Nɩaa 4:16

Bʋa kʋbala La Tɩɩna Yesu jaŋ lɩɩ Wɩa-jaŋ a kʋ tuu dʋnɩa. Bʋa-la lɛ nɩaa jaŋ nɩɩ dɩ ʋ faasa kpɩa goŋ. Wɩa tɩndaaraa kʋhɩaŋ ma jaŋ kpɩa, ka dɩ ba ŋmʋʋ Wɩa nyile-la ma. Nɩalɩŋ kala sɩ laa Kirisito wɩaa dii aŋ sʋʋ, ʋ jaŋ laa sɩpaaŋ chɩsɛba dɩ ba sii sʋʋŋ lɛ.

Jɔɔŋ Wʋnaalaa 1:4

Mɩ-na Jɔɔŋ nɛ ŋmʋnsɛ teniŋ deeŋ a pɩpɩ nɩalɩŋ sɩ laa Yesu wɩaa dii aa hilimi tasɩŋ balɩpɛ-la sɩ hɛ Esia tinteeŋ lɛ. Wɩa lahɔrɩmɔ lɛ, ʋ jaŋ leŋ dɩ ma hɔŋ arɩ yarɩfɩɛlaa. Ʋ nɛ ŋaa Nɩɩ-la sɩ hɛ nɩmɛ, Nɩɩ-la fa sɩ hɛ nɩmɛ faafaa kala arɩ Nɩɩ-la sɩ jaŋ kɔ. Wɩaa deemba lɩɩ Wɩa Dɩnsɩŋ balɩpɛ-la sɩ chɩŋ Wɩa kuoru kpasa-la sɩpaaŋ nɛ

Jɔɔŋ Wʋnaalaa 8:13

Ŋɩɩ nɛ mɩ beŋ a na kachuuŋ dɩ ʋʋ fil wɩa-nyuŋ dɩ-bolii, mɩ nɩɩ dɩ ʋ faasa yiyel, aa bʋl, “Wɩɩŋ puuma, wɩɩŋ puuma, wɩɩŋ puu ma nɩalɩŋ sɩ hɛ tinteeŋ lɛ, a tɩŋ Wɩa tɩndaarɩ-kaana-la batori sɩ jaŋ ŋmʋʋ nyilli-la wɩaa.”

Jɔɔŋ Wʋnaalaa 9:1

Ŋɩɩ nɛ Wɩa tɩndaarɩ-nɔŋ-la ma ŋmʋʋ ʋ nyile. Ʋ sɩ ŋmʋʋ ŋɩɩ, mɩ na chɛnwʋlʋŋ dɩ ʋ lɩɩ wɩa-nyuŋ a kʋ tuu tel tinteeŋ. Ba joŋ buotuo luŋuŋ boribiiŋ pʋ.