JƐRƖMAAYA 9:3 - WƖA TENIŊ

³ Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.

JƐRƖMAAYA 9:3 Iomraidhean Croise

WƖAA DƖ-SUOMUŊ 39:16

Ŋɩɩ nɛ ʋ joŋ gɛrɩ-la bil ʋ teeŋ ʋ bala kɔ.

NAMAGABA 12:5

Wɩalɩŋ tʋɔpʋl tɩŋŋaa sɩ bɩɩnɛ dɩ ba ŋaa, ŋaa wʋzɔmɔ nɛ. Ama nɩbɔŋŋɔɔ wʋdagaa kala ŋaa wʋnyɩɛrɩŋ nɛ.

AZAAYA 1:3

Nɛ-fere jɩŋ ʋ tɩɩna nɛ, kakumo ma jɩŋ lee-la ʋ tɩɩna sɩɩ pʋ kʋdiilee, ama Iziral tɩŋŋaa bɩ mɩ jɩŋ, mɩ nɩaa paala bɩ wɩaa bʋbʋɔŋ jɩŋ.”

AZAAYA 3:5

Nɩaa jaŋ nyagɛ dɔŋɔ bibil. Nɩaa jaŋ sii chɩŋ dɔŋɔba lɛ, nandɔsʋŋ jaŋ yʋ dɔŋɔba wɩaa. Hambiisiŋ bɩ jaŋ zizil nɩhɩasɩŋ. Nɩalɩŋ sɩ bɩ lee kɛnɛ ma paala bɩ jaŋ zizil nɩalɩŋ sɩ kɛŋ lee.

AZAAYA 6:5

Ŋɩɩ nɛ mɩ ŋmoo niiŋ a bʋl, “Wɩɩŋ jʋʋmɛ, mɩ sʋʋ dɛrɛ, bɛɛ wɩaa wɩalɩŋ sɩ to mɩ niiŋ lɩlɩɩ kɛŋ disiniŋ nɛ, nɩalɩŋ tʋɔŋ ma mɩ sɩ hɛ wʋbʋlaa kɛŋ disiniŋ nɛ, ka mɩ na La TƖƖNA doluŋ kala Tɩɩna sɩ ŋaa kuoro.”

AZAAYA 9:18

Tɛŋɛ, nɩalɩŋ wʋbɔŋŋɔɔ ŋaanɩŋ nagɛ nyiniŋ sɩɩ dii nɛ, ʋ yie dii ya-kʋɔŋ arɩ sɔsʋŋ a chol duuŋ nyiŋgeliŋ sisii, nyʋɔsʋŋ sii tɔ dugugu.

JƐRƖMAAYA 12:6

Ŋ naambiiriŋ, ŋ dɩa nɩaa tɩtɩa nɛ paala joŋuŋ yallɛ. Ba chaasa chɩŋ ŋ lɛ nɛ. Sɩ́ ba laa dii, arɩ ba sɩ bʋl wʋzɔŋŋɔɔ a tɩgɛ ŋ lɛ ma kala.

JƐRƖMAAYA 22:16

Ʋ fa chɩna gbɛrɛ summoo arɩ nɩalɩŋ sɩ bɩ ba tɩtɩa lɛ wuo pɛ nɛ, wɩaa vɛŋ woruŋ a pʋ. Ŋɩɩ nɩa sɩ jaŋ ŋaa a dagɛ arɩ ʋ jɩmmɛ nɛ ŋɩɩ. Mɩ-na ma TƖƖNA nɛ bʋla.

JƐRƖMAAYA 31:34

Nʋʋkala bɩra bɩ jaŋ dagɛ ʋ dɔŋɔ tɩɩna koo ʋ naambii ŋɩɩ ʋ sɩ jaŋ ŋaa a jɩmmɛ, bɛɛ wɩaa ba kala jaŋ jɩmmɛ, a chɩŋ nɩbiisiŋ lɛ a kaa jɩl nɩbalaa. Mɩ jaŋ joŋ ba wʋbɔŋŋɔɔ chɛba. Mɩ bɩra bɩ jaŋ liliisi ba wʋbɔŋŋɔɔ wɩaa. Mɩ-na ma Tɩɩna nɛ bʋla.”

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 5:4

Mɩ fa bʋl mɩ tʋɔŋ lɛ: Nɩaa deemba ŋaa summo nɛ, ba ŋaa nɩyaara nɛ. Ba bɩ La Tɩɩna wombiiŋ jɩŋ. Ba bɩ wɩalɩŋ ba Wɩa sɩɩ chɛ jɩŋ.

JƐRƖMAAYA 5:5

Mɩ jaŋ mʋ ba sɩpaalaaraa teeŋ, a bʋl wɩaa pɩba. Ba-na chaasa jɩŋ La TƖƖNA wombiiŋ nɛ. Ba jɩŋ wɩalɩŋ ba Wɩa sɩɩ chɛ nɛ. Ama ba ma kala pɛ niiŋ nɛ a vɩamɛ a bɩ mɩɩ to.

JƐRƖMAAYA 6:28

Ba kala ŋaa nyu-duo tɩmma nɛ a vɩa mɩ niiŋ, a gɔllɔ chichei nɩaa yɩrɩŋ. Ba wɩaa dolie nagɛ kɔlɩɩŋ arɩ hɔɔŋ nɛ, ba kala wʋŋaalaa lɔrɔ.

JƐRƖMAAYA 7:26

Ama ba fa bɩ mɩ teeŋ jegile nɩɩ, a vɩa dɩ ba tomi. Ba fa kɛŋ nyuduoŋ nɛ a wasa ŋaa wʋbɔŋŋɔɔ a kɩɩ ba naabalɩmaba.

JƐRƖMAAYA 9:5

Nandɔŋɔ yie nyɩsɛ ʋ nandɔŋɔ. Ba kʋŋkala bɩ wʋtɩtɩɩ ka bʋl. Ba niiree mal wʋnyɩɛrɩŋ nɛ. Baa lɔl ba tɩtɩa nɛ wʋbɔŋŋɔɔ ŋaanɩŋ lɛ.

JƐRƖMAAYA 9:8

Ba niiree nagɛ to-hɛmɩŋ sɩ kɛŋ huoŋ nɛ, a nyɩnyɩɛ wɩaa. Ba yie kɛŋ ba niiree bʋl wʋzɔŋŋɔɔ a pɩpɩ dɔŋɔ, ama wʋbɔŋŋɔɔ nɛ hɛ ba tʋɔŋ lɛ ba kaa gbɛrɛ dɔŋɔ.

ƐZƖKƖƐL 8:13

Ʋ bɩra sɩ, ‘Ŋ ha jaŋ na wʋkɩsɩa-la dɔnsʋŋ ba sɩ ŋaa sɩ paala kɩɩ wɩɩŋ deeŋ.’ ”

DANƖƐL 11:27

Kuoro-la balɩa sɩ kɛŋ tʋɔbɩɩŋ bɔŋŋɔɔ jaŋ hɔŋ dɩ-bala dɩ ba dii kɩaa a nyɩɛ wɩaa pɩ dɔŋɔ, ama ba bɩ jaŋ na wɩɩ-la ba sɩɩ chɛ, bɛɛ wɩaa Wɩa laa sɩpaaŋ dagɛ bʋa-la lɛ ba wɩaa sɩ jaŋ dɛrɛ nɛ.

LEVI DOHO NƖAA 19:11

Má sɩ́ gaa. Má sɩ́ wɩaa nyɩa. Má sɩ́ dɔŋɔba ma nyɩsʋ.

Maak 8:38

Dɩ nʋʋ nɛ leŋe dɩ hɩɩsɩŋ kɛnʋ a tɩŋ mɩ wɩaa arɩ mɩ wʋbʋlaa wɩaa, ma lɛɛlɛ nɩaa deemba sɩ bɩ Wɩa ka fá a ŋɩŋaa wʋbɔŋŋɔɔ tʋɔŋ, mɩ-na Nuhuobiine Bie ma jaŋ leŋ dɩ hɩɩsɩŋ kɛnʋ dɩ mɩ nɛ kɔ arɩ mɩ nyɩmma tʋla a pɛ ʋ tɩndaaraa sɩ bɩ disiniŋ kɛnɛ lɛ.”

Jɔɔŋ 17:3

Nɩalɩŋ sɩ jɩma arɩ ŋ nɛ sɛnɛ ŋaa Wɩɩ-tɩtɩɩ, Wɩa dɔŋ bɩra tuo, aŋ pɛ jɩŋ mɩ-na Yesu Kirisito, Nɩɩ-la ma ŋ sɩ tɩma, ba nɛ kɛŋ mɩɩsɩ-la sɩ bɩ dɛrɛ.

Tɩntɩŋŋaa 24:9

Ŋɩɩ nɛ Juu tɩŋŋaa ma sii pɛ a bʋl dɩ wɩɩ-la kala ʋ sɩ bʋla ŋaa wʋtɩtɩɩ nɛ.

Rom Tɩŋŋaa 1:16

Mɩ bɩ hɩɩsɩŋ ka fá dɩ mɩ bʋl Wɩa wʋzɔmɔ-la, bɛɛ wɩaa ʋ nɛ ŋaa Wɩa doluŋ. Nɩalɩŋ sɩ laaba dii, Juu tɩŋŋaa arɩ nɩalɩŋ sɩ bɩ Juu tɩŋŋaa ŋaa kala, Wɩa jaŋ laaba ta.

Rom Tɩŋŋaa 1:28

Nɩaa deemba bɩ chɛ dɩ ba jɩŋ Wɩa. Ŋɩɩ nɛ tɩɩ Wɩa lemba ta ba tuto ba tʋɔbɩɩŋ bɔmɔ-la harɩŋ a ŋɩŋaa wɩalɩŋ sɩ bɩ maga dɩ baa ŋaa.

Rom Tɩŋŋaa 3:13

Ba niiŋ wʋbʋlaa nagɛ bʋa-suruŋ sɩɩ sʋɔrɛ ŋɩɩ nɛ. Ba bʋl wɩaa nyɩnyɩsɛ nɩaa. Ba wʋbʋlaa ma kɛŋ huoŋ a nagɛ dɩ-kuuro.”

1 Kɔrɩntɩ Nɩaa 15:34

Má sii doŋ lɛ aŋ leŋ wʋbɔŋŋɔɔ ŋaanɩŋ. Ma dɔnsʋŋ wʋŋaalaa naga arɩ ma bɩ Wɩa jɩŋ, mɩ bʋl ŋɩɩ dɩ hɩɩsɩŋ kɛmma nɛ.

Fɩlɩpa Nɩaa 1:28

Má sɩ́ leŋe dɩ fawʋllʋŋ kɛmma a mʋ tɩgɛ ma dʋndɔŋŋɔɔ lɛ. Ma kɛŋ nyuduoŋ bʋa na-kala ŋɩɩ jaŋ leŋ dɩ ba chaasa jɩŋ arɩ ba jaŋ lɛl, ama Wɩa jaŋ laa ma-na ta.

2 Timoti 3:13

Ama nɩbɔŋŋɔɔ arɩ nɩalɩŋ sɩ gɔllɔɔ nyɩsɛ nɩaa jaŋ wasa ŋɩŋaa wʋbɔŋŋɔɔ. Ba jaŋ nyɩsɛ nɩaa aŋ pɛ nyɩnyɩsɛ ba tɩtɩa maa.

Juud 1:3

Mɩ nandɔŋ-chooloo, mɩ fa cho dɩ mɩ ŋmʋnsɛ teniŋ pɩma nɛ, a bʋl wɩaa a tɩgɛ ŋɩɩ Wɩa sɩ laa la dɩ ma kala ta lɛ. Ama mɩ na dɩ ʋ maga dɩ mɩ ŋmʋnsɛ teniŋ deeŋ a sʋlma dɩ ma kala luloo woruŋ a tɩŋ wɩalɩŋ la sɩ laa dii wɩaa. Wɩa joŋ wɩalɩŋ hɛ ʋ nɩaa nɩsɩŋ lɛ bala nɛ.

Jɔɔŋ Wʋnaalaa 12:11

Ba yuo dii Sɩtaanɩ a tɩŋ Pie-bie-la chalɩŋ wɩaa nɛ, arɩ Wɩa niiŋ wɩalɩŋ ba fa sɩ bʋla pɩpɩ nɩaa. Ba fa kɛŋ ba tɩtɩa dɩ ba kpʋba a tɩŋ Wɩa wɩalɩŋ wɩaa nɛ.

SƖPAALAARAA 14:17

Haal-la yel ŋɩɩ nɛ gbiele-la tapʋlaa balɩpɛ-la kala. Tapʋl-pɛɩ chɛɛŋ nɛ Samɩsɩŋ dagɛ namaga-la bʋbʋɔŋ a pʋ, bɛɛ wɩaa haal-la vɛnɛɛ pɛsɛ ʋ lɛ nɛ. Ʋ sɩ daga pʋ ŋɩɩ, haal-la ma mʋ dagɛ namaga-la bʋbʋɔŋ a pɩ ʋ nɩaa.

SƖPAALAARAA 2:10

Doho deeŋ nɩaa kala sɩ kʋ sʋʋ dɛrɛ, do-falɩɩ ma bɩra sii, a bɩ La TƖƖNA jɩŋ, a bɩ wɩalɩŋ ʋ sɩ ŋaa pɩ Iziral tɩŋŋaa ma jɩŋ.

1 SAMƲƐL 2:12

Eli hambolibiisiŋ fa ŋaa bii-bɔmɔ nɛ, ba bɩ La TƖƖNA ka fá.