JƐRƖMAAYA 9:2 - WƖA TENIŊ

² Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

JƐRƖMAAYA 9:2 Iomraidhean Croise

AZAAYA 59:3

Ma ŋaa nɩkpʋʋra nɛ, ma nɩsaa kala nɛ fo arɩ chalɩŋ. Ma ŋaa wʋnyɩɛra nɛ, a bʋbʋl wʋbɔŋŋɔɔ.

JƐRƖMAAYA 12:1

La TƖƖNA, ŋ kɛŋ tʋɔpʋla nɛ bʋa na-kala lɛ, dɩ mɩ nɛ kɛŋ wɩɩ kɔ ŋ teeŋ. Ama mɩ ha jaŋ pɩɛsɩŋ wɩaa a mʋ tɩgɛ ŋ wʋtɩtɩɩ lɛ: Bɛɛ nɛ tɩɩ nɩbɔŋŋɔɔ wɩaa vɩvɛŋ woruŋ? Bɛɛ nɛ tɩɩ nɩalɩŋ kala sɩ bɩ wʋtɩtɩɩ kɛnɛ ŋ teeŋ hɔŋ, wɩɩ bɩ baa walɩmɛ?

JƐRƖMAAYA 12:6

Ŋ naambiiriŋ, ŋ dɩa nɩaa tɩtɩa nɛ paala joŋuŋ yallɛ. Ba chaasa chɩŋ ŋ lɛ nɛ. Sɩ́ ba laa dii, arɩ ba sɩ bʋl wʋzɔŋŋɔɔ a tɩgɛ ŋ lɛ ma kala.

JƐRƖMAAYA 13:22

Dɩ ma nɛ pɩɛsɛ ma tɩtɩa, “Bɛɛ nɛ tɩɩ wɩɩŋ deeŋ ŋaa la lɛ?” Ma wʋbɔŋŋɔɔ sɩ yʋga wɩaa nɛ tɩɩ ba kɩɛsɛ ma gɛnnɩŋ aŋ dɔgɩsɛma ŋɩɩ.

JƐRƖMAAYA 23:10

Tintee-la kala nɛ suo arɩ hachɔrʋmɔɔ, bɛɛ wɩaa ŋmɩaŋ dii nɩalɩŋ nɛ, tintee-la kala hɩl. Yaŋ-la sɩ hɛ tintee-hɩlɩŋ lɛ kala nɛ hɩla. Wɩa wʋlaabʋlla-la ka to nɩbɔŋ wombiee nɛ, a dɩdagɛ ba doluŋ ŋɩɩ sɩ bɩ maga.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 5:1

La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

JƐRƖMAAYA 5:11

Iziral tɩŋŋaa arɩ Juda nɩaa chaasa bɩ wʋtɩtɩɩ mʋa ma kɛnɛ mɩ teeŋ. Mɩ-na ma TƖƖNA nɛ bʋla.”

JƐRƖMAAYA 5:2

Ba yie bʋl, ‘La ŋmɩɛsɛ La TƖƖNA sɩ weye,’ aŋ ha nyɩɛ wɩaa a ŋmɩŋmɩɛsɛ.”

HOSIA 4:2

Ma yie ŋmɩɛsa hɩhɛ nɩaa lɛ, a nyɩnyɩɛ wɩaa, a kpʋkpʋ nɩaa, a gɩgaa nɩaa kɩaa, a ŋɩŋaa hachɔrʋŋ arɩ bachɔrʋŋ wɩaa ma. Ma yie ŋaa wɩalɩŋ kala ba sɩ sɩ dɩ ma sɩ́ ŋaa nɛ, a kpʋ nɩaa tɩtɩgɛ dɔŋɔ lɛ.

HOSIA 5:7

Ba bɩ wʋtɩtɩɩ kɛnɛ La TƖƖNA teeŋ, ba lʋl mɛŋgaa-biiriŋ nɛ. Lɛɛlɛ ba chɛŋ-falɩŋ gbielee jaŋ chei ba dɩ ba bagɩsɩŋ kala.

HOSIA 6:7

Ama ma nagɛ Adam nɛ a chei nii-la sɩ hɛ mɩ dɩ ba pɛgɛ, ba bɩ wʋtɩtɩɩ kɛnɛ mɩ teeŋ.

HOSIA 7:4

Ba kala ka ŋaa wʋlɩɩlɩŋ nɛ. Ba nagɛ tabʋʋŋ ba sɩ hɛ nyiniŋ ʋ faasa didii nɛ, nɩɩ-la sɩɩ wasɛ boroboro bɩra bɩ kaa hɩhɛ, aŋ buu munuŋ bil halɩɩ ʋ sii pʋɔra dɛrɛ.

MƖKA 6:12

Ma kɩaa tɩŋŋaa ŋaa yuo-hɛɛrɛ nɛ, a ŋaa wʋnyɩɛra ma. Ma wɩɩŋ nɛ dɩ ma nyɩnyɩsɛ nɩaa.

ZEFANAAYA 3:4

Wɩa wʋlaabʋlla-la sɩ hɛ ʋ lɛ kɛŋ babii-ballɩŋ, ba ŋaa zɛmbɛ tɩmma nɛ. Ʋ Wɩɩsʋllɩ sɩpaalaaraa ŋaa disiniŋ hɛ Wɩa dɩɩ-bal-la lɛ nɛ aŋ kɛŋ wombii-la ma ʋ sɩ bile dɩ la tuto kaa bɩrɩmɛ ŋɩɩ ba sɩ cho.

MALAKAƖ 2:11

Juda nɩaa bɩ wʋtɩtɩɩ joŋo to La TƖƖNA. Ba ŋaa wʋbɔŋŋɔɔ Jerusalɛm arɩ Iziral tinteeŋ lɛ nɛ. Juda tinteeŋ nɩaa ŋaa disiniŋ hɛ Wɩa dɩa-la ʋ sɩ cho lɛ nɛ. Ba baalaa jaa haalaa sɩ lɩɩ tintee-wogusuŋ nɛ a kpʋkpaarɛ vesiŋ.

MALAKAƖ 2:14

Ma yie pɩɛsɛ, “Bɛɛ nɛ tɩɩ ʋ bɩ la Wɩɩsʋlʋŋ ka laa?” Wɩɩ-la sɩ tɩɩ nɛ ŋ-la: La TƖƖNA na arɩ ma kʋŋkala bɩ tɛŋɛ joŋo tuto ŋ bapʋɔsɛ haala lɛ. Ma fa hɛ niiŋ ma TƖƖNA sɩpaaŋ arɩ ma dɩ ba nɛ jaŋ hɛ nɩmɛ, ama lɛɛlɛ ma chei nii-la nɛ.

Jeems 4:4

Ma nagɛ haala bɩra sɩ bɩ ʋ bala niiŋ ka to nɛ. Ma bɩ jɩŋ arɩ nɩɩ-la kala sɩ joŋ ʋ nyuŋ kala hɛ dʋnɩa kɩaa lɛ ŋaa Wɩa dʋndɔŋ nɛɛ? Wʋtɩtɩɩ, nɩɩ-la kala sɩ joŋ ʋ nyuŋ hɛ dʋnɩa kɩaa lɛ bɩrɩmɛ Wɩa dʋndɔŋ nɛ.

SƖPAALAARAA 2:10

Doho deeŋ nɩaa kala sɩ kʋ sʋʋ dɛrɛ, do-falɩɩ ma bɩra sii, a bɩ La TƖƖNA jɩŋ, a bɩ wɩalɩŋ ʋ sɩ ŋaa pɩ Iziral tɩŋŋaa ma jɩŋ.