JƐRƖMAAYA 8:4 - WƖA TENIŊ

⁴ Pɩɛsɛba na, “Wɩɩ-la mɩ-na ma TƖƖNA sɩ pɩɛsa nɛ ŋ-la: Dɩ nɩaa nɛ tele, ba bɩ sii? Dɩ nʋʋ nɛ yeŋŋe, ʋ bɩ harɩŋ ka mɩɩrɛ?

JƐRƖMAAYA 8:4 Iomraidhean Croise

1 KUOROO 8:38

dɩ Iziral tɩŋŋaa kʋŋ tʋɔŋ chei a tɩŋ wɩalɩŋ ba sɩ ŋaa, dɩ ʋ kɛŋ ʋ nɩsaa je a chaasɛ ŋ dɩɩ-balɩŋ deeŋ a sʋlʋŋ,

NAMAGABA 24:16

Wɩaa yie wuo jʋʋ tʋɔpʋl tɩɩna a yi naansɩɩŋ bʋlɩpɛ nɛ, ka ʋ lɩlɩɩ ba lɛ bʋa na-kala. Ama wʋjʋʋlaa jaŋ yigi nɩbɔmʋŋ-na lo.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 23:14

Jerusalɛm tɩmma-la sɩ ŋaa mɩ wʋlaabʋllaa ma tʋɔŋ, mɩ na wɩɩ sɩ bɩ ba na kɛnɛ nɛ: Baa ŋaa wʋchɔrʋmɔɔ nɛ aŋ pɛ nyɩnyɩɛ wɩaa ma. Ba pɛ wʋbɔŋ ŋaaraa lɛ nɛ ba ŋɩŋaa wʋbɔŋŋɔɔ, ŋɩɩ leŋ nʋʋkala bɩ chɛ ʋ leŋ wʋbɔŋŋɔɔ ŋaanɩŋ. Ba kala nagɛ Sodom nɩaa nɛ mɩ teeŋ, Jerusalɛm nɩaa ma nagɛ Gomora nɩaa.”

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

ƐZƖKƖƐL 18:23

Mɩ-na ma TƖƖNA Wɩɩjarɩbakɔ pɩɛsa: Ma bɩɩna mɩ cho dɩ nɩbɔŋŋɔɔ sʋsʋʋ nɛɛ? Mɩ yie cho dɩ ba bɩrɩma lɩɩ ba wʋbɔŋŋɔɔ ŋaanɩŋ lɛ nɛ a kɛŋ mɩɩsɩŋ.

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

HOSIA 7:10

Iziral sɩɩ-duoŋ daga arɩ ʋ laa cheeriŋ nɛ. Ama wɩaa deemba kala lɛ, ʋ bɩ mɩɩra kɔ ʋ TƖƖNA Wɩa teeŋ, a bɩ bee chɛʋ ma.

AMƆS 5:2

“Iziral tɩmma, ma tele nɛ a bɩra bɩ wuo sii, ba vɩama ta nɛ ma pɩŋ ma tɩtɩa tinteeŋ lɛ, nʋʋkala tuo dɩ ʋ kɛmma dɩ ma sii.”

MƖKA 7:8

Mɩ dʋndɔmɔ, sɩ́ mɩ nyuŋ jʋɔsʋ, mɩ tele ma nɛ, ama mɩ jaŋ sii. Mɩ hɔŋ birimiŋ tʋɔŋ nɛ, ama La TƖƖNA nɛ jaŋ ŋaa mɩ pʋlʋmʋŋ.