JƐRƖMAAYA 8:2 - WƖA TENIŊ

² Ba jaŋ kɛmba yieni dɩ wɩɩpɔsʋŋ, chɛnɛ arɩ chɛnwʋlaa kala sɩ hɛ wɩa-nyuŋ chaana hɛ ba lɛ. Nɩalɩŋ fa cho kɩaa deemba nɛ a tɩma pɩpɩba. Ba faa toba nɛ a pɩɛsɛba chɩchɛ dɩ ba na wɩaa a kpʋkpaarɛba. Nʋʋ bɩ jaŋ kuri haŋgbele-la hɛ dɔŋɔ a hugi, ama ba jaŋ lemba ta dɩ ba pɩŋ tinteeŋ a nagɛ nʋsʋrʋŋ.

JƐRƖMAAYA 8:2 Iomraidhean Croise

2 KUOROO 17:16

Iziral tɩŋŋaa fa vɩa ba TƖƖNA Wɩa niiŋ wɩalɩŋ kala nɛ, aŋ mɛ kɩaa balɩa ba nagɛ nɛ-biisiŋ a pɛ Asɩra daaŋ, a bɩra mɛ kɩaa ba nagɛ chɛnwʋlaa a kpʋkpaarɛ ba dɩ vene-la ba sɩɩ yɩrɛ Baal kala.

2 KUOROO 21:3

Ʋ wasa saa vesiŋ dɩ-kpaarɩa-la kala ʋ nyɩmma Hezikaaya fa sɩ ŋmoo giri nɛ, aŋ saa korunuŋ a pɩ vene-la ba sɩɩ yɩrɛ Baal, aŋ pɛ vene-la ba sɩɩ yɩrɛ Asɩra daaŋ ma, arɩ Iziral tinteeŋ kuoro Ahab fa sɩ ŋaa ŋɩɩ. Ʋ fa kpirime aa chʋɔlɛ wɩa-nyuŋ kɩaa kala ma nɛ.

2 KUOROO 21:5

Wɩa dɩɩ-bal-la kaalɩsɩ-la balɩa kala lɛ nɛ ʋ saa korunuŋ aa chʋɔlɛ wɩa-nyuŋ kɩaa.

2 KUOROO 23:5

Kuoro Josaaya bɩra kiri nɩalɩŋ Juda tinteeŋ kuoroo fa sɩ lɩɩsa vesiŋ dɩ-kpaaraa ba kpʋkpaarɛ vesi-la sɩ hɛ Juda tinteeŋ tasɩŋ arɩ tasɩ-la kala sɩ golli Jerusalɛm, nɩalɩŋ sɩɩ kpaarɛ vene-la ba sɩɩ yɩrɛ Baal, chɛnɛ, chɛnwʋlaa, arɩ wɩa-nyuŋ kɩaa.

WƖA YƖƖLAA 53:5

Ama fawʋllʋŋ jaŋ kɛmma a kɩɩ faafaa-la. Wɩa jaŋ leŋ dɩ ʋ nɩaa dʋndɔŋŋɔɔ haŋgbelee pɩsɛ. Ʋ vɩaba ta nɛ. Ma-na Iziral tɩŋŋaa jaŋ yuo diiba dɩ hɩɩsɩŋ kɛmba.

WƖA YƖƖLAA 83:10

Ŋ fa kpʋba Ɛndɔ lɛ nɛ, ba pɩŋ nɩmɛ pʋa.

WƖA YƖƖLAA 83:11

Joŋ wɩɩ-la ŋ sɩ ŋaa Ɔrɛb arɩ Zɛɛb lɛ a ŋaa ba nɩbalaa lɛ. Leŋ dɩ ba sɩpaalaaraa kala wɩɩŋ nagɛ Zɛba arɩ Zalɩmʋna.

TƖƖCHA 6:3

Nʋʋ jaŋ wuo kɛŋ biiriŋ zɔlɔ a hɛ dʋnɩa lɛ jɩ-daŋ, ama ʋ sɩ diene ʋ mɩɩsɩŋ lɛ a magɛ ŋɩɩ ma kala, dɩ ʋ nɛ bɩ wuo dii ʋ dʋa sɩma, ka ba bɩra bɩ ʋ woruŋ ma hugo, mɩ jaŋ bʋl arɩ bii-sʋʋŋ ba sɩ lʋla nɛ kpɩaʋ.

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 16:4

“Nyanyal bɔŋŋɔɔ jaŋ kpʋba. Ba bɩ jaŋ hugiba koo a yel ba yoho. Ba jaŋ nagɛ nʋsʋrʋŋ a pɩŋ tinteeŋ. Ba jaŋ kpʋ dɔnsʋŋ laalɩŋ lɛ, dɩ losuŋ ma kɛŋ dɔnsʋŋ dɩ ba sʋʋ. Ba kʋsʋʋnʋŋ jaŋ bɩrɩmɛ zaaraa arɩ baga kɩaa kʋdiilee.”

JƐRƖMAAYA 16:6

Nɩbalaa arɩ nɩbiisiŋ kala jaŋ sʋʋ tinteeŋ deeŋ lɛ. Ba bɩ jaŋ hugiba koo a yel ba yosuŋ. Nʋʋkala bɩ jaŋ tɩŋ ba wɩaa a kpɛrɛ ʋ tɩtɩa koo a fʋŋ ʋ nyuŋ.

JƐRƖMAAYA 19:13

Jerusalɛm dɩɩsɩŋ arɩ Juda kuoroo dɩɩsɩŋ kala jaŋ kɛŋ disiniŋ a nagɛ Tɔfɛf. Ba dɩɩsɩ-la kala lɛ ba sɩ nyɩgɛ kʋsʋɔrʋsʋŋ lusuŋ-nyuŋ a pɩpɩ chɛnɛ arɩ chɛnwʋlaa aŋ ŋaa kʋnyʋalaa ma pɩpɩ ba vesiŋ kala jaŋ kɛŋ disiniŋ.’ ”

JƐRƖMAAYA 22:19

Ba jaŋ hugu a nagɛ kaku-sʋʋŋ. Ba jaŋ lɛrʋ kaa lɩɩ Jerusalɛm lɛ a joŋu ta boi-baalaa niiŋ.

JƐRƖMAAYA 25:33

Bʋa-la lɛ, nɩalɩŋ La TƖƖNA sɩ jaŋ kpʋ jaŋ pɩŋ lee-kala, a lɩɩ dʋnɩa sɛmɛ dɔŋɔ a kaa mʋ sɛmɛ dɔŋɔ. Ba bɩ jaŋ hugiba koo a yel ba yoho. Ama ba jaŋ pɩŋ tinteeŋ a nagɛ nʋsʋrʋŋ.

JƐRƖMAAYA 31:40

a kɛŋ fuonaa-la lɛ ba sɩɩ hugi sʋʋnʋŋ aŋ joŋ tʋɔrʋŋ ma tɩta, a pɛ lere-la kala ba sɩ dɩŋa lɛ a mʋ yi Kɩdɩrɔŋ Fuonaaŋ sɩ hɛ wɩɩpɔsʋŋ dɩɩrɩŋ, a kɛŋ ŋɩɩ mʋ yi Janɩŋ Boi-baal-la sɩ hɛ je-gʋnʋŋ lɛ. Leree deemba kala jaŋ ŋaa dɩ-zɔmɔ a pɩ mɩ-na ma TƖƖNA. Ba bɩra bɩ jaŋ kɔ dɩ ba churi tabal-la koo a ŋmobu lo.”

JƐRƖMAAYA 36:30

Ŋɩɩ wɩaa, wɩɩ-la mɩ-na ma TƖƖNA sɩ bʋla tɩgɛ Juda kuoro Jehoyakim lɛ nɛ ŋ-la: Ʋ bɩ jaŋ kɛŋ nʋʋ sɩ jaŋ hɔŋ Devit kuoru kpasa-la nyuŋ. Ba jaŋ joŋ ʋ kʋsʋʋŋ yuo ta dɩ wɩa kpʋʋ wɩɩhɛyɛ, dɩ nyalɩŋ ma nyala kɛnʋ tɩtaŋɩŋ.

JƐRƖMAAYA 9:20

Ou, haalaa, lɛɛlɛ má jegile nɩɩ La TƖƖNA wɩaa. Má suri ma dɩgɩlaa a nɩɩ ʋ niiŋ wɩaa. Má dagɛ ma toloo ŋɩɩ ba sɩɩ yel, má dagɛ dɔŋɔ hagɔgʋŋ.

JƐRƖMAAYA 9:21

Sʋʋŋ to tokoroba nɛ a jʋʋ la dɩɩsɩŋ a jʋʋ la dɩɩ-duoruŋ. Ʋ kpʋ hambiisiŋ nɛ womporunuŋ lɛ, aŋ kpʋ bapʋɔsaa ma biliiŋ lɛ.

JƐRƖMAAYA 9:22

Wɩɩ-la mɩ-na La TƖƖNA sɩ bʋla nɛ ŋ-la: “Nuhuobiinee kʋsʋʋnʋŋ jaŋ pɩna yieni, a nagɛ nʋsʋrʋŋ sɩ pɩŋ dɩ-jalɩŋ, a nagɛ ba sɩ ta mɩaa kɩɛlɛ, ka nʋʋ tuo dɩ ʋ paa hɛ dɔŋɔ.”

ƐZƖKƖƐL 29:5

Mɩ jaŋ joŋ ŋ dɩ chenfile-la kala ta tintee-hɩlɩŋ lɛ. Ma jaŋ pɩŋ pɔkɔŋ nyuŋ, nʋʋkala bɩ jaŋ paama. Mɩ jaŋ jomma pɩ baga kɩaa arɩ zaaraa dɩ ba dii.

ƐZƖKƖƐL 39:5

Ma jaŋ sʋʋ pɩŋ ŋmaŋkaaŋ nyuŋ. Mɩ-na ma TƖƖNA Wɩɩjarɩbakɔ nɛ bʋla.

ƐZƖKƖƐL 6:5

Mɩ jaŋ kɛŋ Iziral tɩŋŋaa kʋsʋʋnʋŋ pɩsa bil ba tɔŋŋɔɔ sɩpaaŋ, a kɛŋ ba haŋgbelee ma pɩsa golli ba korunuŋ.

ƐZƖKƖƐL 8:16

Ʋ kɛmmɛ kaa kʋ jʋʋ La TƖƖNA dɩ-bal-la kaala tʋɔŋ, mɩ na baalaa mara arɩ banɔŋ dɩ ba chɩŋ Wɩa dɩɩ-bal-la boi-baalɩŋ lɛ, zawʋra arɩ Wɩɩsʋlʋŋ koru-la pɛgɛ, ba harɩŋ jɩa Wɩa dɩɩ-bal-la ka ba sɩaa chaasɛ wɩɩpɔsʋŋ dɩɩrɩŋ a kpirime chʋchʋɔlɛ wɩɩpɔsʋŋ.

ZEFANAAYA 1:17

La TƖƖNA sɩ, “Mɩ jaŋ leŋ dɩ nɩaa na hɛɛŋ, ba jaŋ gɔllɔ baarɛ leriŋ a nagɛ nyʋlɩmaa, a tɩŋ ba sɩ ŋaa wʋbɔŋŋɔɔ mɩ-na ba TƖƖNA lɛ wɩaa. Ba chalɩŋ jaŋ jaasɛ a pɛllɛ nagɛ lɩɩŋ, dɩ ba kʋsʋʋnʋŋ ma pɩna pʋa.

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

Tɩntɩŋŋaa 7:42

Wɩa joŋ harɩŋ yɩaba, a lemba ta ba chʋchʋɔlɛ chɛnwʋlaa arɩ chɛnɛ arɩ wɩɩpɔsʋŋ. Ba ŋmʋnsɛ ŋɩɩ nɛ Wɩa teniŋ sɛmɛ dɔŋɔ Wɩa wʋlaabʋllaa sɩ ŋmʋnsa. Ba ŋmʋnsa arɩ Wɩa sɩ, ‘Ma Iziral tɩmma, bʋa-la lɛ ma fa sɩ hɛ tintee-hɩlɩɩ-la lɛ jɩsɩŋ mahɩŋ balɩa-la, mɩ-na dee ma fa kpʋ pʋsʋŋ pa.

MOSIS BƖRA WULLI WƖA WOMBIIŊ 17:3

a zizil wɩa-nyuŋ kʋŋ, wɩɩpɔsʋŋ, chɛnɛ, koo chɛnwʋlaa, arɩ vesiŋ dɔnsʋŋ La TƖƖNA sɩ bɩ ŋɩɩ daga,

MOSIS BƖRA WULLI WƖA WOMBIIŊ 4:19

Má sɩ kɩaa deemba ma sɩɩ na wɩa-nyuŋ zil: Wɩɩpɔsʋŋ, chɛnɛ arɩ chɛnwʋlaa. Ba ŋaa kɩa nɛ La TƖƖNA sɩ joŋo pɩ dʋnɩa nɩaa kala.