JƐRƖMAAYA 8:1 - WƖA TENIŊ

¹ La TƖƖNA sɩ, “Bʋa-la lɛ, ba jaŋ kuuso chaarɛ Juda tinteeŋ kuoru-balaa arɩ ba tɩntɩnnɩ-hɩasɩŋ, Wɩɩsʋllɩ sɩpaalaaraa arɩ mɩ wʋlaabʋllaa arɩ nɩalɩŋ kala fa sɩ hɛ Jerusalɛm lɛ haŋgbelee ba vaamaa lɛ.

JƐRƖMAAYA 8:1 Iomraidhean Croise

1 KUOROO 13:2

Wɩa wʋlaabʋllʋ-la ŋmoo niiŋ bʋl wɩalɩŋ La TƖƖNA sɩ bʋla a tɩgɛ koru-la lɛ: “Koruŋ, wɩɩ-la La TƖƖNA sɩ bʋla nɛ ŋ-la: ‘Ba jaŋ lʋl hambolibie Devit doho nɩaa tʋɔŋ a hɛ ʋ yɩrɩŋ Josaaya. Ʋ jaŋ kpʋ nɩalɩŋ kala ba sɩ lɩɩsa ba kpʋkpaarɩŋ a ŋɩŋaa Wɩɩsʋlʋŋ ŋ nyuŋ, aŋ nyɩgɛ nuhuobiine haŋgbelee ŋ nyuŋ.’ ”

2 KUOROO 23:16

Ŋɩɩ nɛ kuoro Josaaya bene golli a na vaamaa dundolo nyuŋ. Ʋ mʋ chaarɛ haŋgbelee a kaa mʋ nyɩgɛ koru-la nyuŋ a ŋaa koru-la kɛŋ disiniŋ arɩ La TƖƖNA wʋlaabʋlla fa sɩ bʋl ŋɩɩ.

2 KUOROO 23:20

Josaaya fa kpʋ veŋ-kpaara-la kala ba veŋ-kpaarɛ korunu-la nyuŋ nɛ, a nyɩgɛ nuhuobiine haŋgbelee korunu-la kʋŋkala nyuŋ, aŋ mɩɩra mʋ Jerusalɛm.

2 KUOROO 9:37

Jɛzɛbɛl kʋsʋʋŋ jaŋ pɩsɛ Jɛzɩrɛl tinteeŋ kala a nagɛ nɩsʋrʋŋ, dɩ nʋʋkala sɩ́ wuo jɩŋ arɩ Jɛzɛbɛl nɛ ŋɩɩ.”

WƖA YƖƖLAA 53:5

Ama fawʋllʋŋ jaŋ kɛmma a kɩɩ faafaa-la. Wɩa jaŋ leŋ dɩ ʋ nɩaa dʋndɔŋŋɔɔ haŋgbelee pɩsɛ. Ʋ vɩaba ta nɛ. Ma-na Iziral tɩŋŋaa jaŋ yuo diiba dɩ hɩɩsɩŋ kɛmba.

JƐRƖMAAYA 14:16

Nɩalɩŋ ma ba sɩ nyɩɛ wɩalɩŋ pɩpa, jaŋ sʋʋ laalɩŋ lɛ, dɩ losuŋ ma kɛŋ ba dɔnsʋŋ dɩ ba sʋʋ, dɩ ba paaba yuo ta Jerusalɛm womporunuŋ lɛ. Nʋʋkala jaŋ tuo dɩ ʋ hugi ba dɩ ba haalaa, ba hambolibiisiŋ arɩ ba hantolibiisiŋ. Mɩ jaŋ joŋ hɛɛ-la sɩ maga dɩ ba na a hɛ ba lɛ.”

ƐZƖKƖƐL 37:1

La TƖƖNA doluŋ kʋ jʋʋmɛ, ʋ Dɩma-la jommi kaa tuu fuonaa kʋbala tʋtʋɔbaanɩŋ, dɩ ʋ suo arɩ haŋgbelee.

ƐZƖKƖƐL 6:4

Mɩ jaŋ ŋmoo ma vʋɩyaa korunuŋ kala lo, a yɛrɛ ma kʋsʋɔrʋsʋŋ korunuŋ a kpʋ ma vʋɩ-kpaaraa ba tɔŋŋɔɔ sɩpaaŋ.

ƐZƖKƖƐL 6:5

Mɩ jaŋ kɛŋ Iziral tɩŋŋaa kʋsʋʋnʋŋ pɩsa bil ba tɔŋŋɔɔ sɩpaaŋ, a kɛŋ ba haŋgbelee ma pɩsa golli ba korunuŋ.

AMƆS 2:1

Wɩɩ-la La TƖƖNA sɩ bʋla nɛ ŋ-la: “Mɩ bɩ jaŋ leŋ dɩ mɩ baanɩŋ fɩɛlɛ, mɩ jaŋ dɔgɩsɛ Mʋab nɩaa a tɩŋ ba wʋbɔŋ dandaŋ-la wɩaa. Ba nɛ nyɩgɛ Ɛdɔm kuoro haŋgbelee ba bɩrɩmɛ tʋɔrʋŋ.”